Wp/tdd/ᥑᥣᥛᥰ ᥛᥣᥐᥱ ᥛᥫᥒᥰ ᥘᥣᥲ

< Wp‎ | tdd
Wp > tdd > ᥑᥣᥛᥰ ᥛᥣᥐᥱ ᥛᥫᥒᥰ ᥘᥣᥲ

ᥓᥣᥭᥰ : ᥟᥩᥐᥱ ᥕᥣᥢᥴ ᥞᥫᥢᥰ ᥞᥫᥭᥰ ᥓᥧᥰ ᥛᥣᥰ ᥓᥨᥝᥲ ᥕᥣᥛᥰ ᥘᥤ ( ᥞᥦ ) ᥘᥩᥰ,ᥖᥤᥴ ᥛᥣᥰ ᥕᥣᥰ ᥗᥨᥙᥱ ᥞᥩᥛᥴ ᥛᥩᥐᥱ ᥕᥣᥲ ᥓᥒᥱ ᥓᥤ ᥞᥫᥭᥰ ᥐᥩᥭᥰ ᥑᥬᥲ ᥕᥩᥢᥰ ᥐᥣᥭᥱ ᥔᥥᥒᥴ ᥑᥣᥛᥰ ᥞᥝᥳ ᥘᥩᥰ.ᥛᥩᥐᥱ ᥕᥣᥲ ᥘᥤ ᥞᥫᥭᥰ ᥚᥧᥖᥴ ᥓᥤ ᥟᥪᥒᥱ ᥔᥨᥢᥴ ᥔᥣᥭᥰ ᥞᥦ ᥘᥩᥰ,ᥐᥛᥳ ᥘᥭᥳ ᥑᥧᥢᥴ ᥚᥣᥢᥴ ᥕᥣᥢᥴ ᥞᥫᥢᥰ ᥐᥩᥭᥰ ᥑᥬᥲ ᥓᥣᥛᥱ ᥛᥪᥰ ᥖᥣᥭᥰ ᥔᥛᥳ ᥐᥨᥝ ᥑᥣ ᥘᥣᥛᥴ ᥟᥩᥢᥱ ᥙᥫᥢ ᥘᥩᥛᥳ ᥔᥣ ᥘᥩᥰ. ᥕᥤᥒᥰ : ᥕᥒᥰ ᥓᥬ ᥙᥤᥖᥴ ᥛᥩᥐᥱ ᥕᥣᥲ ᥛᥬᥰ ᥙᥭᥱ ᥐᥨᥝ ᥕᥒᥰ ᥘᥣᥛᥴ ᥞᥦ ᥘᥩᥰ,ᥚᥣᥢᥴ ᥓᥬ ᥑᥧᥢᥴ ᥙᥫᥢ ᥔᥣᥭᥴ ᥑᥨᥝᥰ ᥔᥩᥒᥴ ᥛᥪᥰ ᥖᥦᥒᥱ ᥓᥩᥛᥰ ᥒᥣᥛᥴ ᥙᥩᥢᥲ ᥘᥨᥝ ᥘᥩ.ᥕᥒᥰ ᥓᥬ ᥟᥨᥭᥴ ᥑᥣᥛᥰ ᥞᥫᥭᥰ ᥙᥭᥱ ᥞᥬᥲ ᥘᥛᥳ ᥑᥣᥛᥰ ᥐᥣ ᥘᥩᥰ,ᥕᥒᥰ ᥓᥬ ᥔᥦᥝᥲ ᥙᥣ ᥞᥫᥭᥰ ᥛᥬᥰ ᥖᥨᥝ ᥘᥨᥒᥰ ᥖᥨᥐᥱ ᥑᥥᥰ ᥛᥧᥰ ᥘᥩ.ᥔᥥᥰ ᥔᥣᥭᥴ ᥖᥨᥒᥱ ᥛᥫᥒᥰ ᥞᥝᥰ ᥞᥫᥭᥰ ᥙᥫᥢ ᥓᥧᥰ ᥝᥣ ᥛᥢᥰ ᥛᥧᥱ ᥙᥣ ᥑᥩᥢᥲ ( ᥞᥦᥴ ᥘᥩᥰ ),ᥑᥨᥝᥰ ᥔᥤᥲ ᥔᥤᥴ ᥛᥣᥐᥱ ᥐᥩᥢᥲ ᥓᥣᥭᥰ ᥙᥫᥢ ᥓᥣᥭᥰ ᥐᥩᥢᥰ ᥛᥣᥰ ᥚᥦᥝᥴ ᥘᥫᥴ ᥙᥥᥰ ᥞᥫᥭᥰ ᥘᥩ,ᥛᥧᥱ ᥙᥣ ᥑᥩᥢᥲ ᥞᥫᥭᥰ ᥙᥫᥢ ᥓᥧᥰ ᥝᥣ ᥛᥢᥰ ᥕᥧᥱ ᥘᥬᥰ ᥑᥥᥰ ᥘᥩᥰ,ᥟᥢ ᥘᥒᥴ ᥔᥥᥴ ᥔᥣᥢᥴ ᥛᥬᥰ ᥓᥣᥭᥰ ᥐᥩᥭᥰ ᥛᥣᥰ ᥚᥝᥱ ᥘᥫᥴ ᥙᥥᥰ ᥙᥣ ᥖᥤᥴ ᥞᥥᥖᥱ ᥞᥪᥴ ᥘᥭᥲ ᥔᥣ ᥘᥩ.