(ᥓᥫᥒᥰ ᥖᥭᥰ,ᥟᥨᥝᥲ ᥙᥥᥛᥱ ᥔᥣᥛᥴ ᥘᥨᥝᥰ, ᥙᥩᥖᥴ ᥖᥩᥢᥲ). (1) ᥒᥤᥢᥰ ᥔᥐᥴ ᥐᥛᥰ ᥘᥣᥰ ᥟᥢ ᥝᥣ ᥘᥫᥢ ᥔᥬᥴ ᥚᥥᥒᥰ ᥑᥛᥰ ᥕᥒ ᥛᥣᥰ ᥑᥪᥖᥴ ᥘᥭᥲ ᥘᥩᥒᥳ ᥔᥦᥒᥴ ᥑᥛᥰ ᥖᥨᥝᥰ ᥓᥩᥐᥱ ᥘᥩᥰ, ᥖᥤᥴ ᥝᥣ ᥚᥐᥴ ᥛᥤᥱ ᥑᥫᥐ ᥑᥛᥱ ᥔᥦᥢᥲ ᥔᥧᥖᥴ ᥖᥤ ᥘᥩᥰ ᥕᥒ ᥛᥣᥰ ᥛᥫᥢᥴ ᥘᥒᥱ ᥘᥩᥒᥳ ᥐᥝ ᥟᥝ ᥙᥩᥢᥲ ᥚᥐᥴ ᥗᥫᥢᥱ ᥞᥬᥲ ᥐᥤᥢ ᥘᥤ ᥔᥧᥖᥴ ᥚᥩᥐᥱ ᥝᥣᥢᥴ ᥖᥩᥢᥰ ᥘᥢᥳ ᥘᥩᥰ, (2) ᥔᥦᥒᥴ ᥙᥥᥝ ᥕᥛᥰ ᥞᥫᥭᥰ ᥓᥪ ᥔᥥᥒᥴ ᥛᥬᥰ ᥘᥣᥒᥰ ᥔᥣᥒᥰ ᥛᥫᥢᥴ ᥞᥥᥝᥰ ᥑᥛᥰ ᥐᥛ ᥐᥛ ᥟᥣᥭ ᥞᥩᥛᥴ ᥓᥩᥛᥰ ᥘᥨᥛᥰ ᥚᥪᥒᥲ ᥛᥣᥰ ᥓᥨᥛᥰ ᥖᥣᥱ ᥔᥥᥱ ᥘᥩᥰ, ᥑᥤᥒᥱ ᥑᥭᥳ ᥙᥤ ᥛᥬᥱ ᥙᥨᥝᥰ ᥘᥒᥱ ᥛᥣᥐᥱ ᥛᥫᥲ ᥛᥥᥢ ᥛᥣᥝᥱ ᥘᥫᥲ ᥖᥣᥒᥰ ᥐᥭ ᥖᥥᥝᥰ ᥘᥥᥱ ᥗᥪᥒᥴ ᥛᥣᥰ ᥕᥝᥳ ᥘᥩᥰ.