Wp/syl/ꠢꠣꠝꠢꠣꠝ ꠘꠤꠏꠞꠣ

ꠢꠣꠝꠢꠣꠝ ꠘꠣꠁꠟꠦ ꠌꠤꠔꠣ ꠏꠘ꠆ꠘꠣ ꠇꠤ ꠘꠤꠏꠞꠣ ꠨ ꠛꠣꠋꠟꠣꠖꠦꠡꠧꠞ ꠝꠥꠟꠤꠛꠣꠎꠣꠞ ꠎꠦꠟꠣꠞ ꠇꠝꠟꠉꠘꠎ ꠃꠙꠎꠦꠟꠣꠞ ꠞꠣꠎꠇꠣꠘꠖꠤ ꠡꠋꠞꠇꠇꠤꠔ ꠛꠘꠧꠞ ꠜꠤꠔꠞꠦ ꠇꠥꠞꠝꠣ ꠛꠘ ꠛꠤꠐ ꠄꠟꠣꠇꠣꠔ ꠅꠛꠍꠔꠤꠔ ꠄꠇꠐꠤ ꠙꠣꠇꠞꠤꠔꠤꠇ ꠏꠘ꠆ꠘꠣ ⁕ ꠁ ꠏꠘ꠆ꠘꠣ Γ0l0 ꠡꠣꠟꠧꠞ ꠢꠦꠡꠦꠖꠤ ꠙꠞꠎꠐꠘ ꠉꠣꠁꠒ ꠡꠦꠝꠟ ꠖꠦꠛꠛꠞꠝꠣꠞ ꠟꠉꠦ ꠇꠥꠀꠞꠋ ꠎꠋꠉꠟꠧ ꠊꠥꠞꠣ ꠄꠇꠖꠟ ꠙꠞꠎꠐꠇ ꠅꠈꠟꠦ ꠔꠥꠇꠣꠁꠀ ꠚꠣꠁꠘ ⁕ ꠇꠥꠀꠞꠋ ꠌꠤꠚꠣꠔ ꠎꠋꠉꠟꠧ ꠁ ꠏꠘ꠆ꠘꠣ l৩☽ ꠨ ꠀꠘꠘꠣꠁꠟꠦ lbV ꠛꠣ lV0 ꠚꠥꠐ ꠃꠌꠣ ꠨ ꠎꠦꠈꠣꠘꠧ ꠛꠣꠋꠟꠣꠖꠦꠡꠧꠞ ꠢꠈꠟ ꠔꠣꠇꠤ ꠃꠌꠣ ꠏꠘ꠆ꠘꠣ ꠢꠤꠡꠣꠛꠦ ꠡꠞꠇꠣꠞꠤꠜꠣꠛꠦ ꠡꠤꠇꠞꠤꠔ ꠝꠣꠗꠛꠇꠥꠘꠒꠧ ldΓ ꠚꠥꠐ ꠃꠌꠣ ⁕ ꠎꠥꠖꠤꠘꠧ ꠁ ꠏꠘ꠆ꠘꠣ ꠟꠣꠝꠛꠣ ꠇꠔꠈꠣꠘ ꠁꠇꠣꠘ ꠟꠂꠀ ꠇꠥꠘꠥ ꠙꠔꠤꠡꠐꠤꠔ ꠛꠣ ꠙꠞꠤꠇꠇꠤꠔ ꠝꠔ ꠘꠣꠁ ⁕ ꠢꠈꠟꠔꠣ ꠛꠦꠠꠣꠃꠞꠣ ꠅꠈꠟꠞ ꠅꠘꠥꠝꠣꠘ ⁕ ꠔꠛꠦ ꠉꠛꠦꠡꠇ ꠅꠈꠟꠞ ꠝꠔ ꠨ ꠁ ꠏꠘ꠆ꠘꠣ ꠍꠦꠚꠐꠣꠄ ꠝꠣꠗꠛꠇꠥꠘꠒꠧ ꠔꠘꠦ ꠔꠤꠘ ꠉꠥꠘ ꠛꠠ ⁕

ꠢꠣꠝꠢꠣꠝ ꠘꠤꠏꠞꠣ

waterfall

Native label	হাম হাম জলপ্রপাত
Country	Bangladesh
Coordinate location	24°16′0″N 91°55′7″E

ꠘꠣꠝ ꠀꠁꠍꠦ

ꠡꠣꠗꠣꠞꠘ ꠜꠦꠞꠣꠃꠞꠣ ꠅꠈꠟꠦ ꠁ ꠏꠘ꠆ꠘꠣꠞ ꠘꠣꠝ ꠟꠂꠀ ꠄꠇꠦꠇ ꠇꠕꠣ ꠈꠂꠘ ⁕ ꠇꠦꠃ ꠇꠦꠃ ꠈꠂꠘ ꠨ ꠏꠘ꠆ꠘꠣꠞ ꠟꠉꠦ ꠉꠥꠍꠟꠧꠞ ꠡꠝꠙꠞꠇ ꠔꠘꠦ ꠀꠞ꠆ꠛꠤ ꠡꠛ꠆ꠖ ꠢꠣꠝꠝꠣꠝ ꠕꠣꠇꠤ ꠢꠣꠝ ꠢꠣꠝ ꠀꠁꠍꠦ ⁕ ꠇꠦꠃ ꠇꠦꠃ ꠈꠂꠘ ꠨ ꠍꠤꠟꠐꠤ ꠝꠣꠔꠦ "ꠀ-ꠝ ꠀ-ꠝ" ꠈꠂꠀ ꠛꠥꠏꠣꠘꠤ ꠅꠄ ꠙꠣꠘꠤꠞ ꠒꠣꠇ ⁕ ꠀꠞ ꠏꠘ꠆ꠘꠣ ꠎꠦꠈꠣꠘꠧ ꠁꠎꠣꠔꠤ ꠡꠛꠖ ꠇꠞꠦ ꠨ ꠅꠔꠣꠞ ꠖꠣꠄ ꠅꠈꠣꠘ ꠔꠘꠦ ꠐꠣꠃꠘꠤꠀ ꠛꠦꠠꠣꠃꠞꠣ ꠅꠈꠟꠧꠞ ꠝꠣꠔ ꠕꠣꠇꠤ ꠢꠣꠝꠢꠣꠝ ꠘꠣꠝ ꠅꠁꠍꠦ ⁕ ꠎꠥꠖꠤꠘꠧ ꠟꠇꠣꠟ ꠅꠈꠟꠦ ꠁꠇꠐꠣꠞꠦ "ꠌꠤꠔꠣ ꠏꠘ꠆ꠘꠣ" ꠢꠤꠡꠣꠛꠦ ꠌꠤꠘꠂꠘ ꠨ ꠇꠦꠘꠦꠘꠣ ꠄꠇꠡꠝꠄ ꠁꠘꠧ ꠌꠤꠔꠣꠛꠣꠊ ꠀꠍꠤꠟ ⁕

ꠛꠤꠛꠞꠘ

ꠏꠘ꠆ꠘꠣꠞ ꠎꠃꠛꠘ ꠅꠁꠟ ꠉꠤ ꠛꠣꠞꠤꠡꠣꠔ ⁕ ꠛꠣꠞꠤꠡꠣꠔ ꠃꠝꠃꠝꠣꠁꠀ ꠙꠣꠘꠤ ꠙꠞꠦ ⁕ ꠡꠤꠔꠧꠞ ꠡꠝꠄ ꠎꠦꠈꠐꠣ ꠝꠣꠔ꠆ꠞ ꠄꠉꠥ ꠏꠘ꠆ꠘꠣ ꠅꠁꠎꠣꠄ ⁕ ꠏꠘ꠆ꠘꠣ ꠛꠣꠄ ꠙꠞꠣ ꠙꠣꠘꠤ ꠔꠘꠦ ꠎꠋꠉꠟꠧꠞ ꠜꠤꠔꠞꠦ ꠖꠤ ꠍꠠꠣ ꠅꠁꠀ ꠉꠦꠍꠦ ⁕ ꠏꠘ꠆ꠘꠣꠔ ꠎꠣꠁꠔꠦ ꠅꠁꠟꠦ ꠇꠥꠠꠝꠣ ꠛꠘ ꠛꠤꠐꠧꠞ ꠌꠝꠙꠣꠞꠣꠄ ꠌꠣ ꠛꠣꠉꠣꠘ ꠅꠁꠀ ꠎꠣꠃꠀ ꠟꠣꠉꠦ ⁕ ꠌꠝꠙꠣꠞꠣꠄ ꠌꠣ ꠛꠣꠉꠣꠘ ꠔꠘꠦ ꠏꠘ꠆ꠘꠣ V ꠇꠤꠟꠥꠝꠤꠐꠣꠞ ꠖꠥꠞꠁ ⁕ ꠙꠕꠞ ꠝꠣꠏꠦ ꠃꠌꠣ ꠈꠣꠠꠣ ꠝꠥꠇꠣꠝ ꠐꠤꠟꠟꠣ ꠚꠣꠞꠧꠘꠤ ꠟꠣꠉꠦ ꠀꠞ ꠍꠠꠣꠞ ꠚꠦꠈꠦ ꠖꠤ ꠈꠣꠟ ꠛꠞꠣꠛꠞ ꠎꠣꠃꠀ ꠟꠣꠉꠦ ⁕ ꠈꠣꠟ ꠛꠞꠣꠛꠞ ꠇꠖꠣꠌꠤꠔ ꠌꠥꠞꠣꠛꠣꠟꠥꠅ ꠕꠣꠇꠦ ꠨ ꠇꠤꠘꠔꠥꠇ ꠁꠔꠣ ꠎꠣꠉꠣꠔ ꠜꠦꠞꠣꠃꠞꠣ ꠅꠈꠟꠞ ꠟꠣꠉꠤ ꠇꠥꠘꠥ ꠍꠣꠁꠘ-ꠐꠣꠁꠘ ꠘꠣꠁ ⁕ ꠛꠣꠞꠤꠡꠣꠔ ꠢꠣꠝꠢꠣꠝ ꠎꠣꠁꠛꠣꠞ ꠔꠥꠞꠣ ꠀꠉꠦ ꠙꠕꠞ ꠝꠣꠏꠦ ꠖꠦꠈꠣ ꠎꠣꠄ ꠀꠞꠧꠉꠥ ꠛꠣꠐꠐꠤ ꠏꠘ꠆ꠘꠣ ⁕ ꠏꠘ꠆ꠘꠣꠞ ꠈꠣꠘꠖꠣꠞ ꠝꠣꠘꠥ ꠅꠈꠟ ꠔ꠆ꠞꠤꠙꠥꠞꠣ ꠃꠙꠎꠣꠔꠤ ⁕

ꠙꠇꠞꠤꠔꠤ

ꠢꠣꠝꠢꠣꠝ ꠎꠣꠁꠛꠣꠞ ꠞꠣꠍꠔꠣ ꠀꠞ ꠈꠣꠘꠖꠣꠞ ꠄꠟꠣꠇꠣꠞ ꠛꠘ-ꠎꠋꠉꠟꠧ ꠀꠍꠦ ꠢꠣꠁꠞ ꠛꠣꠘꠖꠣ ꠇꠟꠣꠉꠣꠍ ꠨ ꠎꠣꠞꠂꠟ ꠨ ꠇꠖꠝ ꠀꠞꠧ ꠇꠧꠔꠔꠣ ⁕ ꠁꠔꠣꠞ ꠌꠤꠙꠣꠄ ꠌꠣꠙꠣꠄ ꠖꠦꠈꠣ ꠎꠣꠄ ꠇꠔꠎꠣꠔ ꠍꠈꠞ ⁕ ꠛꠦꠟꠝ ꠉꠣꠍꠞ ꠒꠣꠟ ꠀꠞ ꠛꠦꠔꠞ ꠍꠥꠛꠣꠔ ꠖꠦꠈꠣ ꠎꠣꠄ ꠌꠡꠝꠣ ꠚꠤꠘꠖꠣ ꠅꠘꠥꠝꠣꠘ ⁕ ꠁꠔꠣ ꠍꠣꠠꠣꠧ ꠀꠍꠦ- ꠒꠟꠥ ꠨ ꠝꠥꠟꠤ ꠨ ꠝꠤꠞꠔꠤꠋꠉꠣ ꠨ ꠇꠣꠟꠤ ꠡꠢ ꠇꠔꠎꠣꠔꠤ ꠛꠣꠡ ⁕

ꠙꠞꠤꠛꠦꠡ ꠈꠦꠔꠤ

ꠛꠦꠠꠣꠅꠞꠣ ꠅꠈꠟꠦ ꠇꠥꠀꠞꠋ ꠙꠕ ꠚꠣꠞ ꠅꠀꠞ ꠖꠣꠄ ꠈꠣꠘꠤꠛꠘꠤ ꠀꠞ ꠙꠦꠟꠣꠡ꠆ꠐꠤꠇꠤꠞ ꠚꠣꠘꠤꠞ ꠛꠥꠔꠟ ꠟꠉꠦ ꠇꠞꠦ ꠞꠣꠈꠁꠘ ⁕ ꠀꠞ ꠈꠣꠘꠤꠞꠦ ꠚꠣꠘꠤ ꠔꠘꠦ ꠛꠣꠍꠣꠘꠤꠞ ꠖꠣꠄ ꠙ꠆ꠞꠣꠄꠅ ꠚꠟꠤꠕꠤꠘ ꠛꠦꠛꠀꠞ ꠈꠞꠤꠀ ꠕꠣꠈꠁꠘ ⁕ ꠇꠤꠘ꠆ꠔꠥꠇ ꠇꠥꠀꠞꠋ ꠙꠕ ꠚꠣꠞ ꠅꠁꠀ ꠢꠤꠇꠣꠘ ꠔꠘꠦ ꠛꠦꠠꠣꠅꠞꠣ ꠅꠈꠟꠦ ꠁꠔꠣ ꠁꠃꠎ ꠅꠀ ꠎꠤꠘꠤꠡꠐꠤꠘꠤꠡ ꠚꠤꠞꠁꠀ ꠀꠁꠛꠣꠞ ꠡꠝꠄ ꠀꠘꠔꠣ ꠍꠣꠁꠘ ꠘꠣ ⁕ ꠃꠚꠔꠣ ꠎꠦꠍꠣꠈꠣꠘꠧ ꠚꠣꠟꠣꠁꠀ ꠏꠘꠘꠣꠞ ꠈꠣꠘꠖꠣꠈꠣꠍꠣ ꠜꠞꠣꠁꠀ ꠔꠁꠀ ꠀꠁꠅꠘ ⁕ ꠎꠦꠔꠣꠞ ꠏꠘꠘꠣꠞ ꠡꠥꠘꠖꠞꠎꠧ ꠔꠣ ꠎꠣꠄ ꠎꠣꠄ ꠨ ꠟꠉꠦ ꠚꠞꠤꠛꠦꠡꠧꠞꠅ ꠘꠥ ꠈꠦꠔꠤ ꠅꠄ ⁕ ꠅꠔꠣꠞ ꠖꠣꠄ ꠛꠦꠠꠣꠅꠞꠣ ꠅꠈꠟꠦ ꠚꠍꠤꠎꠣꠄ ꠅꠔꠣ ꠇꠤꠍ ꠛꠦꠛꠀꠞ ꠈꠞꠤ ꠀꠅꠀꠞ ꠛꠣꠟꠣ ꠝꠣꠐꠤꠔ ꠉꠣꠠꠤꠀ ꠅꠘꠘꠣꠁꠟꠦ ꠎꠟꠣꠁꠀ ꠀꠁꠛꠛꠣꠞ ꠖꠣꠄ ꠈꠃꠀ ꠅꠄ ⁕