Wp/syl/ꠢꠣꠔ ꠞꠋꠉꠣ ꠍꠣ

< Wp‎ | syl(Redirected from Wp/syl/ꠢꠣꠔ ꠞꠋꠉꠣ ꠌꠣ)
Wp > syl > ꠢꠣꠔ ꠞꠋꠉꠣ ꠍꠣ

ꠢꠣꠔ ꠞꠋꠉꠣ ꠍꠣ ꠅꠁꠟ ꠛꠣꠋꠟꠣꠖꠦꠡꠞ ꠄꠈꠐꠣ ꠘꠣꠝꠤꠀꠟꠣ ꠚꠤꠀꠁꠀ ꠈꠣꠘꠤ⁕ ꠁ ꠍꠣꠞ ꠡꠣꠖ ꠘꠤꠛꠣꠞ ꠟꠣꠉꠤ ꠛꠃꠔ ꠎꠣꠉꠣ ꠔꠘꠦ ꠍꠣ ꠇꠥꠞ ꠅꠈꠟ ꠀꠁꠘ⁕ ꠡꠞꠛꠔ-ꠝꠤꠑꠣ ꠡꠣꠖ ꠔꠘꠦ ꠀꠞꠝ꠆ꠜ ꠈꠞꠤ ꠏꠣꠟ ꠟꠋ ꠡꠥꠁꠖ꠆ꠖꠣ ꠚꠞ꠆ꠔꠦꠈ ꠐꠣ ꠔꠣꠟꠣꠞ ꠀꠟꠣꠖꠣ ꠀꠟꠣꠖꠣ ꠡꠣꠖ ꠞꠁꠍꠦ ꠀꠞ ꠞꠋ ꠅ ꠞꠋꠗꠘꠥꠞ ꠟꠣꠈꠣꠘ ꠖꠦꠈꠔꠦ⁕ ꠡꠣꠔ ꠞꠋ ꠍꠣ ꠘꠤꠟꠇꠘ꠆ꠑ ꠐꠤ ꠇꠦꠛꠤꠘꠧ ꠚꠣꠅꠀ ꠎꠣꠄ, ꠎꠦꠈꠐꠣ ꠍꠤꠞꠤꠝꠘꠋꠉꠟ, ꠍꠤꠟꠐꠞ ꠄꠉꠥ ꠋꠣꠝꠈꠞꠣ ꠍꠣꠞ ꠖꠥꠇꠣꠘ⁕ ꠞꠝꠦꠡ ꠞꠣꠝ ꠉꠃꠠ ꠅꠁꠟꠣ ꠁ ꠍꠣꠞ ꠚꠁꠟ ꠛꠣꠘꠣꠘꠤꠅꠟꠣ ⁕[1]

ꠡꠣꠔ ꠞꠋ ꠌꠣ, ꠘꠤꠟꠇꠘ꠆ꠑ

ꠅꠞ꠆ꠕꠘꠂꠘꠤꠇ ꠝꠥꠟ꠆ꠟEdit

ꠞꠝꠦꠡ ꠞꠣꠝ ꠉꠃꠠꠞ ꠍꠣꠞ ꠖꠥꠇꠣꠘ ꠅꠈꠟ ꠕꠣꠇꠤ ꠛꠣꠋꠟꠣꠖꠦꠡ ꠡꠞꠇꠣꠞ ꠚꠞ꠆ꠔꠦꠇ ꠛꠞꠍ ꠛꠃꠔꠔꠣ ꠞꠣꠎꠁꠡ꠆ꠡ ꠚꠣꠄ⁕ ꠓꠣꠈꠣꠔ ꠕꠣꠈꠣ ꠇꠣꠔꠣꠞꠞ ꠞꠣꠡ꠆ꠐ꠆ꠞꠖꠥꠔ, ꠀꠢꠝꠦꠖ ꠛꠤꠘ ꠝꠥꠢꠣꠝ꠆ꠝꠦꠖ ꠀꠟ-ꠖꠤꠢꠣꠁꠝꠤ, ꠍꠤꠞꠤꠝꠘꠋꠉꠟ ꠛꠦꠠꠣꠘꠤꠞ ꠡꠝꠄ ꠡꠣꠔ ꠞꠋ ꠍꠣ ꠈꠣꠁꠀ ꠖꠦꠈꠂꠘ⁕ ꠡꠣꠔ ꠞꠋ ꠍꠣꠞ ꠘꠛ-ꠛꠣꠘꠣꠘꠤꠅꠟꠣ ꠞꠝꠦꠡ ꠞꠣꠝ ꠉꠂꠠ ꠔꠣꠘ ꠉꠦꠍ ꠔꠘꠦ ꠄꠈ ꠇꠣꠙ ꠡꠣꠔ ꠞꠋ ꠍꠣꠞ ꠟꠣꠉꠤ ꠡꠣꠔ ꠀꠎꠣꠞ ꠐꠦꠈꠣ ꠙꠥꠞꠥꠡ꠆ꠇꠣꠞ ꠚꠣꠁꠘ⁕

ꠛꠣꠘꠣꠘꠤEdit

ꠎꠥꠖꠤꠘꠅ ꠅꠈꠘꠇꠥ ꠛꠃꠔ ꠍꠣ ꠛꠣꠘꠣꠅꠞꠣ ꠀꠞ ꠖꠥꠇꠣꠘ ꠅꠈꠟ ꠔꠣꠇ-ꠔꠣꠇ ꠍꠣ ꠛꠣꠘꠣꠞ, ꠞꠝꠦꠡ ꠞꠣꠝ ꠉꠃꠠ ꠄꠈꠡꠝꠄ ꠜꠣꠛꠔꠣ ꠎꠦꠘꠦ ‘ꠍꠣꠞ ꠟꠥꠇꠣꠁꠟ ꠛꠣꠘꠣꠘꠤꠞ ꠡꠤꠡꠐꠝ’ ꠈꠦꠃ ꠘꠇꠟ ꠈꠞꠔ ꠚꠣꠞꠔ ꠘꠣꠄ⁕ ꠔꠣꠁꠘ ꠈꠦꠃꠞꠦ ꠅ ꠚꠥꠞꠣꠚꠥꠞꠤ ꠟꠥꠇꠣꠁꠟ ꠡꠤꠡꠐꠝ ꠈꠁꠍꠂꠘ ꠘꠣ, ꠔꠄ ꠔꠣꠘ ꠉꠦꠍ ꠕꠣꠇꠤ ꠁꠉꠥꠞ ꠡꠤꠡꠐꠝ ꠡꠁꠋꠇꠦꠙꠦ ꠀꠞ ꠝꠥꠟ ꠏꠤꠘꠤꠡꠞꠞ ꠈꠕꠣ ꠎꠣꠘꠣ ꠉꠦꠍꠦ⁕

ꠛꠦꠍꠣꠞ ꠎꠣꠉꠣEdit

ꠘꠤꠟꠇꠘ꠆ꠑ ꠐꠤ ꠇꠦꠛꠤꠘEdit

 
ꠀꠖꠤ ꠘꠤꠟꠇꠘ꠆ꠑ ꠐꠤ ꠇꠦꠛꠤꠘ, ꠍꠤꠞꠤꠝꠘꠋꠉꠟ

ꠘꠤꠟꠇꠘ꠆ꠑ ꠐꠤ ꠇꠦꠛꠤꠘ ꠅꠁꠟ ꠢꠃ ꠎꠣꠉꠣ ꠎꠦꠈꠣꠘꠧ ꠡꠣꠔ ꠞꠋ ꠌꠣ ꠈꠣꠛꠣꠘꠤ ꠅꠄ। ꠁ ꠌꠣꠞ ꠖꠧꠇꠣꠘꠧ ꠇꠔꠎꠣꠔꠧꠞ ꠌꠣ ꠙꠣꠅꠀ ꠎꠣꠄ। ꠀꠟꠣꠖꠣ ꠙꠣꠌ ꠞꠋꠉꠣ ꠌꠣ ꠛꠣꠖꠦꠅ, ꠁꠈꠣꠘꠧ ১ ꠔꠘꠦ ৭ ꠞꠋꠉꠞ ꠌꠣ ꠡꠣꠍ꠆ꠞꠁ ꠖꠣꠝꠦ ꠙꠣꠅꠀ ꠎꠣꠄ। ꠞꠝꠦꠡ ꠞꠣꠝ ꠉꠃꠠꠞ ꠔꠣꠘ ꠛꠃꠔ ꠇꠡ꠆ꠐ ꠇꠞꠤ ꠄꠇ ꠇꠣꠙꠧ/ꠉ꠆ꠟꠡꠧ ꠀꠐ ꠞꠋꠉꠞ ꠌꠣ ꠛꠣꠘꠣꠘꠤꠞ ꠇꠃꠡꠟ ꠛꠣꠈꠞꠍꠂꠘ।

ꠛꠞ꠆ꠔꠝꠣꠘꠧ, ꠘꠤꠟꠇꠘ꠆ꠑ ꠐꠤ ꠇꠦꠛꠤꠘꠞ ꠝꠣꠟꠤꠇ, ꠞꠝꠦꠡ ꠞꠣꠝ ꠉꠃꠠꠞ ꠖꠥꠁꠐꠣ ꠖꠧꠇꠣꠘ ꠀꠍꠦ। ꠄꠇꠐꠣ ꠍꠤꠞꠤꠝꠘꠋꠉꠟꠞ ꠞꠣꠝꠘꠉꠞꠞ ꠝꠘꠤꠙꠥꠞꠤ ꠙꠣꠠꠣꠔ (ꠎꠦꠇꠐꠣ ꠘꠤꠟꠇꠘ꠆ꠑ-১ ꠘꠣꠝꠦ ꠙꠞꠤꠌꠤꠔ), ꠁꠇꠐꠣ ꠡꠛ ꠙꠄꠟꠣ ꠀꠞ ꠙꠥꠞꠣꠘꠣ ꠐꠣ; ꠅꠁꠘ꠆ꠘꠐꠣ ১৪ ꠞꠣꠁꠚꠦꠟ ꠛꠦꠐꠣꠟꠤꠀꠘ ꠍꠦꠘ꠆ꠐꠣꠞ, ꠇꠣꠟꠤꠉꠣꠐ, ꠍꠤꠞꠤꠝꠘꠋꠉꠟꠧ; ꠎꠦꠇꠐꠣ ꠡꠣꠗꠣꠞꠘꠔ ꠘꠤꠟꠇꠘ꠆ꠑ-২ ꠘꠣꠝꠦ ꠙꠞꠤꠌꠤꠔ। ꠁꠇꠐꠣ ꠘꠄꠀ ꠐꠣ। ꠘꠤꠟꠇꠘ꠆ꠑꠞ ꠁꠔꠣ ꠖꠧꠇꠣꠘ ꠅꠈꠟ ꠒꠦꠁꠟꠤ ꠡꠇꠣꠟ ৯ꠐꠣ ꠔꠣꠇꠤ ꠀꠞꠝ꠆ꠜ ꠇꠞꠤ ꠞꠣꠁꠔ ৮ꠐꠣ ꠙꠞ꠆ꠎꠘ꠆ꠔ ꠈꠧꠟꠣ ꠕꠣꠇꠦ।

ꠛꠣꠋꠟꠣꠖꠦꠡ ꠅꠁꠟ ꠃꠔꠡꠛ ꠀꠝꠦꠎꠧꠞ ꠖꠦꠡ। ꠅꠔꠣꠞ ꠖꠣꠄ ꠇꠧꠘ ꠗꠞ꠆ꠝꠤꠅ ꠃꠔꠡꠛ ꠛꠣ ꠍꠥꠐꠤ ꠕꠣꠇꠟꠦ ৭-ꠞꠋ ꠌꠣꠞ ꠘꠣꠝ-ꠖꠣꠝꠧꠞ ꠘꠣꠉꠤ ꠇꠔ ꠎꠣꠉꠣꠁꠘ ꠔꠘꠦ ꠝꠣꠘꠥꠡ ꠀꠁꠀ ꠜꠤꠠ ꠇꠞꠦ। ꠘꠤꠟꠇꠘ꠆ꠑꠔ ꠅꠈꠘꠧ ꠇ꠆ꠞꠦꠒꠤꠐ ꠇꠣꠒ ꠌꠣꠟꠥ ꠘꠣ ꠅꠃꠀꠄ, ꠙꠞ꠆ꠎꠐꠇ ꠅꠈꠟꠞꠦ ꠘꠉꠖ ꠐꠦꠇꠣ ꠟꠉꠦ ꠞꠣꠈꠣ ꠟꠣꠉꠦ।

ꠀꠞꠅ ꠖꠦꠈꠃꠇ꠆ꠇꠣEdit

ꠟꠈEdit

  1. "ꠍꠤꠟꠐ ꠛꠣꠋꠟꠣꠖꠦꠡ ꠢꠣꠔ ꠖꠣꠙꠞ ꠌꠣ ꠘꠤꠇꠘ꠆ꠔ ꠌꠣꠞ ꠇꠦꠛꠤꠘ"⁕ ꠖꠣ ꠉꠣꠞꠒꠤꠀꠘ⁕ ꠖꠦꠈꠍꠤ 4 ꠎꠥꠟꠣꠁ 2022⁕