ꠟꠉ꠆ꠉꠤ (Classifier) ꠅꠁꠟ ꠅꠔꠣ ꠡꠛ꠆ꠖ ꠎꠦꠔꠣ ꠇꠥꠘꠥ ꠘꠤꠎꠘꠣꠝꠞ ꠟꠉꠦ ꠛꠁꠀ ꠁꠉꠥ ꠇꠤꠎꠣꠔꠤ ꠍꠤꠎ ꠛꠣ ꠎꠤꠘꠤꠡ ꠅꠔꠣ ꠛꠥꠏꠣꠄ⁕ ꠟꠉ꠆ꠉꠤ ꠍꠤꠟꠐꠤ ꠡꠛ꠆ꠖ ꠟꠉꠞ ꠡꠣꠕꠤ ꠛꠣ ꠡꠣꠖ꠆ꠖꠦꠅꠞꠣ ꠔꠘꠦ ꠀꠁꠍꠦ⁕ ꠍꠤꠟꠐꠤ ꠈꠣꠄꠖꠣꠄ ꠟꠉ꠆ꠉꠤ ꠝꠣꠘꠦ ꠟꠉꠞ ꠉꠥ⁕ ꠝꠣꠚꠣꠝꠣꠚꠤ ꠘꠣꠄ ꠉꠘꠣꠉꠘꠤ ꠛꠥꠏꠣꠄ ꠈꠞꠤ ꠟꠉ꠆ꠉꠤꠞꠦ ꠝꠣꠚ꠆ꠞꠣꠡꠛ꠆ꠖꠅ ꠈꠅꠀ ꠅꠄ⁕ ꠟꠉ꠆ꠉꠤ ꠚꠥꠛ-ꠄꠡꠤꠀꠘ ꠝꠣꠔꠅꠈꠟ ꠛꠤꠡꠦꠡꠈꠞꠤ ꠌꠤꠘꠣ, ꠎꠣꠙꠣꠘꠤ, ꠜꠤꠄꠔꠘꠣꠝꠤ, ꠇꠥꠞꠤꠀꠘ ꠝꠣꠔꠞ ꠉꠥꠞꠥꠔ꠆ꠔꠚꠥꠞ꠆ꠘ ꠅꠋꠡ⁕ ꠔꠄ ꠁꠃꠞꠥꠚꠤ ꠝꠣꠔꠅꠈꠟ ꠟꠉ꠆ꠉꠤꠞ ꠛꠦꠛꠀꠞ ꠈꠝ ꠀꠘ꠆ꠘꠣꠄ ꠘꠣꠁꠃ⁕ ꠍꠤꠟꠐꠤ ꠄꠉꠥ ꠁꠘ꠆ꠖ-ꠁꠃꠞꠥꠙꠤ ꠀꠞ ꠔꠤꠛ꠆ꠛꠔꠤ-ꠛꠣꠞ꠆ꠝꠣꠁꠀ ꠝꠣꠔ ꠅꠀꠄ ꠁꠘ ꠟꠉ꠆ꠉꠤꠞ ꠛꠦꠛꠀꠞꠅ ꠛꠦꠡꠤ⁕
ꠎꠦꠔꠣ ꠝꠣꠔꠅꠈꠟ ꠟꠉ꠆ꠉꠤ ꠀꠍꠦ, ꠁꠔꠣꠞ ꠝꠣꠏꠦ ꠎꠥꠖꠤꠘ ꠇꠥꠘꠥ ꠘꠤꠎꠘꠣꠝꠞ ꠉꠘꠣ ꠟꠣꠉꠦ, ꠔꠦ ꠎꠦꠍꠣ ꠄꠉꠥ ꠟꠉ꠆ꠉꠤ ꠛꠦꠛꠀꠞ ꠅꠄ⁕ ꠎꠦꠟꠣꠘ-
- ꠄꠉꠥ ꠚꠥꠀ
- ꠔꠤꠘꠐꠣ ꠉꠣꠍ
- ꠖꠥꠇꠣꠘ ꠊꠞ
- ꠔꠤꠘꠎꠘ ꠝꠣꠡꠐꠞ
- ꠚꠥꠠꠤꠉꠥꠔꠣ
ꠍꠤꠟꠐꠤ ꠝꠣꠔꠅ ꠀꠞꠅ ꠎꠦꠔꠣ ꠟꠉ꠆ꠉꠤꠘ ꠀꠍꠦ- ꠁꠉꠥ/ꠁꠉꠥꠁꠘ, ꠁꠇꠍꠣ/ꠁꠇꠍꠣꠁꠘ, ꠅꠈꠍꠣ/ꠅꠈꠍꠣꠁꠘ, ꠅꠉꠥ/ꠅꠉꠥꠁꠘ, ꠢꠉꠥ/ꠢꠉꠥꠁꠘ, ꠢꠈꠍꠣ/ꠢꠈꠍꠣꠁꠘ, ꠉꠦꠍꠣ/ꠉꠦꠍꠣꠁꠘ, ꠉꠥ/ꠉꠥꠁꠘ ꠅꠔꠣꠁꠘ⁕