ꠝꠖꠤꠘꠣꠔꠥꠟ ꠃꠟꠥꠝ ꠛꠣꠉꠛꠣꠠꠤ ꠘꠣꠎꠤꠛꠤꠀ ꠀꠟꠤꠀ ꠝꠣꠖꠞꠣꠡꠣ ( ꠀꠞꠛꠤ: مدينة العلوم باغباري النجيبية العالية) ꠛꠣ ꠝꠖꠤꠘꠣꠔꠥꠟ ꠃꠟꠥꠝ ꠛꠣꠉꠛꠣꠠꠤ, ꠅꠁꠟ ꠁꠘ꠆ꠒꠤꠀꠞ ꠀꠡꠣꠝꠞ ꠄꠈꠐꠣ ꠝꠣꠖꠞꠣꠡꠣ⁕ ꠁꠇꠐꠣ ꠀꠍꠐꠣ ꠍꠤꠟꠐꠞ ꠝꠣꠏꠦ ꠡꠛꠌꠦꠄ ꠚꠥꠞꠣꠘꠣ ꠝꠣꠖꠞꠣꠡꠣ⁕
ꠝꠖꠤꠘꠣꠔꠥꠟ ꠃꠟꠥꠝ ꠛꠣꠉꠛꠣꠠꠤ
| ꠎꠦ ꠎꠤꠘꠤꠡꠞ | madrasa |
|---|---|
| ꠖꠦꠡ | India |
| ꠎꠦꠉꠣꠞ ꠔꠁꠔ꠆ꠔ | 24°47′16″N 92°25′37″E |
| P2671 | /g/11j8hm1l5r |
ꠁ ꠝꠣꠖ꠆ꠞꠣꠡꠣ ꠛꠣꠘꠣꠘꠤ ꠅꠁꠍꠦ ১৮৭৩ ꠡꠣꠟ, ꠛꠣꠘꠣꠁꠍꠁꠘ ꠝꠃꠟꠜꠤ ꠘꠣꠎꠤꠛ ꠀꠟꠤ ꠌꠃꠗꠞꠤ ꠄ⁕ ꠇꠤꠍꠣꠞ ꠍꠟ ꠀꠍꠦ ꠎꠦ, ꠘꠣꠎꠤꠛ ꠀꠟꠤ ꠌꠃꠗꠞꠤ ꠎꠦꠛꠟꠣ ꠝꠇ꠆ꠇꠣꠔ ꠀꠍꠟꠣ, ꠢꠦꠔꠦꠇꠥ ꠄꠈꠖꠤꠘ ꠘꠛꠤ ꠝꠥꠢꠣꠝ꠆ꠝꠖ ꠞꠦ ꠈꠣꠛꠧ ꠖꠦꠈꠍꠁꠘ, ꠈꠣꠛ ꠘꠛꠤ ꠝꠥꠢꠣꠝ꠆ꠝꠖ ꠄ ꠘꠣꠎꠤꠛ ꠀꠟꠤꠞꠦ ꠈꠁꠍꠁꠘ ꠔꠣꠘ ꠉꠣꠃꠔ ꠉꠤꠀ ꠁꠍꠟꠣꠝ ꠅꠞ ꠁꠟꠝ ꠛꠣꠐꠣꠘꠤꠞ ꠟꠣꠉꠤ⁕ ꠝꠣꠖꠞꠣꠡꠣ ꠛꠣꠘꠣꠘꠤ ꠅꠁꠍꠦ ꠘꠣꠎꠤꠛ ꠀꠟꠤꠞ ꠘꠤꠎꠞ ꠛꠣꠠꠤꠔ, ꠛꠣꠉꠛꠣꠠꠤ ꠉꠣꠃꠔ ꠇꠞꠤꠝꠉꠘꠎ ꠅꠞ ꠈꠣꠘ꠆ꠖꠣꠔ⁕ ꠙ꠆ꠞꠣꠄ ꠄꠈꠡ ꠛꠍꠞ ꠁ ꠝꠣꠖ꠆ꠞꠣꠡꠣ ꠅꠃ ꠎꠣꠉꠣꠔ ꠃ ꠀꠍꠤꠟ ꠛꠣꠖꠦ, ꠝꠣꠃꠟꠣꠘꠣ ꠀꠡꠣꠛ ꠃꠖ꠆ꠖꠤꠘ ꠎꠦꠛꠟꠣ ꠝꠥꠢꠔꠣꠝꠤꠝ ꠀꠍꠟꠣ ꠔꠈꠘ ꠉꠤꠀ, ꠄꠛꠟꠣꠇꠥꠞ ꠎꠣꠉꠣꠔ ꠀꠁꠍꠦ⁕