ꠛꠣꠋꠉꠣꠟꠤ ꠉꠣꠋ ꠛꠣꠋꠟꠣꠖꠦꠡꠞ ꠃꠔ꠆ꠔꠞ-ꠙꠌ꠆ꠌꠤꠝ ꠅꠘ꠆ꠌꠟꠞ ꠉꠣꠁꠛꠣꠘ꠆ꠗꠣ, ꠛꠉꠥꠠꠣ ꠅ ꠡꠤꠞꠣꠎꠉꠁꠘ꠆ꠎ ꠎꠦꠟꠣꠞ ꠄꠉꠥ ꠉꠣꠋ⁕ ꠉꠣꠋ ꠁꠉꠥ ১৮৩ ꠇꠤꠟꠥꠝꠤꠐꠣꠞ ꠟꠣꠝꠛꠣ, ১৪৩ ꠝꠤꠐꠣꠞ ꠍꠦꠚꠐꠣ ꠀꠞ ꠉꠣꠋꠉ ꠁꠇꠐꠣ ꠢꠣꠚꠞ ꠟꠣꠈꠣꠘ ꠚꠦꠍꠣꠁꠟ-ꠝꠥꠞꠣꠁꠟ⁕ ꠎꠝꠥꠘꠣ ꠉꠣꠋꠉꠞ ꠟꠉꠦ ꠝꠤꠡꠤ ꠎꠣꠁꠛꠣꠞ ꠀꠡꠁꠋꠇꠣ ꠔꠘꠦ ২০০৭ ꠡꠣꠟꠅ ꠉꠣꠋ ꠁꠉꠥ ꠛꠤꠡꠦꠡꠜꠣꠛꠦ ꠀꠟꠥꠍꠘꠣꠔ ꠀꠄ⁕ ꠎꠣꠞꠖꠣꠄ ꠁ ꠄꠟꠣꠇꠣꠞ ꠜꠃꠉꠟꠤꠇ ꠛꠃꠔ ꠞꠖꠛꠖꠟ ꠘꠥ ꠅꠁꠎꠤꠛ⁕
ꠃꠔ꠆ꠚꠔ꠆ꠔꠤ edit
ꠅꠘꠇꠥꠞ ꠎꠝꠥꠘꠣ ꠀꠞ ꠔꠤꠍꠔꠣ ꠉꠣꠋꠉꠞ ꠉꠔꠤꠚꠕ ১৮৭৮ ꠡꠣꠟꠞ ꠛꠦꠡꠦꠛꠣ ꠚꠣꠘꠤꠞ ꠛꠣꠖꠦ ꠔꠣꠁꠀꠞ ꠅꠄ⁕ ꠁ ꠚꠣꠘꠤꠄ ꠘꠥ ꠢꠣꠞꠣ ꠅꠘ꠆ꠌꠟꠞ ꠉꠣꠋꠜꠤꠔ꠆ꠔꠤꠇ ꠝꠦꠚꠞ ꠛꠣꠇꠇꠣ ꠃꠟꠐ-ꠚꠣꠟꠐ ꠈꠞꠤꠟꠣꠄ⁕ ১৭৮৭ ꠡꠣꠟꠞ ꠀꠉꠦ ꠛ꠆ꠞꠝ꠆ꠝꠚꠥꠔ꠆ꠞ ꠉꠣꠋ ꠝꠄꠝꠘꠡꠤꠋꠉꠞ ꠜꠤꠔꠞꠦ ꠖꠤ ꠜꠂꠞꠛ ꠛꠣꠎꠣꠞ ꠀꠁꠀ ꠝꠦꠊꠘꠣ ꠉꠣꠋꠉꠞ ꠟꠉꠦ ꠝꠤꠡ꠆ꠔ ꠕꠣꠈꠦ⁕ ꠅꠃ ꠚꠣꠘꠤꠞ ꠛꠣꠖꠦ, ꠛ꠆ꠞꠝ꠆ꠝꠚꠥꠔ꠆ꠞ ꠉꠔꠤ ꠛꠖꠟꠣꠁꠟꠣꠄ ꠀꠞ ꠎꠝꠥꠘꠣ ꠘꠣꠝꠦ ꠚꠖ꠆ꠖꠣꠔ ꠀꠁꠀ ꠚꠞ꠆ꠔ ꠕꠣꠈꠦ⁕ ꠔꠤꠍꠔꠣ ꠉꠣꠋꠉꠅ ꠔꠣꠞ ꠉꠔꠤ ꠛꠖꠟꠣꠁꠟꠣꠄ⁕ ꠝꠘꠈꠞꠣ ꠅꠄ ꠛꠣꠋꠉꠣꠟꠤ ꠉꠣꠋꠞ ꠎꠘ꠆ꠝꠅ ১৭৮৭ ꠡꠣꠟꠞ ꠛꠘ꠆ꠘꠣꠞꠞ ꠛꠣꠖꠦ, ꠈꠦꠘꠦꠘꠣ ꠛꠣꠋꠉꠣꠟꠤ ꠉꠣꠋꠞ ꠝꠥꠟ ꠃꠔ꠆ꠡ ꠔꠤꠍꠔꠣ ꠅ ꠎꠝꠥꠘꠣꠞ ꠅꠘꠇꠥꠞ ꠉꠔꠤꠚꠕ ১৭৮৭ ꠡꠣꠟꠞ ꠀꠉꠦ ꠀꠍꠤꠟ ꠘꠣ⁕
ꠄꠟꠣꠇꠣ edit
ꠛꠣꠋꠉꠣꠟꠤ ꠉꠣꠋꠞ ꠃꠔ꠆ꠙꠔ꠆ꠔꠤ ꠘꠤꠟꠚꠣꠝꠣꠞꠤ ꠎꠦꠟꠣꠞ ꠔꠤꠍꠔꠣ ꠉꠣꠋ ꠔꠘꠦ⁕ ꠃꠔ꠆ꠡ ꠔꠘꠦ ꠉꠣꠋꠉ ꠁꠉꠥ ꠊꠣꠊꠐ ꠘꠣꠝꠦ ꠉꠣꠁꠛꠣꠘ꠆ꠗꠣꠔ ꠀꠁꠀ ꠢꠣꠝꠣꠁꠍꠦ⁕ ꠉꠣꠁꠛꠣꠘ꠆ꠗꠣꠔ ꠀꠁꠀ ꠁꠉꠥ ꠖꠥꠁ ꠐꠥꠝꠣꠄ ꠜꠣꠉ ꠅꠁꠍꠦ- ꠄꠈ ꠒꠣꠟ ꠚꠍꠝꠞ ꠊꠣꠊꠐ ꠘꠣꠝꠦ ꠎꠣꠅꠀ ꠡꠦꠞꠚꠥꠞꠞ ꠇꠞꠔꠥꠀ ꠉꠣꠋꠉ ꠉꠤꠀ ꠚꠙꠠꠍꠦ; ꠀꠞꠉꠥ ꠛꠣꠋꠉꠣꠟꠤ ꠘꠣꠝꠦ ꠖꠇ꠆ꠇꠤꠘꠛꠣꠄ ꠀꠉꠥꠀꠁꠀ ꠉꠤꠀ ꠛꠉꠥꠠꠣꠔ ꠢꠤꠞꠛꠣꠞ ꠖꠥꠁ ꠐꠥꠝꠣꠄ ꠜꠣꠉ ꠅꠁꠍꠦ⁕ ꠢꠃ ꠖꠥꠁ ꠒꠣꠟ ꠎꠝꠥꠘꠣ ꠀꠞ ꠇꠞꠔꠥꠀꠔ ꠉꠤꠀ ꠚꠠꠍꠦ⁕
ꠛꠣꠋꠉꠣꠟꠤ ꠉꠣꠋꠞ ꠛꠣꠇꠇꠣ ꠒꠣꠟꠚꠣꠟꠣ ꠀꠍꠦ: ꠛꠦꠟꠣꠟ, ꠝꠣꠘꠡ, ꠝꠗꠥꠈꠣꠟꠤ, ꠁꠍꠣꠝꠔꠤ, ꠜꠟꠇꠣ ꠀꠞꠅ ꠈꠔꠔꠣ⁕ ꠁ ꠒꠣꠟꠚꠣꠟꠣꠁꠘ ꠡꠤꠔꠞ ꠝꠃꠡꠥꠝꠅ ꠢꠥꠇꠣꠁ ꠎꠣꠄ⁕
ꠁꠖꠣꠘꠤꠋꠇꠥ ꠔꠤꠍꠔꠣ ꠉꠣꠋꠉꠞ ꠢꠥꠔ ꠖꠥꠞ꠆ꠛꠟ ꠅꠁ ꠎꠣꠅꠀꠄ, ꠎꠝꠥꠘꠣ ꠛꠣꠋꠉꠣꠟꠤ ꠉꠣꠋꠉꠞ ꠚꠣꠘꠤꠞ ꠝꠥꠟ ꠃꠔ꠆ꠡ ꠛꠘꠍꠦ⁕ ꠛꠣꠋꠟꠣꠖꠦꠡꠞ ꠉꠣꠋ ꠉꠛꠦꠡꠘꠣ ꠁꠘꠍ꠆ꠐꠤꠐꠤꠃꠐꠞ ꠡꠣꠛꠦꠈ ꠛꠦꠛꠍꠕꠣꠚꠘꠣ ꠚꠞꠤꠍꠣꠟꠇ ꠀꠛꠖꠥꠟ ꠅꠀꠎꠦꠖ ꠝꠘꠈꠞꠂꠘ "ꠎꠝꠥꠘꠣ ꠉꠣꠋ ꠛꠣꠋꠉꠣꠟꠤꠞ ꠚꠁꠟ ꠃꠔ꠆ꠡ⁕" ꠅꠁꠘ꠆ꠘꠣꠁꠘ꠆ꠘ ꠛꠃꠔ ꠛꠤꠉ꠆ꠉꠣꠘꠤꠄ ꠔꠣꠘ ꠈꠕꠣꠞꠦ ꠡꠣꠙꠥꠐ ꠖꠦꠁꠘ⁕
ꠁꠔꠤꠀꠡ edit
ꠀꠡ꠆ꠐꠖꠡ ꠡꠔꠈꠞ ꠢꠦꠡꠛꠣꠄ, ꠃꠔ꠆ꠔꠞ ꠛꠋꠉꠔ ꠛ꠆ꠞꠤꠐꠤꠡ ꠞꠣꠎꠞ ꠛꠤꠞꠥꠖ꠆ꠖꠦ ꠀꠘ꠆ꠖꠥꠟꠘ ꠡꠥꠞꠥ ꠅꠁꠔ ꠕꠣꠈꠦ⁕ ꠚꠇꠤꠞ-ꠡꠁꠘ꠆ꠘꠣꠡꠤ ꠛꠤꠖ꠆ꠞꠢꠞ ꠅꠁꠘ꠆ꠘꠔꠝ ꠚꠗꠣꠘ ꠇꠦꠘ꠆ꠖ꠆ꠞ ꠀꠍꠤꠟ ꠛꠉꠥꠠꠣ ꠀꠞ ꠞꠋꠙꠥꠞ, ꠎꠦꠉꠥ ꠛꠣꠋꠉꠣꠟꠤ ꠉꠣꠋꠉꠞ ꠖꠥꠁ ꠚꠣꠠꠅ⁕ ꠔꠄ ꠉꠣꠋꠉꠞ ꠘꠣꠝꠞꠣꠈꠣ ꠛꠣꠋꠉꠣꠟꠤ (ꠛꠣꠋꠟꠣꠞ ꠝꠣꠘꠥꠡ) ꠔꠘꠦ ꠀꠁꠍꠦ ꠇꠤꠘꠣ ꠜꠣꠟꠣꠈꠞꠤ ꠎꠣꠘꠣ ꠉꠦꠍꠦ ꠘꠣ⁕
ꠁꠖꠣꠘꠤꠋꠇꠥꠞ ꠡꠝꠁꠡ꠆ꠡꠣ edit
ꠛꠤꠉ꠆ꠉꠣꠘꠤ ꠅꠈꠟꠦ ꠛꠣꠋꠉꠣꠟꠤ ꠉꠣꠋꠞ ꠁꠖꠣꠘꠤꠋꠇꠥꠞ ꠚꠞꠤꠍꠕꠤꠔꠤ ꠟꠂꠀ ꠐꠦꠘꠡꠘꠅ⁕ ꠛꠣꠋꠟꠣꠖꠦꠡ ꠚꠣꠘꠤ ꠃꠘ꠆ꠘꠅꠘ ꠛꠃꠒꠞ ꠝꠔꠦ, ꠉꠣꠋ-ꠜꠣꠋꠉꠣꠞꠖꠣꠄ ꠚꠞꠔꠦꠈ ꠛꠞꠍ ꠎꠝꠥꠘꠣ ꠉꠣꠋ, ꠛꠣꠋꠉꠣꠟꠤ ꠉꠣꠋꠉꠞꠛꠣꠄ ৮০ ꠝꠤꠐꠣꠞ ꠈꠞꠤ ꠀꠉꠥꠀꠁꠀ ꠀꠞ⁕ ২০০৭ ꠡꠣꠟꠞ ꠢꠤꠡꠣꠛ ꠀꠘꠝꠣꠘ, ꠝꠣꠔ꠆ꠞ ৩০০ ꠝꠤꠐꠣꠞ ꠚꠣꠈ ꠉꠣꠋ ꠖꠥꠁꠐꠣꠞꠦ ꠀꠟꠉꠣ ꠈꠞꠤ ꠞꠣꠈꠍꠦ⁕ ꠁꠘꠎꠤꠘꠤꠀꠞ ꠅꠈꠟꠦ ꠀꠡꠁꠋꠇꠣ ꠈꠞꠤ ꠈꠂꠍꠂꠘ, ꠎꠥꠖꠤꠘ ꠖꠥꠄꠐꠣ ꠉꠣꠋ ꠄꠈꠟꠉꠦ ꠝꠤꠡꠤ ꠎꠣꠄ ꠔꠦ ꠛꠉꠥꠠꠣ ꠀꠞ ꠡꠤꠞꠣꠎꠉꠁꠘ꠆ꠎꠞ ১,০০,০০০ ꠢꠦꠇ꠆ꠐꠞ ꠄꠟꠣꠇꠣ ꠚꠣꠘꠤꠞ ꠔꠟꠣꠔ ꠢꠣꠝꠣꠁꠎꠤꠛ⁕ ꠚꠣꠘꠤꠄ ꠛꠉꠥꠠꠣ-ꠘꠉꠞꠛꠣꠠꠤ ꠡꠠꠇ ꠜꠣꠋꠉꠤꠟꠣꠁꠟꠦ ꠎꠝꠥꠘꠣ ꠉꠣꠋꠉꠞ ꠃꠚꠞꠦ ꠛꠣꠘꠣꠁꠟ ꠛꠋꠉꠛꠘ꠆ꠗꠥ ꠡꠦꠔꠥ ꠛꠦꠈꠣꠝꠣ ꠅꠁꠎꠤ⁕ ꠁꠉꠥꠄ ꠛꠣꠋꠉꠣꠟꠤ ꠉꠣꠋꠞ ꠟꠣꠉꠣ ꠎꠝꠤꠘ ꠅꠈꠟꠞ ꠛꠍꠞꠤ ꠚꠣꠘꠤꠈꠞꠣ ꠛꠣꠠꠣꠁ ꠖꠤꠛ⁕