Wp/syl/ꠄꠞꠢꠣꠍꠥꠎ꠆ꠎꠣꠝꠣꠘ

ꠁ ꠘꠣꠝꠞ ꠀꠞꠎꠣꠔꠤ ꠝꠣꠘꠤ ꠖꠦꠈ꠆ꠔꠦ ꠅꠁꠟꠦ ꠖꠥꠖꠤꠟꠣꠝꠤ ꠢꠞꠣꠘꠤꠞ ꠙꠣꠔꠣ ꠘꠣꠉꠞꠤ ꠖꠦꠈꠂꠇ꠆ꠇꠣ

ꠘꠣꠉꠞꠤ ꠍꠣꠞ ꠪ ꠙꠚꠦꠍꠞ ꠄꠞꠢꠣꠍꠥꠎ꠆ꠎꠣꠝꠣꠘ (erɦasuzzaman) (ꠙꠄꠖꠣ ১৯৪৮ ꠡꠣꠟ ꠨ ꠝꠃꠔ ২০১৮) ꠅꠁꠟꠣ ꠍꠤꠟꠐꠤ ꠄꠈꠎꠘ ꠜꠣꠡꠣꠛꠤꠖ ꠀꠞ ꠉꠘꠤꠔꠛꠤꠖ ⁕ ꠔꠣꠁꠘ ꠅꠁꠟꠣ ꠘꠣꠉꠞꠤ ꠜꠣꠡꠣ (ꠍꠤꠟꠐꠤ ꠜꠣꠡꠣ) ꠀꠞ ꠘꠣꠉꠞꠤ ꠝꠣꠔꠞ (ꠍꠤꠟꠐꠤ ꠝꠣꠔ) ꠡꠛꠌꠦ ꠉꠥꠘꠤ ꠉꠛꠦꠡꠇ ꠀꠞ ꠙꠘ꠆ꠒꠤꠔ ꠎꠦꠁꠘ ꠡꠋꠍꠇ꠆ꠞꠤꠔ ꠇꠟꠦꠎꠞ ꠙ꠆ꠞꠚꠦꠍꠞ ꠅꠁꠀꠅ ꠝꠣꠁꠘ꠆ꠡꠞ ꠝꠥꠈꠞ ꠝꠣꠔ (ꠙꠇ꠆ꠞꠤꠔ/ꠀꠘ꠆ꠌꠟꠤꠇ) ꠔꠥꠟꠤꠀ ꠗꠞꠣꠞ ꠌꠦꠡ꠆ꠐꠣ ꠇꠞ꠆ꠍꠂꠘ ⁕ ꠍꠤꠟꠐꠤ ꠢꠞꠚ ꠄꠈꠘ ꠚꠞ꠆ꠎꠘ꠆ꠔ ꠑꠤꠇꠤꠀ ꠕꠣꠈꠣꠞ ꠝꠥꠟ ꠅꠁꠟꠣ ꠄꠞꠢꠣꠍꠥꠎ꠆ꠎꠣꠝꠣꠘ ꠍꠣꠞ ⁕ ꠄꠞꠢꠣꠍꠎ꠆ꠎꠣꠝꠣꠘ ꠞ ꠀꠍꠔꠣ ꠎꠤꠛꠘ ꠃ ꠉꠦꠍꠦ ꠘꠣꠉꠞꠤ ꠢꠞꠚꠞ (ꠍꠤꠟꠐꠤ ꠢꠞꠚ) ꠅꠞ ꠙꠤꠍꠦ ⁕ ꠝꠣꠁꠘ꠆ꠡꠦ ꠒꠣꠇ꠆ꠔꠣ ꠀꠄꠘꠣ ꠙꠤꠞ ꠨ ꠙꠤꠞꠣꠇꠤꠞ ꠖꠣꠄ ꠎꠤꠛꠘꠦ ꠛꠤꠀ ꠇꠞꠍꠁꠘ ꠘꠣ ⁕ ꠔꠣꠁꠘ ꠙꠦꠡꠣꠄ ꠀꠍꠟꠣ ꠉꠘꠤꠔꠞ ꠝꠣꠡ꠆ꠐꠞ ⁕ ꠍ꠆ꠞꠤꠢꠐ꠆ꠐ ꠡꠋꠍꠇ꠆ꠞꠤꠔ ꠇꠟꠦꠎ ꠖꠤꠀ ꠔꠣꠘ ꠝꠣꠡ꠆ꠐꠞꠤꠞ ꠡꠥꠞꠥ ⁕ ꠛꠣꠖꠦ ꠄꠝ ꠍꠤ ꠇꠟꠦꠎ ꠨ ꠇꠥꠝꠤꠟ꠆ꠟꠣ ꠐꠤ.ꠐꠤ. ꠇꠟꠦꠎ ꠨ ꠡꠥꠘꠣꠝꠉꠋꠎ ꠡꠞꠈꠣꠞꠤ ꠒꠤꠉ꠆ꠞꠤ ꠇꠟꠦꠎ ꠞ ꠜꠣꠁꠍ ꠙ꠆ꠞꠤꠘꠍꠤꠙꠣꠟ ꠢꠤꠡꠣꠛꠦ ꠍꠣꠈꠞꠤ ꠕꠣꠇꠤ ꠅꠛꠡꠞ ꠟꠁꠍꠁꠘ ⁕ ꠍꠤꠟꠐ ꠘꠣꠉꠞꠤ ꠜꠣꠡꠣ ꠀꠞ ꠢꠞꠚꠞ ꠚꠤꠍꠦ ꠔꠣꠘ ꠈꠣꠝꠞ ꠟꠣꠉꠤ ꠔꠣꠘꠞꠦ ꠢꠇꠟꠦ ꠘꠣꠉꠞꠤ ꠍꠣꠞ ꠨ ꠘꠣꠉꠞꠤ ꠝꠦꠍꠣꠛ ꠨ ꠀꠄꠘꠣ ꠚꠤꠞ ꠘꠣꠝꠦ ꠒꠣꠈꠔꠣ ⁕

⁕ ꠄꠞꠢꠣꠍꠥꠎ꠆ꠎꠣꠝꠣꠘ ⁕

ꠘꠣꠉꠞꠤ ꠍꠣꠞ
1948-2018
ꠙꠔꠤꠡ꠆ꠐꠣꠔꠣ
ꠘꠣꠉꠞꠤ ꠄꠇꠣꠒꠦꠝꠤ
ꠘꠣꠉꠞꠤ ꠡꠝꠤꠔꠤ
ꠘꠣꠉꠞꠤ ꠙꠣꠡ꠆ꠡꠣꠟꠣ
ꠙꠦꠡꠣ
ꠡꠋꠍꠇ꠆ꠞꠤꠔ ꠇꠟꠦꠎ ꠄꠝ ꠍꠤ ꠇꠟꠦꠎ ꠇꠥꠝꠤꠟ꠆ꠟꠣ ꠇꠟꠦꠎ ꠝꠄꠝꠘꠡꠤꠋ ꠇꠟꠦꠎ ꠡꠥꠘꠣꠉꠋꠎ ꠇꠟꠦꠎ
ꠟꠦꠈꠞꠣ - ꠙꠠꠣꠅꠞꠣ - ꠉꠛꠦꠡꠇ

ꠍꠤꠟꠐꠤ ꠝꠣꠔꠞ ꠉꠛꠦꠡꠘꠣ

ꠍꠤꠟꠐꠤ ꠝꠣꠔ ꠀꠁꠎ ꠅ ꠑꠤꠇꠤꠅꠣ ꠀꠍꠦ ꠍꠣꠞꠞ ꠟꠣꠉꠤ ⁕

ꠌꠣꠇꠞꠤ ꠎꠤꠛꠘ

ꠔꠣꠁꠘ ꠉꠘꠤꠔꠞ ꠙ꠆ꠞꠚꠦꠍꠞ ꠀꠍꠟꠣ ⁕ ꠉꠘꠤꠔ ꠅ ꠝꠣꠡ꠆ꠐꠞꠤꠞ ꠟꠣꠉꠤ ꠉꠧꠟ꠆ꠒ ꠝꠦꠒꠦꠟ ꠚꠣꠁꠍꠁꠘ ⁕

ꠘꠤꠎꠞ ꠎꠤꠛꠘ

ꠡꠎ ꠡꠞꠟ ꠝꠣꠘꠥꠡ ꠀꠍꠟꠣ ꠄꠞꠢꠣꠍꠥꠎ꠆ꠎꠣꠝꠣꠘ ⁕ ꠀꠍꠤꠟ ꠘꠣ ꠇꠥꠘꠥ ꠅꠢꠋꠇꠣꠞ ⁕ ꠄꠈꠎꠘ ꠚꠥꠞꠣ ꠡꠣꠖꠣ ꠝꠘꠞ ꠝꠣꠘꠥꠡ ⁕ ꠄꠔꠤꠝ  ꠝꠣꠘꠥꠡꠞ ꠟꠣꠉꠤ ꠀꠍꠤꠟ ꠔꠣꠘ ꠛꠤꠡꠦꠡ ꠖꠞꠖ ⁕ ꠘꠤꠎꠦ ꠘꠤꠎꠦ ꠙꠛꠤꠔ꠆ꠞ ꠇꠥꠞꠀꠘꠧꠞ ꠢꠦꠚꠎ ⁕ ꠛꠍꠞꠞ ꠛꠦꠡꠤꠞ ꠜꠣꠉ ꠡꠝꠄ ꠞꠥꠎꠣ ꠞꠣꠈꠔꠣ ⁕ ꠚꠥꠞꠣ ꠖꠥꠘꠤꠀ ꠛꠤꠝꠥꠈ ꠁ ꠝꠣꠘꠥꠡꠐꠣ ꠄꠈꠛꠣꠞ ꠖꠇꠇꠤꠘ ꠡꠥꠞꠝꠣꠔ ꠄꠈꠐꠣ ꠝꠣꠖ꠆ꠞꠣꠡꠣ ꠛꠣꠘꠣꠁꠍꠟꠣ ⁕ ꠄꠈ ꠡꠝꠅ ꠁꠘꠅ ꠖꠡ/ꠛꠣꠞꠧꠎꠘ ꠄꠔꠤꠝꠞꠦ ꠟꠁꠀ ꠔꠣꠁꠘ ꠔꠣꠈꠔꠣꠅ ⁕ 1986 ꠡꠣꠟꠅ ꠔꠣꠁꠘ ꠍꠦꠋꠉꠞꠈꠣꠟ ꠄꠈꠐꠣ ꠛꠣꠡꠞ ꠢꠣꠈꠝ ꠛꠣꠘꠣꠁꠀ ꠖꠤꠍꠟꠣ ⁕ ꠔꠣꠘ ꠞꠥꠎꠤꠞ ꠐꠦꠈꠣ ꠖꠤ ꠝꠣꠘꠥꠡꠧꠞ ꠜꠣꠟꠣꠁ ꠇꠣꠝ ꠨ ꠗꠞ꠆ꠝꠤꠅ ꠡꠤꠇ꠆ꠇꠣ ꠀꠞ ꠙ꠆ꠞꠣꠔꠤꠡ꠆ꠑꠣꠘꠤꠇ ꠡꠤꠇ꠆ꠇꠣ ꠖꠤꠔꠣ ⁕ ꠟꠉꠦ ꠍꠤꠟꠐ ꠘꠣꠉꠞꠤ ꠟꠤꠙꠤꠞ ꠙ꠆ꠞꠇꠣꠡ ꠀꠞ ꠙ꠆ꠞꠌꠣꠞꠅ ꠛꠢꠥꠔ ꠇꠞꠍꠂꠘ ⁕

ꠔꠣꠘ ꠟꠦꠈꠣ ꠛꠁ

ꠄꠞꠢꠣꠍꠥꠎ꠆ꠣꠎꠣꠝꠣꠘꠞ ꠟꠦꠈꠣ ꠛꠁ ꠅꠁꠟ "ꠍꠤꠟꠐꠤ ꠘꠣꠉꠞꠤ" ⁕ ꠁꠈꠣꠘ ꠍꠣꠠꠣꠅ ꠀꠞꠅ ꠇꠄꠇꠐꠣ ꠛꠁ ꠟꠦꠈꠍꠁꠘ ꠔꠣꠁꠘ ⁕

ꠝꠃꠔ

2018 ꠡꠣꠟꠅ ⁕

ꠀꠞꠅ ꠖꠦꠈꠂꠘ

• ꠡꠋꠍꠇ꠆ꠞꠤꠔ
• ꠍ꠆ꠞꠤꠢꠐ꠆ꠐ ꠡꠋꠍꠇ꠆ꠞꠤꠔ ꠇꠟꠦꠎ