ꠔꠍꠟꠣ ꠅꠁꠟ ꠈꠣꠘꠤ ꠛꠣꠘꠣꠘꠤꠞ ꠟꠣꠉꠤ ꠛꠦꠛꠢꠣꠞ ꠈꠞꠣ ꠢꠣꠘ꠆ꠒꠤ, ꠟꠥꠀꠠꠤ, ꠒꠦꠉ, ꠈꠠꠣꠁ ꠎꠦꠔꠣꠖꠤ ꠍꠥꠟꠣꠞ ꠃꠚꠞꠦ ꠞꠣꠘ꠆ꠗꠣ ꠅꠄ⁕
ꠚꠥꠞꠣꠘꠣ ꠎꠛꠣꠘꠣ ꠔꠘꠦ ꠔꠍꠟꠣꠞ ꠛꠦꠛꠢꠣꠞ ꠍꠟꠦꠞ, ꠀꠞ ꠛꠃꠔꠎꠣꠔ ꠖꠞꠈꠣꠞ ꠔꠍꠟꠣ ꠈꠣꠝ ꠟꠣꠉꠦ⁕ ꠔꠍꠟꠣ ꠛꠣꠘꠣꠘꠤꠞ ꠎꠤꠘꠤꠡꠞ ꠃꠚꠞꠦ ꠛꠃꠔꠡꠝꠄ ꠔꠍꠟꠣꠞ ꠉꠥꠘ ꠛꠃꠔꠡꠝꠄ ꠅꠃ ꠔꠍꠟꠣꠔ ꠛꠣꠘꠣꠘꠤ ꠈꠣꠘꠤꠞ ꠉꠥꠘ ꠅ ꠘꠤꠞ꠆ꠜꠞ ꠈꠞꠦ, ꠛꠤꠡꠦꠡ ꠈꠞꠤ ꠎꠦ ꠎꠤꠘꠤꠡ ꠖꠤ ꠛꠣꠘꠣꠘꠤ ꠅꠁꠍꠦ ꠅꠈꠐꠣꠄ ꠈꠔꠈꠣꠘ ꠉꠞꠝ ꠗꠞꠤꠀ ꠞꠣꠈꠦ ꠀꠞ ꠈꠔꠈꠣꠘ ꠈꠣꠘꠤ ꠔꠍꠟꠣꠞ ꠝꠥꠠꠧ ꠟꠣꠉꠤꠀ ꠞꠄ ꠅꠔꠣꠞ ꠃꠚꠞꠦ ꠈꠣꠘꠤꠞ ꠐꠦꠡ꠆ꠐ ꠘꠤꠞ꠆ꠜꠞ ꠈꠞꠦ⁕ ꠈꠄꠈꠎꠣꠔꠞ ꠎꠤꠘꠤꠡꠖꠤ ꠛꠣꠘꠣꠁꠟ ꠔꠍꠟꠣꠔ ꠈꠣꠘꠤ ꠒꠣꠟꠣꠞ ꠀꠉꠦ ꠔꠦꠟ ꠀꠞ ꠝꠡꠟꠣ ꠖꠤ ꠍꠤꠎꠘꠤꠋ ꠈꠞꠣ ꠟꠣꠉꠦ⁕ ꠢꠣꠘ꠆ꠒꠤ ꠀꠞ ꠢꠞꠣ ꠖꠥꠁꠅꠐꠣ ꠄꠈꠎꠣꠔꠞ ꠎꠤꠘꠤꠡ ꠖꠤ ꠛꠣꠘꠣꠁꠟ ꠅꠁꠔꠦ ꠚꠣꠞꠦ ꠀꠛꠣꠞ ꠖꠥꠁꠎꠣꠔꠞ ꠎꠤꠘꠤꠡ ꠖꠤꠅ ꠛꠣꠘꠣꠁꠟ ꠅꠁꠔꠦ ꠚꠣꠞꠦ, ꠄꠈꠎꠣꠔꠞ ꠎꠤꠘꠤꠡ ꠖꠤ ꠛꠣꠘꠣꠁꠟ ꠅꠁꠟꠦ ꠀꠔ ꠝꠧꠎꠣ ꠛꠣ ꠈꠣꠚꠞ ꠟꠣꠉꠣꠁꠀ ꠒꠦꠉ ꠗꠞꠣ ꠟꠣꠉꠛ⁕ ꠉꠞꠝ ꠕꠣꠇꠤ ꠛꠣꠍꠣꠞ ꠟꠣꠉꠤ ꠄꠛꠟꠣ ꠔꠍꠟꠣꠞ ꠒꠦꠐꠣꠔ ꠛꠦꠇꠦꠟꠣꠁꠐ, ꠙ꠆ꠟꠣꠡ꠆ꠐꠤꠇ ꠛꠣ ꠇꠣꠑ ꠛꠦꠛꠢꠣꠞ ꠈꠞꠣ ꠅꠄ⁕
ꠁꠔꠤꠢꠣꠡ edit
ꠔꠍꠟꠣꠞ ꠁꠔꠤꠢꠣꠡ ꠡꠥꠞꠥ ꠅꠁꠍꠦ ꠎꠦꠛꠟꠣ ꠔꠘꠦ ꠝꠣꠘꠡꠦ ꠝꠣꠐꠤꠞ ꠈꠣꠝ ꠢꠤꠇꠍꠦ⁕ ꠡꠛꠌꠣꠁꠔꠦ ꠚꠥꠞꠣꠘꠣ ꠔꠍꠟꠣ ꠚꠣꠅꠀ ꠉꠦꠍꠦ ꠌꠣꠄꠘꠣꠞ, ꠎꠤꠀꠋꠍꠤ ꠇꠡꠛꠞ ꠄꠈ ꠉꠣꠔ (Cave) ꠎꠦꠈꠐꠣ ꠙ꠆ꠞꠣꠄ ১৯,৬০০-২০,০০০ ꠛꠍꠞꠞ ꠚꠥꠞꠣꠘꠣ⁕
ꠔꠍꠟꠣꠞ ꠎꠣꠔ edit
- ꠢꠣꠘ꠆ꠒꠤ
- ꠒꠦꠉ
- ꠟꠥꠀꠠꠤ
- ꠈꠠꠣꠁ
- ꠈꠦꠔꠟꠤ
- ꠚ꠆ꠞꠣꠁ ꠙꠦꠘ
- ꠙ꠆ꠞꠦꠡꠣꠞ ꠇꠥꠇꠣꠞ