Wp/syl/ꠎꠟꠣꠟꠤ ꠇꠁꠔꠞ

ꠁ ꠘꠣꠝꠞ ꠀꠞꠎꠣꠔꠤ ꠝꠣꠘꠤ ꠖꠦꠈ꠆ꠔꠦ ꠅꠁꠟꠦ ꠖꠥꠖꠤꠟꠣꠝꠤ ꠢꠞꠣꠘꠤꠞ ꠙꠣꠔꠣ ꠎꠟꠣꠟꠤ ꠖꠦꠈꠂꠇ꠆ꠇꠣ

ꠎꠟꠣꠟꠤ ꠇꠁꠔꠞ (ꠛꠤꠉ꠆ꠉꠣꠘꠤꠇ ꠘꠣꠝ: Columba livia ) ꠅꠁꠟꠅ ꠇꠟꠣꠝ꠆ꠛꠤꠒꠤ ꠎꠣꠔ ꠛꠣ ꠙꠞꠤꠛꠣꠞꠞ ꠇꠟꠣꠝ꠆ꠛꠣ ꠎꠦꠘ ꠅꠞ ꠝꠡꠢꠥꠞ ꠄꠇ ꠙꠣꠞꠧ ⁕ ꠁꠇꠐꠣꠞ ꠀꠋꠞꠦꠎꠤ ꠘꠣꠝ ꠞꠇ ꠒꠣꠜ (ꠢꠤꠟ ꠒꠥꠙꠤ) ꠛꠣ ꠞꠇ ꠙꠤꠎꠤꠘ (ꠢꠤꠟ ꠇꠛꠥꠔꠞ) ⁕ ꠢꠇꠟ ꠎꠣꠔꠞ ꠞꠦꠍꠤꠋ ꠇꠁꠔꠞ, ꠚꠦꠘ꠆ꠍꠤ ꠇꠁꠔꠞ ꠀꠞ ꠎꠋꠟꠤ ꠇꠁꠔꠞꠞ ꠖꠣꠖꠣ ꠝꠘꠛ ꠇꠞꠣ ꠅꠄ ꠁꠇꠐꠣꠞꠦ ⁕ ꠇꠁꠔꠞꠉꠥꠞ ꠙꠥꠞꠣꠘ ꠀꠛꠣꠡ ꠁꠃꠞꠥꠙ, ꠄꠡꠤꠀ ও ꠀꠚ꠆ꠞꠤꠇꠣꠔ ꠅꠁꠟꠦꠅ ꠅꠍ꠆ꠐꠦꠟꠤꠀ, ꠃꠔ꠆ꠞ ꠀꠝꠞꠤꠇꠣ ও ꠖꠈꠤꠘ ꠀꠝꠞꠤꠇꠣꠞ ꠛꠠ ꠛꠠ ꠐꠣꠃꠘ ꠀꠞ ꠉꠣꠃꠔ ꠍꠤꠔꠞꠤꠍꠦ ⁕ ꠢꠎꠞꠔ ꠡꠣꠢ ꠎꠟꠣꠟꠞ ꠘꠣꠝꠞ ꠟꠉꠦ ꠝꠤꠟ ꠇꠞꠤꠀ ꠁꠇꠐꠣꠞ ꠘꠣꠝ ꠖꠦꠘꠤ ꠅꠁꠍꠦ ⁕

⁕ ꠎꠟꠣꠟꠤ ꠇꠁꠔꠞ ⁕

ꠛꠤꠉ꠆ꠉꠣꠘꠤ ꠘꠣꠝ
Columba livia
ꠙꠞꠤꠛꠣꠞ
ꠇꠟꠣꠝ꠆ꠛꠤꠒꠤ
ꠁꠔꠤꠀꠡ
ꠎꠣꠞꠘꠣꠝꠦ	ꠡꠣꠢ ꠎꠣꠟꠣꠟ
ꠁ ꠘꠣꠝꠦ	ꠡꠣꠎꠟꠣꠟꠞꠙꠥꠟ ꠎꠣꠟꠣꠟꠙꠥꠞ ꠎꠣꠟꠣꠟꠣꠛꠣꠖ
ꠎꠣꠘꠥꠀꠞ - ꠙꠣꠇ꠆ꠇꠤ - ꠙꠣꠞꠅ

ꠎꠟꠣꠟꠤ ꠇꠁꠔꠞꠞ ꠛꠤꠉ꠆ꠉꠣꠘꠤꠇ ꠘꠣꠝꠞ ꠝꠣꠘꠦ ꠟꠤꠟꠥꠀ ꠍꠣꠁ ꠚꠣꠞꠧ (ꠟꠦꠐꠤꠘ: columba = ꠚꠣꠞꠧ, liveus = ꠟꠤꠟꠥꠀ ꠍꠣꠁ) ⁕ ꠢꠣꠞꠣ ꠙꠤꠕꠛꠤꠔ ꠁꠔꠣ ꠍꠤꠔꠞꠣꠁꠟ, ꠙꠥꠞꠣ ١ ꠇꠥꠐꠤ ٧b ꠟꠣꠈ ꠎꠣꠉꠣ ꠝꠣꠔ꠆ꠔꠦ ꠁꠔꠣ ꠕꠣꠇꠁꠘ ⁕ ꠛꠦꠡꠤ ꠍꠤꠔꠞꠣꠁꠟ ꠇꠞꠤ ꠀꠁ.ꠁꠃ.ꠍꠤ.ꠄꠘ ꠁꠎꠣꠔꠞꠦ ꠇꠝ ꠛꠤꠙꠖꠅ ꠇꠞꠤ ꠄꠟꠣꠘ ꠇꠞꠍꠦ ⁕ ꠛꠣꠋꠟꠣꠖꠦꠡꠞ ꠎꠋꠟꠤ ꠎꠣꠘꠥꠀꠞ ꠀꠁꠘꠅ ꠁ ꠎꠣꠔꠞꠦ ꠢꠦꠚꠣꠎꠔꠤ ꠄꠟꠣꠘ ꠇꠞꠣ ꠅꠁꠍꠦ ⁕ ꠢꠣꠞꠣ ꠙꠤꠕꠛꠤꠔ ꠀꠘꠥꠝꠣꠘꠤꠇ ٢d ꠇꠥꠐꠤꠞ ꠇꠝ ꠎꠟꠣꠟꠤ ꠇꠁꠔꠞ ꠀꠍꠦ ⁕

ꠘꠣꠝꠖꠦꠘꠤ ꠀꠞ ꠁꠔ꠆ꠀꠍ

ꠀꠋꠞꠦꠎꠤꠔ ꠎꠟꠣꠟꠤ ꠇꠁꠔꠞꠞꠦ Rock Pigeon ꠛꠣ Feral Pigeon ꠇꠃꠀ ꠅꠄ ⁕ ꠁꠔꠣ ꠅꠁꠟꠣ ꠎꠋꠟꠤ ꠇꠁꠔꠞ ⁕ ꠙꠤꠕꠛꠤꠞ ꠢꠇꠟ ꠙꠥꠡ ꠇꠁꠔꠞ ꠁꠇꠐꠣ ꠕꠘꠦ ꠎꠘ꠆ꠝꠤꠍꠦ ⁕ ꠎꠟꠣꠟꠤ ꠇꠁꠔꠞ ꠖꠥꠁꠞꠋꠉꠦꠞ ꠅꠄ, ꠝꠣꠁꠐ꠆ꠐꠣ ꠍꠣꠁ ꠞꠋ ꠀꠞ ꠙꠣꠋꠈꠣꠔ ꠖꠥꠁꠈꠣꠘ ꠎꠣꠉ (ꠛꠣꠞ) ꠕꠣꠇꠦ ꠏꠦꠇꠐꠣꠞꠦ ꠛ꠆ꠟꠥ ꠛꠣꠞ ꠇꠁꠘ ⁕ ꠢꠤꠛ꠆ꠛꠣꠞ ꠁꠐꠣ ꠇꠣꠟꠣ ꠟꠋꠉꠤꠅ ꠅꠄ ⁕

ꠁ ꠖꠦꠡꠅ ꠛꠣꠇ꠆ꠇꠣ ꠖꠤꠘꠞ ꠁꠔ꠆ꠀꠍ ꠁ ꠇꠁꠔꠞꠞ ꠟꠉꠦ ⁕ ꠛꠣꠋꠟꠣꠖꠦꠡꠞ ꠍꠤꠟꠐꠅ ꠢꠎꠞꠔ ꠡꠣꠢ ꠎꠟꠣꠟ ꠞ.'ꠞ ꠖꠞꠉꠣꠔ ꠡꠣꠠꠦ ꠛꠌ꠆ꠌꠞ ꠁꠐꠣ ꠊꠥꠞꠤꠀ ꠛꠦꠠꠣꠞ ⁕

ꠖꠤꠟ꠆ꠟꠤꠞ ꠘꠤꠎꠣꠝꠥꠖ꠆ꠖꠤꠘ ꠀꠃꠟꠤꠀ ꠞ. ꠢꠎꠞꠔ ꠡꠣꠢ ꠎꠟꠣꠟ ꠞ. ꠞꠦ ꠄꠇ ꠎꠥꠠ ꠇꠁꠔꠞ ꠢꠣꠖꠤꠀ ꠖꠦꠁꠘ! ꠛꠣꠖꠦ ꠍꠤꠟꠐ ꠀꠃꠀꠞ ꠛꠣꠖꠦ ꠔꠣꠁꠘ ꠖꠥꠘꠐꠣꠞꠦ ꠍꠣꠠꠤꠀ ꠖꠦꠟꠣꠁꠘ, ꠏꠦꠐꠣ ꠀꠁꠎ ꠎꠟꠣꠟꠤ ꠇꠁꠔꠞ ꠛꠣ ꠎꠟꠣꠟꠤ ꠇꠛꠥꠔꠞ ꠇꠞꠤ ꠎꠣꠘꠤ ꠀꠝꠞꠣ ⁕

١৩০৩ ꠡꠘꠅ (٧০৩ ꠁꠏꠞꠤꠔ) ৩ ꠛꠌ꠆ꠌꠞ ꠛꠄꠡꠅ ꠍꠤꠟꠐ ꠀꠃꠀꠞ ꠙꠕꠅ ꠔꠣꠞꠣ ꠖꠥꠘꠎꠘꠦꠞ ꠖꠦꠈꠣ ꠅꠄ ⁕ ꠔꠣꠘꠞ ꠘꠣꠝꠦ ꠁ ꠇꠁꠔꠞꠞ ꠘꠣꠝ ꠎꠟꠣꠟꠤ ꠇꠁꠔꠞ ꠞꠣꠈꠣ ꠅꠁꠍꠤꠟ ⁕ ꠢꠣꠞꠣ ꠍꠤꠟꠐ ꠎꠥꠞꠤ ٧০০ ꠛꠌ꠆ꠌꠞ ꠗꠞꠤ ꠀꠍꠦ ꠁ ꠇꠁꠔꠞ ⁕

ꠀꠞꠅ ꠖꠦꠈꠂꠘ

• ꠎꠣꠟꠣꠟꠣꠛꠣꠖ
• ꠎꠣꠟꠣꠟꠣꠛꠣꠖꠤ ꠎꠛꠣꠘ
• ꠎꠣꠟꠣꠟꠣꠛꠣꠖꠤ ꠢꠞꠚ