Wp/syl/ꠍꠥꠞꠣ ꠄꠈꠟꠣꠍ

ꠍꠥꠞꠣ ꠄꠈꠟꠣꠍ (ꠀꠞꠛꠤ ꠜꠣꠡꠣꠔ: الإخلاص) ꠛꠣ ꠍꠥꠞꠣ ꠀꠟ-ꠔꠣꠃꠢꠤꠖ (ꠀꠞꠛꠤ ꠜꠣꠡꠣꠄ: التوحيد) ꠅꠁꠟꠧ ꠉꠤꠀ ꠝꠥꠍꠟꠝꠣꠘ ꠅꠈꠟꠧꠞ ꠗꠞꠝꠉ꠆ꠞꠘꠕ ꠇꠥꠞꠣꠘꠧꠞ ১১২ ꠔꠝ ꠍꠥꠞꠣ ⁕ ꠏꠦꠈꠐꠣꠞꠦ ꠛꠦꠡꠤꠜꠣꠉ ꠡꠝꠄ ꠍꠥꠞꠣ ꠄꠈꠟꠣꠍ ꠛꠣ ꠇꠥꠟ ꠢꠥ ꠀꠟꠟꠣꠢꠥ ꠀꠢꠣꠖ ꠘꠣꠝꠦ ꠒꠣꠇꠣ ꠅꠄ ⁕

ꠍꠥꠞꠣ ꠄꠈꠟꠣꠍ ꠅꠞ ꠀꠄꠀꠔ ꠡꠁꠋꠇꠣ ৪ꠐꠣ ꠀꠞ ꠞꠥꠇꠥꠞ ꠡꠁꠋꠇꠣ ১ꠐꠣ ⁕ ꠁ ꠍꠥꠞꠣ ꠝꠇꠇꠣꠔ ꠘꠣꠎꠤꠟ ꠅꠁꠍꠦ ⁕ ꠁꠍꠟꠣꠝꠧꠞ ꠢꠦꠡ ꠘꠛꠤ ꠝꠥꠢꠣꠝꠝꠖ (ꠍ:) ꠁ ꠍꠥꠞꠣꠞꠦ ꠛꠤꠡꠦꠡ ꠉꠥꠞꠥꠔꠔ ꠖꠤꠍꠂꠘ ⁕ ꠉꠥꠞꠥꠔꠔꠞ ꠇꠣꠞꠘ ꠢꠤꠡꠣꠛꠦ ꠈꠃꠀ ꠅꠁꠍꠦ, ꠁ ꠀꠄꠀꠔꠧ ꠡꠥꠘꠖꠞ ꠇꠞꠤ ꠀꠟꠟꠣꠞ ꠡꠁꠋꠉꠣ ꠖꠦꠃꠀ ꠅꠁꠍꠦ ⁕ ꠁꠇꠐꠣꠞꠦ ꠇꠥꠞꠣꠘꠧꠞ ꠄꠇꠐꠣ ꠍꠥꠐꠝꠥꠐꠧ ꠍꠥꠞꠣ ꠢꠤꠡꠣꠛꠦꠅ ꠈꠃꠀ ꠅꠄ ⁕

ꠡꠣꠘꠦ ꠘꠥꠎꠥꠟ

ꠝꠥꠡꠞꠤꠇ ꠅꠈꠟꠦ ꠘꠛꠤꠞꠦ ꠏꠦꠛꠟꠣ ꠀꠟꠟꠣꠞ ꠛꠋꠡ ꠙꠞꠤꠌꠄ ꠎꠤꠇꠣ ꠇꠞꠟ, ꠅꠃ ꠡꠝꠄ ꠁ ꠍꠥꠞꠣ ꠘꠣꠎꠤꠟ ꠅꠁꠍꠦ ⁕ ꠀꠞꠇ ꠛꠤꠛꠞꠘꠧ ꠀꠍꠤꠟ, ꠝꠖꠤꠘꠣꠞ ꠁꠢꠥꠖꠤ ꠅꠈꠟꠦ ꠁ ꠇꠕꠣ ꠏꠤꠇꠣꠁꠍꠤꠟ ⁕ ꠇꠥꠘꠥ ꠇꠥꠘꠥ ꠞꠦꠃꠀꠄꠀꠔꠧ ꠀꠍꠦ, ꠔꠣꠞꠣ ꠀꠞꠧ ꠏꠤꠇꠣꠁꠍꠤꠟ- ꠀꠟꠟꠣ ꠇꠤꠔꠣꠞ ꠛꠣꠘꠣꠁꠟ, ꠡꠥꠘꠣ-ꠞꠥꠙꠣ ꠘꠣ ꠀꠞ ꠇꠥꠘꠔꠣꠖꠤ? ꠅꠈꠐꠣꠞ ꠎꠛꠣꠛꠧ ꠁ ꠍꠥꠞꠣ ꠘꠣꠎꠤꠟ ꠅꠁꠍꠦ৷

ꠔꠞꠎꠝꠣ

ꠀꠞꠛꠤ ꠝꠣꠔꠦ	ꠃꠌꠌꠣꠞꠘ	ꠍꠤꠟꠐꠤ ꠝꠣꠔꠦ
ꠛꠤꠍꠝꠤꠟꠟꠣ ꠢꠤꠞ ꠞꠣꠢꠝꠣꠘꠤꠞ ꠞꠣꠢꠤꠝ
قُلۡ هُوَ اللّٰہُ اَحَدٌ*** اَللّٰہُ الصَّمَدُ*** لَمۡ یَلِدۡۙ وَ لَمۡ یُوۡلَدۡ*** وَ لَمۡ یَکُنۡ لَّہٗ کُفُوًا اَحَدٌ***	ꠇꠥꠟ ꠢꠥ ꠀꠟꠟꠣꠢꠥ ꠀꠢꠣꠖ ৷ ꠀꠟꠟꠣꠢꠥ ꠍꠍꠣꠝꠣꠖ ৷ * ꠟꠣꠝ ꠁꠀꠟꠤꠖ ꠅꠀ ꠟꠣꠝ ꠁꠃ ꠟꠣꠖ ৷ *ꠅꠀ ꠟꠣꠝ ꠁꠀ ꠇꠥꠟ ꠟꠣꠢꠥ ꠇꠥꠚꠥꠀꠘ ꠀꠢꠣꠖ!	(ꠀꠙꠘꠦ) ꠈꠃꠇꠣ, ꠀꠟꠟꠣ ꠄꠇ! ** ꠀꠟꠟꠣ ꠈꠦꠃꠞ ꠖꠣꠄ ꠐꠦꠈꠣꠔ ꠘꠣꠄ ⁕ ** ꠔꠣꠘ ꠇꠥꠘꠥ ꠀꠃꠟꠣꠖ ꠘꠣꠁ, ꠔꠣꠁꠘꠧ ꠈꠦꠃꠞ ꠀꠃꠟꠣꠖ ꠘꠣꠄ ⁕ ** ꠔꠣꠘ ꠢꠝꠣꠘꠧ ꠇꠦꠃ ꠘꠣꠄ