Wp/syl/ꠍꠤꠟꠈ

< Wp‎ | syl
Wp > syl > ꠍꠤꠟꠈ

ꠁꠈꠣꠘꠧ (ꠜꠣꠡꠣꠛꠖꠟ) ꠇꠞꠤ ꠀꠘꠣ ꠅꠁꠔ ꠙꠣꠞꠦ ꠄꠞ꠆ꠖꠣꠄ ꠁ ꠙꠣꠔꠣ ꠀꠞꠅ ꠅꠘꠥꠛꠣꠖ ꠇꠞꠤ ꠖꠤꠔꠣ ꠙꠣꠞꠂꠘ

ꠍꠤꠟꠈ/ ꠍꠤꠟ꠆ꠟꠈ ꠅꠁꠟ ꠢꠅꠄ ꠨ ꠢꠞꠟ ꠨ ꠢꠞꠘꠤꠅ ꠨ ꠢꠣꠍꠣ ꠄꠈꠗꠞꠘꠞ ꠈꠕꠣ(ꠛꠣꠁꠇ꠆ꠇ) ꠎꠦꠈꠐꠣ ꠖꠤꠀ ꠝꠣꠘꠥꠢꠢꠝꠣꠎꠞ ꠛꠃꠔꠖꠤꠘꠞ ꠅꠜꠤꠉꠉꠔꠣ ꠕꠣꠇꠤ ꠚꠣꠅꠀ ꠎꠤꠛꠘꠞ ꠢꠣꠍꠣ ꠇꠥꠘ ꠎꠤꠘꠤꠢ ꠀꠞꠘꠣꠄ ꠅꠜꠤꠉꠉꠔꠣ ꠍꠤꠠꠣꠁꠀ ꠈꠅꠀ ꠅꠄ ⁕ ꠍꠤꠟꠈ ꠈꠥꠛ ꠛꠟꠣꠘ ꠛꠠ ꠅꠄ ꠘꠣ ꠨ ꠖꠥꠁ-ꠄꠈ ꠟꠣꠁꠘꠞ ꠜꠤꠔꠞꠦ ꠢꠝꠣꠎꠞ ꠀꠍꠣꠞ ꠨ ꠞꠍꠝ ꠨ ꠛꠤꠖꠣꠔ ꠞꠦ ꠍꠤꠠꠣꠁꠀ ꠄꠈꠐꠣ ꠈꠔꠣ ꠈꠅꠀ ꠅꠄ ⁕

ꠙ꠆ꠞꠣꠄ ꠚꠔ꠆ꠔꠦꠈ ꠎꠣꠔꠞ ꠝꠣꠔ ꠍꠤꠟꠈ ꠚꠣꠅꠀ ꠎꠣꠄ ⁕ ꠇꠤꠍꠥ ꠍꠤꠟꠈ ꠄꠈꠞ ꠛꠟꠣꠘ ꠝꠣꠔ ꠚꠣꠅꠀ ꠎꠣꠄ ꠨ ꠁꠈꠣꠘꠞ ꠈꠣꠞꠘ ꠅꠁꠟ ꠝꠣꠘꠢꠦ ꠔꠣꠞꠣꠞ ꠘꠤꠎꠞ ꠞꠍꠝ ꠀꠞ ꠀꠖꠛꠞ ꠟꠉꠦ ꠝꠤꠟ ꠕꠣꠈꠣ ꠅꠁꠘ꠆ꠘꠧ ꠎꠣꠔꠞ ꠝꠣꠘꠢꠞ ꠉꠦꠍ ꠔꠘꠦ ꠘꠄꠀ ꠍꠤꠟꠈ ꠟꠁꠀ ꠀꠄ ⁕

ꠍꠤꠟꠈ ꠅꠞ꠆ꠕ

edit

ꠀꠋꠉꠥꠟ ꠚꠥꠟꠤꠀ ꠈꠟꠣꠉꠣꠍ ꠖꠥꠁ ꠘꠝ꠆ꠛꠞꠤ ꠈꠞꠤ ꠔꠥꠠꠣ ꠢꠝꠄ ꠗꠘꠤ ꠅꠅꠀ
ꠀꠁꠔꠦ ꠎꠣꠁꠔꠦ ꠟꠦꠖꠥꠞ ꠛꠣꠚ ꠨ ꠀꠝ ꠚꠣꠈꠟꠦ ꠝꠃꠀꠎꠤ ꠄꠝꠘꠦ ꠇꠥꠘꠧ ꠖꠣꠝ ꠖꠦꠁꠘꠘꠣ ꠨ ꠢꠣꠞ꠆ꠕꠧ ꠚꠠꠟꠦ ꠈꠦꠢꠤ ꠕꠥꠇꠣꠁꠘ
ꠀꠁꠟ ꠖꠣꠞꠥꠘ ꠛꠣꠞꠤꠢꠣ ꠈꠣꠟ ꠨ ꠍꠣꠁꠉ꠆ꠉꠦ ꠍꠣꠐꠦ ꠛꠣꠊꠞ ꠉꠣꠟ ꠝꠀꠛꠤꠚꠖꠞ ꠀꠟꠣꠝꠔ
ꠀꠅꠀ ꠍꠣꠠꠣꠟ ꠛꠈꠣꠒꠥꠝ ꠨ ꠢꠣꠁꠘ꠆ꠎꠣ ꠞꠣꠁꠔꠦ ꠄꠈ ꠊꠥꠝ ꠈꠣꠘ꠆ꠒ ꠉꠤꠀꠘ ꠍꠣꠠꠣ
ꠀꠇ꠆ꠇꠟꠦ ꠢꠈꠟ ꠛꠘ꠆ꠖꠤ ꠨ ꠛꠣꠈꠟꠦ ꠛꠘ꠆ꠖꠤ ꠉꠣꠍ ꠨ ꠔꠤꠞꠤꠄ ꠚꠥꠞꠥꠢ ꠛꠘ꠆ꠖꠤ ꠨ ꠎꠣꠟꠦ ꠛꠘ꠆ꠖꠤ ꠝꠣꠍ ꠎꠦꠔꠣ ꠖꠤ ꠎꠦꠔꠣ ꠈꠞꠣ ꠟꠣꠉꠦ
ꠀꠉꠤꠀ ꠢꠍꠁꠘꠘꠣ ꠨ ꠚꠣꠖꠤꠀ ꠎꠣꠁꠘꠉꠤ ꠉꠟꠣ ꠚꠣꠘꠤꠔ 1 ꠨ ꠈꠣꠝꠞ ꠈꠣꠝ ꠘꠣ ꠈꠞꠤ ꠀꠘ꠆ꠖꠥ ꠎꠤꠘꠤꠢ ꠟꠁꠀ ꠝꠣꠕꠣ ꠊꠣꠝꠣꠘꠤ ꠨

2 ꠨ ꠛꠦꠈꠣꠝꠣ

ꠀꠔ ꠛꠂꠐꠣ ꠨ ꠊꠣꠐ ꠘꠣꠅ ꠛꠤꠖꠣꠄꠞ ꠟꠣꠉꠤ ꠞꠦꠒꠤ
ꠀꠔꠅ ꠈꠣꠃꠎꠣꠁꠟꠦ ꠚꠄꠢꠣ ꠝꠤꠟꠦ ꠐꠦꠈꠣ ꠝꠤꠟꠣꠞ ꠍꠤꠘ
ꠀꠔꠥꠞ ꠛꠤꠛꠤ ꠍꠔꠥꠞ ꠅꠁꠟꠣ ꠨ ꠛꠟꠣꠞ ꠈꠣꠝꠠ ꠈꠣꠁꠀ
ꠀꠟ ꠘꠣꠁ ꠛꠦꠐꠣꠄ ꠛꠥꠁ ꠎꠥꠠꠦ ꠨ ꠖꠣꠔ ꠘꠣꠁ ꠛꠦꠐꠤꠄ ꠢꠥꠇꠁꠘ ꠚꠠꠦ ꠎꠦ ꠎꠦꠔꠣꠞ ꠎꠥꠁꠉ꠆ꠉ ꠘꠣꠄ
ꠀꠑꠣꠞꠧ ꠝꠣꠢꠦ ꠛꠍꠞ ꠇꠥꠘ ꠇꠤꠌ꠆ꠌꠥꠔ ꠈꠥꠛ ꠛꠟꠣꠘ ꠅꠅꠀ
ꠀꠖꠣꠞ ꠛꠙꠣꠞꠤꠞ ꠎꠣꠎꠞ ꠈꠛꠞ ꠘꠤꠎꠞ ꠢꠤꠝꠣꠞ ꠛꠣꠁꠞꠣ ꠎꠣꠅꠀ
ꠘꠤꠎꠦ ꠛꠣꠍꠟꠦ ꠛꠣꠚꠞ ꠘꠣꠝ ꠘꠤꠎꠞ ꠢꠣꠞ꠆ꠕ ꠀꠉꠦ
ꠀꠙ ꠜꠣꠟꠣ ꠔꠦ ꠢꠇꠟ꠆ꠔꠣ ꠜꠣꠟꠣ ꠘꠤꠎꠦ ꠜꠣꠟꠣ ꠅꠁꠟꠦ ꠖꠥꠘꠤꠀꠞ ꠢꠈꠟꠔꠣ ꠜꠣꠟꠣ
ꠀꠝꠅ ꠉꠦꠟ ꠍꠣꠟꠣꠅ ꠉꠦꠟ ꠟꠣꠜ ꠇꠞꠔꠦ ꠉꠤꠄꠦ ꠢꠞ꠆ꠛꠢ꠆ꠛ ꠢꠣꠞꠣꠘꠧ ⁕
ꠀꠇꠣꠢ ꠇꠥꠢꠥꠝ ꠌꠤꠘ꠆ꠔꠣ ꠎꠦ ꠌꠤꠘ꠆ꠔꠣ ꠇꠧꠘꠧ ꠖꠤꠘ ꠛꠣꠢ꠆ꠔꠛꠣꠄꠘ ꠢꠇꠟ꠆ꠔꠣꠦ ꠘꠣ ⁕

edit

ꠁꠐ ꠝꠣꠞꠟꠦ ꠙꠣꠐꠇꠦꠟ ꠈꠦꠔꠦ ꠅꠄ ꠅꠘ꠆ꠎꠦꠞ ꠇ꠆ꠢꠔꠤ ꠇꠞꠟꠦ ꠘꠤꠎꠦꠞꠅ ꠇ꠆ꠢꠔꠤ ꠅꠄ ⁕
ꠁꠌ꠆ꠍꠣ ꠕꠣꠇꠟꠦ ꠃꠙꠣꠄ ꠅꠄ ꠁꠌ꠆ꠍꠣ ꠕꠣꠇꠟꠦ ꠇꠣꠝꠦꠞ ꠃꠙꠣꠄ ꠛꠦꠞꠥꠛꠦꠁ ⁕

edit

ꠃꠑꠘ꠆ꠔꠤ ꠛꠞ꠆ꠇ꠆ꠢ ꠙꠔ꠆ꠔꠘꠦꠁ ꠌꠦꠘꠣ ꠎꠣꠄ ꠇꠣꠝꠦꠞ ꠀꠞꠝ꠆ꠜꠐꠣ ꠖꠦꠈꠦ ꠇꠣꠝꠦꠞ ꠢꠦꠡꠐꠣ ꠛꠥꠏꠔꠦ ꠙꠣꠞꠣ ⁕
ꠃꠖꠧꠞ ꠙꠤꠘ꠆ꠒꠤ ꠛꠥꠗꠧꠞ ꠊꠣꠋꠠꠦ ꠘꠤꠞ꠆ꠖꠧꠢ ꠎꠘꠞ ꠅꠙꠞ ꠖꠧꠢꠤ ꠎꠘꠞ ꠅꠙꠞꠣꠗ ꠙꠔꠤꠔ ꠢꠅꠀ ⁕
ꠃꠟꠥꠛꠘꠦ ꠝꠥꠇ꠆ꠔꠣ ꠍꠋꠠꠣꠘꠧ ꠅꠎꠧꠉ꠆ꠎ ꠙꠣꠔ꠆ꠞꠦ ꠖꠣꠘ ꠇꠞꠣ ⁕
ꠃꠟꠐꠣ ꠛꠥꠏꠟꠤ ꠞꠣꠝ ꠜꠣꠟꠣ ꠇꠕꠣꠞ ꠝꠘ꠆ꠖ ꠛ꠆ꠎꠣꠈ꠆ꠎꠣ ꠇꠞꠣ ⁕
ꠃꠋꠠꠦ ꠄꠢꠦ ꠎꠥꠋꠠꠦ ꠛꠢꠣ ꠅꠎꠣꠌꠤꠔꠜꠣꠛꠦ (ꠛꠤꠘꠣ ꠅꠗꠤꠇꠣꠞꠦ) ꠢꠑꠣৎ ꠄꠢꠦ ꠢꠞ꠆ꠛꠦꠢꠞ꠆ꠛꠣ ꠅꠄꠦ ꠛꠢꠣ ⁕

edit

ꠄꠐꠧꠙꠣꠔ ꠘꠣ ꠎꠣꠄ ꠢ꠆ꠛꠞ꠆ꠉꠦ ꠙꠞꠝꠥꠈꠣꠙꠦꠇ꠆ꠢꠤꠞ ꠢꠝꠞ꠆ꠖ꠆ꠗꠤ ꠢꠝ꠆ꠜꠛ ꠅꠄ ꠘꠣ ⁕
ꠄꠇ ꠇ꠆ꠢꠥꠞꠦ ꠝꠣꠕꠣ ꠇꠣꠝꠣꠘꠧ ꠄꠇꠞꠇꠝ ꠅꠙꠞꠣꠗꠦ ꠅꠙꠞꠣꠗꠤ ꠢꠅꠀ ⁕
ꠄꠇ ꠓꠤꠟꠦ ꠖꠥꠁ ꠙꠣꠈꠤ ꠝꠣꠞꠣ ꠄꠇꠛꠣꠞꠦꠞ ꠌꠦꠢ꠆ꠐꠣꠔꠦꠁ ꠃꠜꠄ ꠢ꠆ꠛꠣꠞ꠆ꠕꠢꠤꠖ꠆ꠗꠤ ꠇꠞꠣ ⁕
ꠄꠇꠔꠣꠁ ꠛꠟ ꠢꠝꠢ꠆ꠐꠤꠞ ꠢꠇ꠆ꠔꠤꠁ ꠀꠢꠟ ꠢꠇ꠆ꠔꠤ ⁕
ꠄꠇ ꠝꠣꠊꠦ ꠢꠤꠔ ꠎꠣꠄ ꠘꠣ ꠛꠤꠙꠖꠣꠙꠖ ꠄꠇꠛꠣꠞꠁ ꠀꠢꠦ ꠘꠣ ⁕
ꠄꠇ ꠀꠔꠦ ꠔꠣꠟꠤ ꠛꠣꠎꠦ ꠘꠣ ꠄꠇ ꠙꠇ꠆ꠢꠦꠞ ꠖꠧꠢꠦ ꠛꠤꠛꠣꠖ ꠅꠄ ꠘꠣ ⁕
ꠄꠇꠦ ꠘꠣꠌꠘꠤ ꠛꠥꠋꠠꠤ ꠔꠣꠔꠦ ꠙꠋꠠꠦꠍꠦ ꠓꠧꠟꠦꠞ ꠛꠣꠋꠠꠤ ꠁꠘ꠆ꠗꠘ ꠎꠧꠉꠣꠘꠧ ⁕

edit

ꠅꠔꠤ ꠌꠣꠟꠣꠇꠦꠞ ꠉꠟꠣꠄ ꠖꠋꠠꠤ ꠛꠟꠣꠘ ꠌꠣꠟꠣꠇꠤ ꠇꠞꠦ ꠅꠙꠞꠇꠦ ꠑꠇꠣꠟꠦ ꠘꠤꠎꠦꠇꠦꠅ ꠛꠤꠙꠖꠉ꠆ꠞꠢ꠆ꠔ ꠢꠔꠦ ꠅꠄ ⁕
ꠅꠔꠤ ꠖꠞ꠆ꠙꠦ ꠢꠔ ꠟꠋꠇꠣ ꠅꠢꠋꠇꠣꠞ ꠇꠞꠟꠦ ꠙꠔꠘ ꠅꠘꠤꠛꠣꠞ꠆ꠎ ⁕
ꠅꠔꠤ ꠜꠇ꠆ꠔꠤ ꠌꠧꠞꠦꠞ ꠟꠇ꠆ꠢꠘ ꠜꠇ꠆ꠔꠤꠞ ꠀꠔꠤꠅꠄ꠆ꠎꠦ ꠉꠧꠙꠘ ꠃꠖ꠆ꠖꠦꠢ꠆ꠎ ꠢꠣꠗꠘꠦꠞ ꠙ꠆ꠞꠀꠢ ⁕
ꠅꠔꠤ ꠟꠧꠜꠦ ꠔꠣꠔꠤ ꠘꠢ꠆ꠐ ꠛꠟꠣꠘ ꠟꠧꠜꠦ ꠀꠢꠟꠁ ꠢꠣꠞꠣꠔꠦ ꠅꠄ ⁕
ꠅꠘꠥꠞꠧꠗꠦ ꠓꠦꠇꠤ ꠉꠦꠟꠣ ꠅꠘꠥꠞꠥꠖ꠆ꠗ ꠅꠄꠦ ꠅꠢꠝ꠆ꠜꠛ ꠇꠣꠝ ꠢꠝ꠆ꠙꠣꠖꠘ ꠇꠞꠣ ⁕
ꠅꠘꠦꠇ/ ꠅꠗꠤꠇ ꠢꠘ꠆ꠘ꠆ꠎꠣꠢꠤꠔꠦ ꠉꠣꠎꠘ ꠘꠢ꠆ꠐ ꠅꠇꠣꠞꠘꠦ ꠅꠘꠦꠇ ꠟꠧꠇꠦꠞ ꠅꠢꠉ꠆ꠞꠢꠘꠦ ꠇꠣꠝꠦ ꠛꠤꠢꠞ꠆ꠋ꠆ꠈꠟꠣ ꠢꠞ꠆ꠢ꠆ꠐꠤ ꠅꠄ ⁕
ꠅꠜꠣꠉꠣ ꠎꠦꠖꠤꠇꠦ ꠎꠣꠄ ꠨ ꠢꠣꠉꠞ ꠢꠥꠇꠤꠄꠦ ꠎꠣꠄ ꠜꠣꠉ꠆ꠎ ꠎꠣꠞ ꠈꠣꠞꠣꠙ ꠨ ꠇꠧꠘꠧꠖꠤꠇꠦꠁ ꠢꠦ ꠀꠢꠣ ꠖꠦꠈꠔꠦ ꠙꠣꠄ ꠘꠣ ⁕
ꠅꠜꠣꠛꠦ ꠢ꠆ꠛꠜꠣꠛ ꠘꠢ꠆ꠐ ꠅꠜꠣꠛ ꠅꠁꠟꠦ ꠜꠣꠟꠣ ꠝꠣꠘꠥꠢꠅ ꠅꠢৎ ꠅꠄ ⁕
ꠅꠞ꠆ꠕꠁ ꠅꠘꠞ꠆ꠕꠦꠞ ꠝꠟ ꠅꠞ꠆ꠕ ꠖ꠆ꠛꠣꠞꠣꠁ ꠎꠔ ꠞꠇꠝꠦꠞ ꠢꠣꠋ꠆ꠉꠣꠝꠣꠞ ꠢꠞ꠆ꠢ꠆ꠐꠤ
ꠅꠟ꠆ꠙ ꠛꠤꠖ꠆ꠎꠣ ꠜꠄꠋ꠆ꠇꠞꠤ ꠅꠟ꠆ꠙ ꠟꠦꠈꠣꠙꠋꠠꠣ ꠎꠣꠘꠣ ꠎꠘꠞ ꠅꠔꠤꠖꠞ꠆ꠙ ⁕
ꠅꠟ꠆ꠙ ꠢꠧꠇꠦ ꠇꠣꠔꠞ ꠨ ꠅꠗꠤꠇ ꠢꠧꠇꠦ ꠙꠣꠕꠞ ꠛꠟꠣꠘ ꠖꠥঃꠈꠦ ꠢ꠆ꠔꠛ꠆ꠗ ꠢꠅꠀ ⁕
ꠅꠢꠣꠞꠦꠞ ꠔꠞ꠆ꠎꠘ ꠉꠞ꠆ꠎꠘ ꠢꠣꠞ ꠉꠥꠘꠢꠤꠘ ꠎꠘꠞ ꠛꠞ꠆ꠕꠣ ꠀꠢ꠆ꠚꠣꠟꠘ ꠇꠞꠣ ⁕

edit

ꠇꠁꠄꠦꠞ ꠔꠦꠟꠦ ꠇꠁ ꠜꠣꠎꠣ ꠎꠣꠞ ꠇꠣꠝ ꠔꠣꠇꠦ ꠖꠤꠁ ꠇꠣꠝ ꠢꠣꠢꠤꠟ ꠇꠞꠣ ⁕
ꠇꠔ ꠗꠣꠘꠦ ꠇꠔ ꠌꠣꠟ (ꠅꠄ) ꠇꠧꠘꠧ ꠛꠤꠅꠄꠦꠞ ꠙ꠆ꠞꠇꠞ꠆ꠔ ꠅꠛꠢ꠆ꠕꠣ ꠀꠞꠘꠣꠄ ꠈꠛꠞ ⁕
ꠇꠙꠣꠟꠉꠥꠘꠦ ꠉꠧꠙꠣꠟ ꠑꠣꠇꠥꠞ ꠜꠣꠉ꠆ꠎ ꠜꠣꠟꠣ ꠕꠣꠇꠟꠦ ꠅꠎꠧꠉ꠆ꠎ ꠎꠘꠅ ꠛꠋꠠꠧ ꠅꠄ ⁕
ꠇꠙꠣꠟꠦꠞ ꠟꠤꠈꠘ ꠎꠣꠄ ꠘꠣ ꠈꠘ꠆ꠒꠘ ꠜꠣꠉ꠆ꠎꠦ ꠎꠣ ꠀꠍꠦ ꠔꠣ ꠊꠐꠛꠦꠁ ⁕
ꠇꠋꠠꠤꠔꠦ ꠛꠣꠊꠦꠞ ꠖꠥꠗ ꠝꠤꠟꠦ ꠅꠞ꠆ꠕꠦ ꠖꠥꠢ꠆ꠙ꠆ꠞꠣꠙ꠆ꠎ ꠛꠢ꠆ꠔꠥꠅ ꠢꠥꠟꠜ ꠅꠄ ⁕
ꠇꠢ꠆ꠐ ꠘꠣ ꠇꠞꠟꠦ ꠇꠦꠢ꠆ꠐ ꠝꠤꠟꠦ ꠘꠣ ꠙꠞꠤꠢ꠆ꠞꠝ ꠘꠣ-ꠇꠞꠟꠦ ꠢꠚꠟꠔꠣ ꠙꠣꠅꠀ ꠎꠣꠄ ꠘꠣ ⁕
ꠇꠄꠟꠣ ꠗꠥꠟꠦ ꠝꠄꠟꠣ ꠎꠣꠄ ꠘꠣ ꠢ꠆ꠛꠜꠣꠛꠦꠞ ꠙꠞꠤꠛꠞ꠆ꠔꠘ ꠢꠅꠀ ꠇꠑꠤꠘ ⁕
ꠇꠄꠟꠣ ꠎꠣꠄ ꠘꠣ ꠗꠥꠟꠦ ꠨ ꠢ꠆ꠛꠜꠣꠛ ꠎꠣꠄ ꠘꠣ ꠝꠟꠦ ꠈꠣꠞꠣꠙ ꠟꠧꠇ ꠢꠅꠁꠀ ꠔꠣꠞ ꠢ꠆ꠛꠜꠣꠛ ꠙꠞꠤꠛꠞ꠆ꠔꠘ ꠇꠞꠔꠦ ꠙꠣꠞꠦ ꠘꠣ ⁕
ꠇꠣꠌꠣꠄ ꠘꠣ ꠘꠧꠀꠟꠦ ꠛꠣꠢ ꠙꠣꠇꠟꠦ ꠇꠞꠦ ꠑꠣꠢ ꠑꠣꠢ ꠢꠝꠄ ꠕꠣꠇꠔꠦ ꠇꠣꠝꠦ ꠘꠣ-ꠟꠣꠉꠣꠟꠦ ꠅꠢꠝꠄꠦ ꠀꠞ ꠇꠣꠝ ꠅꠄ ꠘꠣ ⁕
ꠇꠣꠐꠣ ꠖꠤ ꠇꠣꠐꠣ ꠔꠧꠟꠣ ꠄꠇ ꠖꠥꠢ꠆ꠐꠦꠞ ꠛꠤꠞꠥꠖ꠆ꠗꠦ ꠅꠘ꠆ꠎ ꠖꠥꠢ꠆ꠐꠇꠦ ꠟꠦꠟꠤꠄꠦ ꠖꠤ ꠃꠜꠄꠦꠞ ꠛꠤꠘꠣꠢ ꠢꠣꠗꠘ ꠇꠞꠣ ⁕
ꠇꠣꠇꠦꠞ ꠝꠣꠢ ꠇꠣꠇꠦ ꠈꠣꠄ ꠘꠣ ꠢ꠆ꠛꠎꠘ ꠀꠞꠘꠣꠄ ꠢ꠆ꠛꠉꠧꠔ꠆ꠞꠦꠞ ꠙ꠆ꠞꠔꠤ ꠅꠘꠥꠞꠣꠉ ⁕
ꠇꠣꠋꠣꠟꠦꠞ ꠇꠕꠣ ꠛꠣꠢꠤ ꠅꠁꠟꠦ ꠚꠟꠦ ꠍꠧꠐꠧ ꠝꠣꠘꠥꠢꠦꠞ ꠢꠑꠤꠇ ꠇꠕꠣ ꠙ꠆ꠞꠕꠝꠦ ꠃꠙꠦꠇ꠆ꠢꠤꠔ ꠢꠟꠦꠅ ꠙꠞꠛꠞ꠆ꠔꠤꠔꠦ ꠑꠤꠇꠁ ꠢꠔ꠆ꠎ ꠢꠤꠢꠦꠛꠦ ꠙ꠆ꠞꠝꠣꠘꠤꠔ ꠅꠄ ⁕
ꠇꠣꠝꠦꠞ ꠛꠦꠟꠣꠄ ꠇꠣꠝꠤ ꠇꠣꠝ ꠚꠥꠞꠣꠟꠦ ꠙꠣꠎꠤ ꠇꠣꠝ ꠇꠞꠛꠣꠞ ꠎꠘ꠆ꠎ ꠢꠘꠤꠞ꠆ꠛꠘ꠆ꠗ ꠅꠘꠥꠞꠧꠗ ꠇꠞꠣ ꠇꠤꠘ꠆ꠔꠥ ꠇꠣꠝ ꠢꠦꠡ ꠅꠁꠟꠦ ꠈꠧꠎꠈꠛꠞ ꠘꠣ ꠘꠦꠅꠀ ⁕
ꠇꠣꠐꠣ ꠊꠣꠄꠦ ꠘꠥꠘꠦꠞ ꠍꠤꠐꠣ ꠛ꠆ꠎꠕꠣꠞ ꠃꠙꠞꠦ ꠀꠞꠅ ꠛ꠆ꠎꠕꠣ ꠖꠦꠅꠀ ⁕
ꠇꠣꠘꠣ ꠍꠦꠟꠦꠞ ꠘꠣꠝ ꠙꠖ꠆ꠝꠟꠧꠌꠘ ꠇꠥৎꠢꠤꠔꠇꠦ ꠛꠦꠝꠣꠘꠣꠘꠜꠣꠛꠦ ꠅꠄ꠆ꠎꠤꠔ ꠇꠞꠣ ꠢꠣꠢ꠆ꠎꠇꠞ ꠛ꠆ꠎꠣꠙꠣꠞ ⁕
ꠇꠣꠞꠧ ꠙꠂꠢ ꠝꠣꠢ ꠇꠣꠞꠧ ꠢꠞ꠆ꠛꠘꠣꠢ ꠇꠣꠞꠧ ꠛꠤꠞꠣꠐ ꠟꠣꠜꠦꠞ ꠙꠣꠢꠣꠙꠣꠢꠤ ꠅꠘ꠆ꠎ ꠇꠣꠞꠧ ꠛꠤꠞꠣꠐ ꠇ꠆ꠢꠔꠤ ꠢꠅꠀ ⁕
ꠇꠥꠝꠤꠞꠦꠞ ꠢꠋ꠆ꠉꠦ ꠛꠤꠛꠣꠖ ꠇꠞꠦ ꠙꠣꠘꠤꠔꠦ ꠛꠣꠢ ꠎꠣꠞ ꠎꠦꠈꠣꠘꠦ ꠙ꠆ꠞꠜꠥꠔ꠆ꠛ ꠢꠦꠈꠣꠘꠦ ꠔꠣꠞ ꠢꠣꠕꠦ ꠛꠤꠛꠣꠖ ꠇꠞꠦ ꠛꠣꠢ ꠇꠞꠣ ꠎꠣꠄ ꠘꠣ ⁕
ꠇꠥꠟ ꠞꠣꠈꠤ ꠘꠣ ꠢ꠆ꠎꠣꠝ ꠞꠣꠈꠤ ꠃꠜꠄ ꠢꠋ꠆ꠇꠐꠦ ꠙꠋꠠꠣ
ꠇꠦꠃ ꠝꠞꠦ ꠛꠤꠟ ꠍꠦꠌꠦ ꠨ ꠇꠦꠃ ꠈꠣꠄ ꠇꠂ ꠄꠇꠦꠞ ꠙꠞꠤꠢ꠆ꠞꠝꠦ ꠅꠘ꠆ꠎꠦꠞ ꠛꠤꠟꠣꠢꠤꠔꠣ

edit

ꠈꠣꠎꠘꠣꠞ ꠔꠘꠦ ꠛꠣꠎꠘꠣ ꠛꠟꠣꠘ ꠝꠟꠇꠣꠝꠦꠞ ꠔꠘꠦ ꠅꠘꠣꠛꠢ꠆ꠎꠇ ꠀꠋꠠꠝ꠆ꠛꠞ ꠛꠟꠣꠘ ꠇꠞꠣ ⁕
ꠈꠣꠟ ꠇꠦꠐꠦ ꠇꠥꠝꠤꠞ ꠀꠘꠣ ꠘꠤꠎꠦꠞ ꠖꠧꠢꠦ ꠛꠤꠙꠖ ꠒꠦꠇꠦ ꠀꠘꠣ ⁕
ꠈꠣꠟꠤ ꠇꠟꠢꠤ ꠛꠣꠎꠦ ꠛꠟꠣꠘ ꠅꠘ꠆ꠔঃꠢꠣꠞꠢꠘ꠆ꠎ ꠎꠘ ꠀꠞꠘꠣꠄ ꠛꠢ꠆ꠔꠥꠞ ꠛꠣꠢ꠆ꠎꠤꠇꠜꠣꠛꠦ ꠔꠞ꠆ꠎꠘ-ꠉꠞ꠆ꠎꠘ ꠇꠞꠣ ⁕
ꠈꠥꠐꠧꠞ ꠎꠧꠞꠦ ꠜꠦꠋꠠꠣ ꠘꠣꠌꠦ ꠢꠇ꠆ꠔꠤꠢꠣꠟꠤ ꠎꠘꠞ ꠙꠞ꠆ꠢ꠆ꠑꠙꠧꠢꠇꠔꠣꠄ ꠅꠎꠧꠉ꠆ꠎ ꠎꠘꠞꠅ ꠃꠘ꠆ꠘꠔꠤ ꠢꠝ꠆ꠜꠛ ⁕
ꠈꠧꠖꠣꠞ ꠝꠣꠞ ꠖꠥꠘꠤꠀꠞ ꠛꠣꠞ ꠀꠟ꠆ꠟꠣꠢꠞ ꠛꠤꠗꠣꠘ ꠅꠙ꠆ꠞꠔꠤꠞꠧꠗ꠆ꠎ ⁕
ꠈꠤꠖꠦ ꠙꠦꠟꠦ ꠛꠣꠊꠦꠅ ꠗꠣꠘ ꠈꠣꠄ ꠙ꠆ꠞꠀꠦꠎꠘ ꠘꠤꠄꠝ ꠖ꠆ꠛꠣꠞꠣ ꠙꠞꠤꠌꠣꠟꠤꠔ ꠅꠄ ꠘꠣ ⁕
ꠈꠣꠌꠣꠄ ꠙꠥꠞꠦ ꠈꠧꠌꠣ ꠝꠣꠞꠣ ꠀꠄꠔ꠆ꠔꠦ ꠄꠘꠦ ꠅꠔ꠆ꠎꠣꠌꠣꠞ ꠇꠞꠣ ⁕

edit

ꠉꠞꠥ ꠝꠦꠞꠦ ꠎꠥꠔꠧ ꠖꠣꠘ ꠎꠊꠘ꠆ꠎ ꠅꠘ꠆ꠎꠣꠄ ꠇꠣꠝꠦꠞ ꠙ꠆ꠞꠣꠄꠢ꠆ꠌꠤꠔ꠆ꠔ ꠢꠤꠢꠦꠛꠦ ꠢꠣꠝꠣꠘ꠆ꠎ ꠙ꠆ꠞꠔꠤꠖꠣꠘ ꠖꠦꠅꠀ ⁕
ꠉꠣꠁꠔꠦ ꠉꠣꠁꠔꠦ ꠉꠣꠄꠦꠘ ꠨ ꠛꠣꠎꠣꠔꠦ ꠛꠣꠎꠣꠔꠦ ꠛꠣꠄꠦꠘ ꠅꠗ꠆ꠎꠛꠢꠣꠄꠦꠞ ꠚꠟꠦ ꠖꠇ꠆ꠢꠔꠣ ꠀꠢꠦ ⁕
ꠉꠣꠄꠦ ꠝꠣꠘꠦ ꠘꠣ ꠀꠙꠘꠤ ꠝꠧꠋꠠꠟ ꠝꠞ꠆ꠈ ꠅ ꠅꠎꠧꠉ꠆ꠎ ꠎꠘꠞ ꠘꠤꠎꠦ ꠘꠤꠎꠦꠁ ꠘꠦꠔꠣ ꠢꠣꠎꠣ ⁕
ꠉꠣꠍꠦ ꠇꠣꠑꠣꠟ ꠉꠧꠚꠦ ꠔꠦꠟ ꠙ꠆ꠞꠣꠙ꠆ꠔꠤꠞ ꠙꠞ꠆ꠛꠦꠁ ꠜꠧꠉꠦꠞ ꠀꠄꠧꠎꠘ ⁕
ꠉꠣꠍꠦ ꠔꠥꠟꠦ ꠝꠁ ꠇꠣꠋꠠꠣ ꠇꠣꠝꠦ ꠘꠣꠝꠤꠄꠦ ꠢꠞꠦ ꠙꠋꠠꠣ ⁕
ꠉꠣꠍꠦ ꠘꠣ ꠃꠑꠔꠦꠁ ꠄꠇ ꠇꠣꠖꠤ ꠇꠣꠝ ꠀꠞꠝ꠆ꠜ ꠇꠞꠣꠞ ꠢꠣꠕꠦ ꠢꠣꠕꠦ ꠚꠟꠦꠞ ꠙ꠆ꠞꠔ꠆ꠎꠣꠢꠣ ꠇꠞꠣ ⁕
ꠉꠣꠍꠦꠞꠅ ꠈꠣꠄ ꠔꠟꠣꠞꠅ ꠇꠥꠋꠠꠣꠄ ꠢꠝ꠆ꠙꠖꠦꠞ ꠢꠇꠟ꠆ꠔꠣꠐꠥꠇꠥꠁ ꠜꠧꠉ ꠇꠞꠣ ⁕
ꠉꠦꠄꠧ ꠎꠧꠉꠤ ꠜꠤꠈ ꠙꠣꠄ ꠘꠣ ꠘꠤꠎꠦꠞ ꠖꠦꠢꠦ ꠉꠥꠘꠤꠞ ꠇꠖꠞ ꠘꠦꠁ ⁕
ꠉꠣꠟ ꠐꠤꠙꠟꠦ ꠖꠥꠗ ꠛꠦꠞꠣꠦꠄ ꠄꠇꠦꠛꠣꠞꠦ ꠅꠛꠣꠦꠗ ⁕
ꠉꠣꠦꠋꠠꠣ ꠇꠦꠐꠦ ꠀꠉꠣꠄ ꠙꠣꠘꠤ ꠖꠦꠀ ꠖꠧꠢ ꠢꠥꠗꠞꠣꠘꠣꠦꠞ ꠌꠦꠢ꠆ꠐꠣ ⁕

edit

ꠊꠐꠤ ꠒꠧꠛꠦ ꠘꠣ ꠨ ꠘꠣꠝꠦ ꠔꠣꠟꠙꠥꠇꠥꠞ ꠇ꠆ꠢꠥꠖ꠆ꠞ ꠎꠘꠞ ꠛꠋꠠ ꠘꠣꠝ ꠉ꠆ꠞꠢꠘ ⁕
ꠊꠞ ꠙꠧꠋꠠꠣ ꠉꠞꠥ ꠢꠤꠖꠥꠞꠦ ꠝꠦꠊ ꠖꠦꠈꠟꠦ ꠒꠞꠣꠄ ꠙꠞ꠆ꠛꠦ ꠇ꠆ꠢꠔꠤꠉ꠆ꠞꠢ꠆ꠔ ꠎꠘ ꠢꠇꠟ꠆ꠔꠣ ꠢꠝꠄ ꠀꠔꠋ꠆ꠇꠉ꠆ꠞꠢ꠆ꠔ ꠕꠣꠇꠦ ⁕
ꠊꠞꠦꠞ ꠈꠦꠄꠦ ꠛꠘꠦꠞ ꠝꠧꠢ ꠔꠣꠋꠠꠣꠘꠧ ꠘꠤꠎꠦꠞ ꠈꠞꠌꠣꠄ ꠅꠙꠞꠦꠞ ꠢ꠆ꠛꠣꠞ꠆ꠕ ꠖꠦꠈꠣ ⁕
ꠊꠞꠦꠞ ꠢꠔ꠆ꠞꠥ ꠛꠤꠜꠤꠢꠘ ꠎꠦ ꠢꠔ꠆ꠞꠥ ꠀꠙꠘꠎꠘ ⁕
ꠊꠥꠊꠥ ꠖꠦꠈꠦꠍ ꠚꠣꠖ ꠖꠦꠈꠘꠤ ꠌꠔꠥꠞ ꠎꠘꠞ ꠙ꠆ꠞꠔꠤ ꠙ꠆ꠞꠣꠙ꠆ꠔ ꠢꠣꠢ꠆ꠔꠤꠞ ꠁꠋ꠆ꠉꠤꠔ ⁕
ꠊꠧꠋꠠꠣ ꠒꠤꠋꠤꠄꠦ ꠊꠣꠢ ꠈꠣꠅꠀ ꠃꠙꠞꠅꠀꠟꠣꠇꠦ ꠒꠤꠋꠤꠄꠦ ꠘꠤꠎꠦꠞ ꠢ꠆ꠛꠣꠞ꠆ꠕ ꠢꠣꠢꠤꠟ ꠇꠞꠣ ⁕
ꠊꠣꠝ ꠖꠤ ꠎ꠆ꠛꠞ ꠍꠣꠋꠠꠣ ꠛꠋꠠ ꠇꠧꠘꠣꠦ ꠛꠤꠙꠖ ꠕꠘꠦ ꠃꠖ꠆ꠗꠣꠞ ꠙꠣꠅꠀ ⁕

edit

ꠌꠇꠌꠇ ꠇꠞꠟꠦꠁ ꠢꠧꠘꠣ ꠅꠄ ꠘꠣ ⁕ ꠘꠇꠟ ꠘꠣ ꠈꠣꠐꠤ ꠨ ꠔꠣ ꠌꠦꠢꠣꠞꠣ ꠖꠦꠈꠦ ꠛꠧꠏꠣ ꠎꠣꠄ ꠘꠣ ⁕
ꠌꠣꠌꠣ ꠀꠙꠘ ꠙ꠆ꠞꠣꠘ ꠛꠣꠌꠣ ꠘꠤꠎꠦꠞ ꠙ꠆ꠞꠣꠘ ꠛꠣꠌꠤꠄꠦ ꠔꠣꠞꠙꠞ ꠅꠘ꠆ꠎ ꠇꠕꠣ ⁕
ꠌꠧꠈꠦ ꠢꠞꠢꠦ ꠚꠥꠟ ꠖꠦꠈꠣ ꠛꠤꠙꠖꠦ ꠙꠋꠠꠦ ꠖꠤꠢꠦꠡꠣꠞꠣ ꠢꠅꠀ ⁕
ꠌꠧꠞ ꠙꠣꠟꠣꠟꠦ ꠛꠥꠖ꠆ꠗꠤ ꠛꠣꠋꠠꠦ ꠢꠥꠎꠧꠉ ꠢꠣꠔꠍꠣꠋꠠꠣ ꠅꠁꠟꠦ ꠝꠣꠕꠣꠄ ꠘꠣꠘꠣ ꠚꠘ꠆ꠖꠤ-ꠚꠤꠇꠤꠞ ꠀꠢꠦ ⁕
ꠌꠧꠞꠦ ꠘꠣ ꠢꠧꠘꠦ ꠗꠞ꠆ꠝꠦꠞ ꠇꠣꠢꠤꠘꠤ ꠅꠢৎ ꠎꠘꠇꠦ ꠃꠙꠖꠦꠢ ꠖꠤꠟꠦꠅ ꠢꠦ ꠢৎ ꠅꠄ ꠘꠣ ⁕
ꠌꠧꠞꠦꠞ ꠗꠘ ꠛꠣꠐꠙꠣꠋꠠꠦ ꠈꠣꠄ ꠅꠢৎ ꠃꠙꠣꠄꠦ ꠅꠞ꠆ꠎꠤꠔ ꠗꠘ ꠘꠤꠎꠦ ꠜꠧꠉ ꠇꠞꠔꠦ ꠘꠣ-ꠙꠣꠞꠣ ⁕

edit

ꠍꠣꠁ ꠚꠦꠟꠔꠦ ꠜꠣꠋꠣ ꠇꠥꠟꠧ ꠅꠛꠢꠦꠟꠣꠞ ꠙꠣꠔ꠆ꠞ ꠇꠤꠘ꠆ꠔꠥ ꠇꠣꠝꠦꠞ ꠢꠝꠄ ꠒꠣꠇ ꠙꠋꠠꠦ ⁕
ꠍꠦꠋꠠꠣ ꠇꠣꠕꠣꠄ ꠢꠥꠄꠦ ꠟꠣꠈ ꠐꠣꠇꠣꠞ ꠢ꠆ꠛꠙ꠆ꠘ ꠖꠦꠈꠣ ꠢꠣꠝꠞ꠆ꠕ꠆ꠎ ꠘꠦꠁ ꠅꠕꠌ ꠙ꠆ꠞꠣꠌꠥꠞ꠆ꠎꠦꠞ ꠙ꠆ꠞꠔ꠆ꠎꠣꠢꠣ ⁕

edit

ꠎꠘ ꠎꠣꠝꠣꠁ ꠜꠣꠉꠘꠣ ꠨ ꠄ ꠔꠤꠘ ꠘꠄ ꠀꠙꠘꠣ
ꠎꠟꠦ ꠇꠥꠝꠤꠞ ꠒꠣꠋꠣꠄ ꠛꠣꠊ ꠖꠥꠖꠤꠇꠦꠁ ꠛꠤꠙꠖꠦ ꠙꠋꠠꠣ ⁕
ꠎꠟꠦ ꠛꠣꠢ ꠇꠞꠦ ꠇꠥꠝꠤꠞꠦꠞ ꠢꠋ꠆ꠉꠦ ꠛꠤꠛꠣꠖ ꠙꠞꠣꠇ꠆ꠞꠝꠢꠣꠟꠤꠞ ꠄꠟꠣꠇꠣꠄ ꠉꠤꠄꠦ ꠙꠞꠣꠇ꠆ꠞꠝꠢꠣꠟꠤꠞ ꠢꠣꠕꠦꠁ ꠛꠤꠛꠣꠖꠦ ꠎꠋꠠꠤꠄꠦ ꠙꠋꠠꠣ
ꠎꠣꠔꠦ ꠝꠣꠔꠣꠟ ꠔꠣꠟꠦ ꠑꠤꠇ ꠖꠦꠈꠔꠦ ꠛꠟꠣꠘꠢꠣꠛꠤ ꠝꠘꠦ ꠢꠟꠦꠅ ꠙ꠆ꠞꠇꠞ꠆ꠔꠙꠇ꠆ꠢꠦ ꠘꠤꠎꠦꠞ ꠇꠣꠝꠦ ꠢꠤꠢꠣꠛꠤ ⁕
ꠎꠥꠔꠧ ꠢꠦꠟꠣꠁ ꠕꠘꠦ ꠌꠘ꠆ꠒꠤꠙꠣꠑ ꠍꠧꠐ-ꠛꠋꠠ ꠎꠣꠛꠔꠤꠄ ꠇꠣꠝ ⁕
ꠎꠧꠞ ꠎꠣꠞ ꠝꠥꠟ꠆ꠟꠥꠇ ꠔꠣꠞ ꠢꠇ꠆ꠔꠤ ꠕꠣꠇꠟꠦ ꠢꠇꠟ꠆ꠔꠣꠇꠤꠍꠥ ꠎꠄ ꠇꠞꠣ ꠎꠣꠄ ⁕

edit

ꠏꠤꠇꠦ ꠝꠦꠞꠦ ꠛꠂꠇꠦ ꠢꠦꠈꠣꠘꠧ ꠙꠞꠧꠇ꠆ꠢꠜꠣꠛꠦ ꠔꠤꠞꠢ꠆ꠇꠣꠞ ꠇꠞꠣ ⁕
ꠏꠧꠙ ꠛꠥꠏꠦ ꠇꠧꠙ ꠝꠣꠞꠣ ꠅꠛꠢ꠆ꠕꠣ ꠛꠥꠏꠦ ꠢꠥꠎꠧꠉ ꠉ꠆ꠞꠢꠘ ꠇꠞꠣ ⁕

edit

ꠑꠉ ꠛꠣꠍꠔꠦ ꠉꠣ ꠃꠎꠣꠋꠠ ꠎꠦꠈꠣꠘꠦ ꠝꠘ꠆ꠖꠦꠞ ꠜꠣꠉ ꠛꠟꠣꠘ ⁕
ꠑꠦꠟꠣꠞ ꠘꠣꠝ ꠛꠣꠛꠣꠎꠤ ꠌꠣꠙꠦ ꠙꠋꠠꠦ ꠇꠣꠛꠥ ꠢꠅꠀ ⁕
ꠑꠣꠇꠥꠞ ꠊꠞꠦ ꠇꠦ? ꠀꠝꠤ ꠇꠟꠣ ꠈꠣꠁ ꠘꠤ ꠌꠣꠟꠣꠇ ꠗꠞꠣ ꠙꠋꠠꠣ ⁕

edit

ꠒꠥꠛꠦ ꠒꠥꠛꠦ ꠙꠣꠘꠤ ꠈꠣꠅꠀ ꠟꠧꠇꠌꠇ꠆ꠢꠥꠞ ꠅꠉꠧꠌꠞꠦ ꠇꠣꠞ꠆ꠎꠢꠤꠖ꠆ꠗꠤ ꠇꠞꠣ ⁕
ꠒꠣꠘ ꠀꠔꠦꠞ ꠛ꠆ꠎꠣꠙꠣꠞ ꠈꠣꠅꠀ
ꠒꠣꠁꠘꠦ ꠀꠘꠔꠦ ꠛꠣꠝꠦ ꠚꠥꠞꠣꠄ ꠀꠄ ꠕꠘꠦ ꠛ꠆ꠎꠄ ꠛꠟꠣꠘ ⁕
ꠒꠧꠛꠣ ꠖꠦꠈꠟꠦ ꠛ꠆ꠎꠣꠋ ꠟꠣꠚꠣꠄ ꠀꠇꠣꠋ꠆ꠈꠣꠞ ꠛꠢ꠆ꠔꠥ ꠖꠦꠈꠟꠦꠁ ꠝꠘ ꠀꠘ꠆ꠖꠧꠟꠤꠔ ꠅꠄ ⁕

edit

ꠓꠣꠟ ꠘꠦꠁ ꠔꠟꠧꠀꠞ ꠘꠦꠁ ꠘꠤꠗꠤꠞꠣꠝ ꠢꠞ꠆ꠖꠣꠞ ꠢꠘ꠆ꠎ ꠀꠔꠦꠁ ꠛꠣꠢꠣꠖꠥꠞꠤ ꠇꠞꠣ ⁕
ꠓꠦꠇꠤ ꠢ꠆ꠛꠞ꠆ꠉꠦ ꠉꠦꠟꠦꠅ ꠗꠣꠘ ꠜꠣꠘꠦ ꠅꠜ꠆ꠎꠣꠢ ꠇꠈꠘꠅ ꠛꠖꠟꠣꠄ ꠘꠣ ⁕
ꠓꠤꠟꠐꠤ ꠝꠣꠞꠟꠦ ꠙꠣꠐꠇꠦꠟꠐꠤ ꠈꠦꠔꠦ ꠅꠄ ꠅꠙꠞꠦꠞ ꠇ꠆ꠢꠔꠤ ꠌꠣꠁꠟꠦ ꠘꠤꠎꠦꠞꠅ ꠇ꠆ꠢꠔꠤ ꠅꠄ ⁕
ꠓꠣꠇꠦꠞ ꠛꠣꠖ꠆ꠎ ꠕꠣꠝꠟꠦ ꠝꠤꠢ꠆ꠐꠤ ꠎꠣ ꠅꠢꠢ꠆ꠎ ꠔꠣ ꠕꠣꠝꠟꠦꠁ ꠜꠣꠟꠣ ⁕

edit

ꠔꠙ꠆ꠔ ꠜꠣꠔꠦ ꠘꠥꠘ ꠎꠧꠐꠦ ꠘꠣ ꠨ ꠙꠣꠘ꠆ꠔꠣ ꠜꠣꠔꠦ ꠊꠤ ꠎꠣꠞ ꠘꠤꠔ꠆ꠔ-ꠘꠂꠝꠤꠔ꠆ꠔꠤꠇ ꠙ꠆ꠞꠄꠧꠎꠘ ꠝꠦꠐꠣꠘꠧꠞ ꠢꠣꠝꠞ꠆ꠕ꠆ꠎ ꠘꠦꠁ ꠔꠣꠞ ꠛꠤꠟꠣꠢꠤꠔꠣꠞ ꠙ꠆ꠞꠢ꠆ꠘꠁ ꠅꠑꠦ ꠘꠣ ⁕
ꠔꠦꠟꠣ ꠝꠣꠕꠣꠄ ꠔꠦꠟ ꠖꠦꠅꠀ ꠎꠣꠞ ꠀꠍꠦ ꠔꠣꠇꠦ ꠀꠞꠧ ꠖꠦꠅꠀ ⁕
ꠔꠤꠞꠦ ꠄꠢꠦ ꠔꠞꠤ ꠒꠧꠛꠣ ꠢꠦꠡ ꠙꠞ꠆ꠎꠣꠄꠦ ꠇꠣꠝ ꠙꠘ꠆ꠒ ꠢꠅꠀ ⁕
ꠔꠦꠟꠦ ꠛꠦꠉꠥꠘꠦ ꠎ꠆ꠛꠟꠣ ꠅꠔꠤꠞꠤꠇ꠆ꠔ ꠃꠔ꠆ꠔꠦꠎꠤꠔ ꠢꠅꠀ ⁕
ꠔꠣꠟꠙꠣꠔꠣꠞ ꠢꠦꠙꠣꠁ ꠢꠇ꠆ꠔꠤꠢꠤꠘ ꠟꠧꠇ ⁕

edit

ꠖꠡꠦ ꠝꠤꠟꠦ ꠇꠞꠤ ꠇꠣꠝ ꠨ ꠢꠣꠞꠤ ꠎꠤꠔꠤ ꠘꠣꠢꠤ ꠟꠣꠎ ꠢꠇꠟꠦ ꠝꠤꠟꠦꠝꠤꠢꠦ ꠇꠣꠝ ꠇꠞꠦ ꠛ꠆ꠎꠞ꠆ꠕ ꠢꠟꠦꠅ ꠔꠣꠔꠦ ꠟꠎ꠆ꠎꠣ ꠘꠦꠁ ⁕
ꠖꠡꠦꠞ ꠟꠣꠑꠤ ꠄꠇꠦꠞ ꠛꠧꠏꠣ ꠇꠧꠘꠧ ꠇꠣꠝ ꠄꠇꠣꠞ ꠙꠇ꠆ꠢꠦ ꠇꠞꠣ ꠇꠑꠤꠘ ꠨ ꠇꠤꠘ꠆ꠔꠥ ꠖꠡꠎꠘꠦꠞ ꠙꠇ꠆ꠢꠦ ꠈꠥꠛ ꠢꠅꠄ ⁕
ꠖꠣꠔ ꠕꠣꠇꠔꠦ ꠖꠣꠔꠦꠞ ꠝꠞ꠆ꠎꠣꠖꠣ ꠛꠧꠏꠦ ꠘꠣ ꠢꠥꠎꠧꠉꠦꠞ ꠢꠖ꠆ꠛ꠆ꠎꠛꠢꠣꠞ ꠘꠣ ꠇꠞꠣ ⁕
ꠖꠥꠗ-ꠇꠟꠣ ꠖꠤ ꠢꠣꠙ ꠙꠧꠢꠣ ꠅꠄꠔ꠆ꠘꠦ ꠖꠥꠢꠝꠘꠇꠦ ꠙ꠆ꠞꠔꠤꠙꠣꠟꠘ ꠇꠞꠣ ⁕
ꠖꠥꠢ꠆ꠐꠥ ꠉꠞꠥꠞ ꠔꠘꠦ ꠢꠘ꠆ꠎ ꠉꠧꠀꠟ ꠜꠣꠟꠣ ꠈꠣꠞꠣꠙ ꠎꠤꠘꠤꠢ ꠕꠣꠇꠣꠞ ꠔꠘꠦ ꠘꠣ ꠕꠣꠇꠣ ꠜꠣꠟꠣ ⁕
ꠖꠡꠌꠇ꠆ꠞꠦ ꠜꠉꠛꠣꠘ ꠜꠥꠔ ꠅꠘꠦꠇ ꠌꠦꠢ꠆ꠐꠣꠄ ꠢꠔ꠆ꠎꠇꠦ ꠝꠤꠕ꠆ꠎꠣ ꠛꠣꠘꠣꠘꠧ ⁕
ꠖꠡ ꠖꠤꠘ ꠌꠧꠞꠦꠞ ꠄꠇꠖꠤꠘ ꠢꠣꠗꠥꠞ ꠇꠥꠇꠞ꠆ꠝꠦꠞ ꠚꠟ ꠄꠇꠖꠤꠘ ꠅꠘꠤꠛꠣꠞ꠆ꠎ ꠚꠟꠦ ⁕

edit

ꠗꠞꠣꠇꠦ ꠢꠞꠣ ꠉ꠆ꠉꠣꠘ ꠇꠞꠣ ꠇꠣꠃꠇꠦ ꠉ꠆ꠞꠣꠢ꠆ꠎ ꠘꠣ ꠇꠞꠣ ⁕
ꠗꠞꠤ ꠝꠣꠍ ꠘꠣ ꠍꠥꠁ ꠙꠣꠘꠤ ꠇꠤꠍꠥꠝꠣꠔ꠆ꠞ ꠛꠦꠉ ꠘꠣ ꠙꠦꠔꠦ ꠅꠄ ꠄꠝꠘ ꠇꠂꠢꠟꠦ ꠇꠣꠞ꠆ꠎꠢꠤꠖ꠆ꠗꠤ ꠇꠞꠣ ⁕
ꠗꠞ꠆ꠝꠦꠞ ꠓꠣꠇ ꠀꠙꠘꠤ ꠛꠣꠎꠦ/ ꠗꠞ꠆ꠝꠦꠞ ꠇꠟ ꠛꠣꠔꠣꠢꠦ ꠘꠋꠠꠦ ꠢꠦꠡ ꠅꠛꠗꠤ ꠢꠔ꠆ꠎ ꠃꠖꠊꠣꠐꠤꠔ ꠅꠄ ⁕
ꠗꠣꠘ꠆ꠎ ꠔꠣꠞ ꠛꠢꠥꠘ꠆ꠗꠞꠣ ꠎꠣꠞ
ꠗꠣꠞꠦ ꠘꠣ ꠇꠣꠐꠟꠦ ꠜꠣꠞꠦ ꠇꠣꠐꠦ ꠇꠧꠘꠧ ꠘꠣ ꠇꠧꠘꠧ ꠃꠙꠣꠄꠦ ꠇꠣꠞ꠆ꠎꠢꠤꠖ꠆ꠗꠤ ⁕
ꠗꠦꠘꠧ ꠢꠣꠐꠦ ꠅꠟ ꠘꠣꠝꠣꠘꠧ ꠘꠣ ꠛꠥꠏꠦ ꠅꠇꠣꠝ ꠇꠞꠣ ⁕

edit

ꠘꠉꠞ ꠙꠥꠋꠠꠤꠟꠦ ꠇꠤꠔꠣ ꠖꠦꠛꠣꠟꠄ ꠄꠋꠠꠣꠄ? ꠛꠤꠙꠖꠦ ꠢꠇꠟ꠆ꠔꠣꠣꠞ ꠇ꠆ꠢꠔꠤ ⁕
ꠘꠣꠁ ꠝꠣꠝꠣꠞ ꠔꠘꠦ ꠇꠣꠘꠣ ꠝꠣꠝꠣ ꠜꠣꠟꠣ ꠄꠇꠦꠛꠣꠞꠦ ꠘꠣ ꠙꠣꠅꠀꠞ ꠔꠘꠦ ꠢꠣꠝꠣꠘ꠆ꠎ ꠇꠤꠍꠥ ꠙꠣꠅꠀꠅ ꠜꠣꠟꠣ ⁕
ꠘꠣꠌꠔꠦ ꠘꠣ ꠎꠣꠘꠟꠦ ꠃꠑꠣꠘ ꠛꠣꠇꠣ ꠅꠇꠞ꠆ꠝꠘ꠆ꠎꠔꠣꠞ ꠚꠟꠦ ꠛ꠆ꠎꠞ꠆ꠕꠔꠣꠞ ꠎꠘ꠆ꠎ ꠅꠙꠞꠇꠦ ꠖꠧꠢꠣꠞꠧꠙ ꠇꠞꠣ ⁕
ꠘꠣꠘꠣ ꠝꠥꠘꠤꠞ ꠘꠣꠘꠣ ꠝꠔ ꠛꠤꠜꠤꠘ꠆ꠘ ꠟꠧꠇꠦꠞ ꠛꠤꠜꠤꠘ꠆ꠘ ꠝꠔꠣꠝꠔ ⁕
ꠘꠤꠎꠦꠞ ꠘꠣꠇ ꠇꠦꠐꠦ ꠙꠞꠦꠞ ꠎꠣꠔ꠆ꠞꠣ ꠜꠋ꠆ꠉ ꠇꠞꠣ ꠘꠤꠎꠦꠞ ꠅꠘꠤꠢ꠆ꠐ ꠢꠣꠗꠘ ꠇꠞꠦꠅ ꠅꠙꠞꠇꠦ ꠎꠛ꠆ꠖ ꠇꠞꠣꠞ ꠌꠦꠢ꠆ꠐꠣ ꠇꠞꠣ ⁕
ꠘꠦꠋꠠꠣ ꠖꠥꠛꠣꠞ ꠛꠦꠟꠔꠟꠣꠄ ꠎꠣꠄ ꠘꠣ ꠝꠣꠘꠥꠢ ꠄꠇꠛꠣꠞꠁ ꠑꠇꠦ ꠨ ꠛꠣꠞꠛꠣꠞ ꠑꠇꠦ ꠘꠣ ⁕
ꠘꠖꠤꠞ ꠄꠇꠟ ꠜꠣꠋ꠆ꠉꠦ ꠅꠇꠟ ꠉꠋꠠꠦ ꠜꠣꠟꠣꠦ-ꠝꠘ꠆ꠖ ꠙꠞ꠆ꠎꠣꠄꠇ꠆ꠞꠝꠦ ꠀꠢꠦ ⁕
ꠘꠥꠘ ꠈꠣꠁ ꠎꠣꠞ ꠉꠥꠘ ꠉꠣꠁ ꠔꠣꠞ ꠃꠙꠇꠣꠞꠤꠞ ꠃꠙꠇꠣꠞ ꠇꠞꠣ ⁕
ꠘꠤꠎꠦꠞ ꠙꠣꠄꠦ ꠇꠥꠋꠠꠣꠟ ꠝꠣꠞꠣ ꠘꠤꠎꠦꠞ ꠇ꠆ꠢꠔꠤ ꠘꠤꠎꠦꠁ ꠇꠞꠣ ⁕

edit

ꠙꠞꠦꠞ ꠝꠣꠕꠣꠄ ꠇꠣꠑꠣꠟ ꠜꠣꠋꠣ ꠅꠘ꠆ꠎꠇꠦ ꠇꠢ꠆ꠐ ꠖꠤ ꠘꠤꠎꠦꠞ ꠢ꠆ꠛꠣꠞ꠆ꠕ ꠃꠖ꠆ꠗꠣꠞ ꠇꠞꠣ ⁕
ꠙꠞꠦꠞ ꠝꠥꠈꠦ ꠏꠣꠟ ꠈꠣꠅꠀ ꠘꠤꠎꠦ ꠘꠣ ꠛꠥꠏꠦ ꠅꠘ꠆ꠎꠦꠞ ꠇꠕꠣꠄ ꠛꠤꠢ꠆ꠛꠣꠢ ꠢ꠆ꠕꠣꠙꠘ ꠇꠞꠣ ⁕
ꠙꠋꠠꠟ ꠇꠕꠣ ꠢꠣꠐꠦꠞ ꠝꠣꠏꠦ ꠨ ꠎꠣꠞ ꠇꠕꠣ ꠔꠣꠞ ꠛꠥꠇꠦ ꠛꠣꠎꠦ ꠘꠣꠝ ꠘꠣ ꠇꠞꠦ ꠢꠝꠣꠟꠧꠌꠘꠣ ꠇꠞꠟꠦꠅ ꠎꠣꠇꠦ ꠇꠞꠣ ꠅꠄ ꠨ ꠢꠦ ꠑꠤꠇ ꠛꠥꠏꠦ ꠎꠣꠄ ⁕
ꠙꠣꠇꠣ ꠗꠣꠘꠦ ꠝꠁ ꠖꠦꠅꠀ ꠢꠥꠢꠝ꠆ꠙꠣꠖꠤꠔ ꠇꠣꠝ ꠙꠘ꠆ꠒ ꠇꠞꠣ ⁕
ꠙꠣꠘꠤꠔꠦ ꠇꠥꠝꠤꠞ ꠒꠣꠋꠣꠄ ꠛꠣꠊ ꠖꠥꠖꠤꠇꠦꠁ ꠛꠤꠙꠖ ꠨ ꠞꠇ꠆ꠢꠣꠞ ꠇꠧꠘꠧ ꠙꠕ ꠘꠦꠁ ⁕ (ꠃꠜꠄꠢꠋꠇꠐ)
ꠙꠣꠙꠦꠞ ꠗꠘ ꠙ꠆ꠞꠣꠄꠢ꠆ꠌꠤꠔ꠆ꠔꠦ ꠎꠣꠄ ꠅꠢৎ ꠙꠕꠦ ꠃꠙꠣꠞ꠆ꠎꠤꠔ ꠗꠘ ꠇꠥꠙꠕꠦ ꠘꠢ꠆ꠐ ꠅꠄ ⁕
ꠙꠤꠙꠤꠟꠤꠇꠣꠞ ꠙꠣꠈꠣ ꠉꠎꠣꠄ ꠝꠞꠤꠛꠣꠞ ꠔꠞꠦ ꠗ꠆ꠛꠢꠦꠞ ꠀꠉꠦ ꠅꠘꠦꠇꠦꠞ ꠛꠣꠋꠠ ꠛꠣꠋꠠꠦ ⁕
ꠙꠦꠐꠦ ꠈꠦꠟꠣ ꠙꠤꠑꠦ ꠅꠄ ꠟꠣꠜꠦꠞ ꠀꠢꠣꠄ ꠖꠥঃꠈꠇꠢ꠆ꠐ ꠢꠢ꠆ꠎ ꠇꠞꠣ ⁕

edit

ꠚꠦꠟꠧ ꠇꠋꠠꠤ ꠝꠣꠈ ꠔꠦꠟ
ꠚꠥꠟꠦꠞ ꠊꠣꠄꠦ ꠝꠞ꠆ꠍꠣ ꠎꠣꠅꠀ ꠅꠟ꠆ꠙ ꠙꠞꠤꠢ꠆ꠞꠝꠦꠁ ꠇ꠆ꠟꠣꠘ꠆ꠔ ꠢꠅꠀ ⁕

edit

ꠛꠎ꠆ꠞ ꠀꠐꠥꠘꠤ ꠚꠢ꠆ꠇꠣ ꠉꠦꠞꠧ ꠍꠧꠐꠈꠣꠐ ꠛ꠆ꠎꠣꠙꠣꠞꠦ ꠘꠤꠄꠝꠦꠞ ꠛꠣꠋꠠꠣꠛꠣꠋꠠꠤ ꠇꠤꠘ꠆ꠔꠥ ꠛꠋꠠ ꠛꠤꠅꠄꠦ ꠃꠖꠣꠢꠤꠘ ⁕
ꠛꠣꠖꠞꠦꠞ/ ꠛꠣꠘꠞꠦꠞ ꠉꠟꠣꠄ ꠝꠥꠇ꠆ꠔꠣꠞ ꠝꠣꠟꠣ ꠎꠦ ꠜꠣꠟꠣ ꠎꠤꠘꠤꠢꠦꠞ ꠇꠖꠞ ꠀꠞꠘꠣꠄ ꠖꠣꠝ ꠛꠧꠏꠦ ꠘꠣ ꠔꠣꠇꠦ ꠜꠣꠟꠣ ꠀꠞꠘꠣꠄ ꠖꠣꠝꠤ ꠎꠤꠘꠤꠢ ꠖꠦꠅꠀ ⁕
ꠛꠣꠝꠘ ꠅꠄꠦ ꠌꠣꠖꠦ ꠢꠣꠔ ꠅꠔꠤ ꠍꠧꠐ ꠎꠘꠞ ꠛꠋꠠ ꠀꠇꠣꠋꠠꠣ ⁕
ꠛꠣꠝꠥꠘ ꠉꠦꠟ ꠊꠞ ꠔꠧ ꠟꠣꠋꠟ ꠔꠥꠟꠦ ꠗꠞ ꠃꠙꠎꠥꠇ꠆ꠔ ꠔꠖꠣꠞꠇꠤꠞ ꠅꠜꠣꠛꠦ ꠘꠤꠎꠥꠇ꠆ꠔ ꠇꠞ꠆ꠝꠤꠖꠦꠞ ꠇꠣꠝꠦ ꠅꠛꠢꠦꠟꠣ ꠇꠞꠣ ⁕
ꠛꠤꠘꠣ ꠝꠦꠊꠦ ꠛꠎ꠆ꠞꠙꠣꠔ ꠢꠑꠣৎ ꠛꠤꠙꠖ ꠃꠙꠢ꠆ꠕꠤꠔ ⁕
ꠛꠤꠢ ꠘꠣꠁ ꠇꠥꠟꠧꠙꠘꠣ ꠌꠇ꠆ꠇꠞ ꠇ꠆ꠢꠝꠔꠣꠢꠤꠘ ꠎꠘꠞ ꠝꠂꠈꠤꠇ ꠀꠢ꠆ꠚꠣꠟꠘ ⁕
ꠛꠥꠖ꠆ꠗꠤ ꠎꠣꠞ ꠛꠟ ꠔꠣꠞ ꠎꠣꠞ ꠛꠥꠖ꠆ꠗꠤ ꠀꠍꠦ ꠔꠣꠞ ꠢꠇ꠆ꠔꠤꠅ ꠀꠍꠦ ⁕
ꠛꠥꠖ꠆ꠗꠤ ꠎꠣꠞ ꠎꠢ ꠔꠣꠞ ꠉꠣꠄꠦꠞ ꠎꠧꠞꠦꠞ ꠌꠦꠄ꠆ꠛ ꠝꠦꠗꠣꠞ ꠎꠧꠞ ꠛꠟꠣꠘ ⁕
ꠛꠥꠋꠠꠧ ꠢꠣꠟꠤꠇꠦꠞ ꠊꠣꠋꠠꠦ ꠞꠧ ꠛꠞ꠆ꠖ꠆ꠗ ꠎꠘꠞ ꠃꠘ꠆ꠝꠣꠖꠘꠣ ⁕
ꠛꠦꠌꠦ ꠕꠣꠇꠟꠦ ꠛꠣꠙꠦꠞ ꠘꠣꠝ ꠘꠤꠎꠦꠇꠦ ꠛꠣꠌꠣꠘꠧꠁ ꠀꠉꠦ ꠖꠞꠇꠣꠞ ꠨ ꠔꠣꠞꠙꠞ ꠅꠛ꠆ꠎ ꠇꠕꠣ ⁕
ꠛꠦꠟ ꠙꠣꠇꠟꠦ ꠇꠣꠇꠦꠞ ꠇꠤ ꠃꠙꠜꠧꠉ ꠇꠞꠔꠦ ꠅꠇ꠆ꠢꠝ ꠎꠘꠞ ꠙꠇ꠆ꠢꠦ ꠃৎꠇꠞ꠆ꠢ꠆ꠐ ꠛꠢ꠆ꠔꠥꠞ ꠙ꠆ꠞꠔꠤ ꠟꠧꠜ ꠇꠞꠣ ꠘꠤꠢ꠆ꠚꠟ ⁕
ꠛꠧꠏꠣꠞ ꠅꠙꠞ ꠢꠣꠇꠦꠞ ꠀꠐꠤ ꠅꠘꠦꠇ ꠛꠧꠏꠣꠞ ꠃꠙꠞ ꠀꠞꠅ ꠇꠤꠍꠥ ꠌꠣꠙꠣꠘꠧ ⁕
ꠛꠤꠋꠠꠣꠟ ꠛꠟꠦ ꠝꠣꠍ ꠈꠣꠛꠧ ꠘꠣ ꠄꠝꠘ ꠝꠤꠕ꠆ꠎꠣ ꠎꠣ ꠝꠦꠘꠦ ꠘꠦꠅꠀ ꠎꠣꠄ ꠘꠣ

edit

ꠜꠣꠋꠛꠦ ꠔꠛꠥ ꠝꠌꠇꠣꠛꠦ ꠘꠣ ꠝꠘꠦꠞ ꠎꠧꠞ ꠕꠣꠇꠟꠦ ꠢꠋꠇꠟ꠆ꠙ ꠐꠟꠦ ꠘꠣ ⁕
ꠜꠤꠇ꠆ꠢꠣꠞ ꠌꠣꠟ ꠇꠣꠋꠠꠣ ꠀꠞ ꠀꠇꠣꠋꠠꠣ ꠛꠤꠘꠣꠝꠟ꠆ꠎꠦ ꠎꠣ ꠙꠣꠅꠀ ꠎꠣꠄ ꠔꠣꠔꠦꠁ ꠟꠣꠜ ⁕
ꠜꠤꠝꠞꠥꠟꠦꠞ ꠌꠣꠇꠦ ꠈꠧꠌꠣ ꠖꠦꠅꠀ ꠙ꠆ꠞꠔꠤꠢꠧꠗꠙꠞꠣꠄꠘ ꠎꠘꠝꠘ꠆ꠒꠟꠤꠇꠦ ꠃꠔ꠆ꠔꠦꠎꠤꠔ ꠇꠞꠣ ⁕
ꠜꠔꠦꠞ ꠝꠥꠈꠦ ꠞꠣꠝꠘꠣꠝ ꠢ꠆ꠛꠜꠣꠛ ꠛꠤꠞꠥꠖ꠆ꠗ ꠇꠕꠣ ꠀꠞꠘꠣꠄ ꠛꠣꠇ꠆ꠎ ꠨ ꠅꠢꠝ꠆ꠜꠛ ꠛ꠆ꠎꠣꠙꠣꠞ ⁕
ꠜꠦꠋꠠꠣꠞ ꠉꠧꠀꠟꠦ ꠀꠉꠥꠘ ꠟꠣꠉꠣ ꠛꠤꠙꠖꠦ ꠙ꠆ꠞꠔꠤꠇꠣꠞꠦꠞ ꠌꠦꠢ꠆ꠐꠣ ꠘꠦꠁ ꠅꠕꠌ ꠇꠧꠟꠣꠢꠟ ꠇꠞꠣ ꠢꠌ꠆ꠍꠦ ⁕

edit

ꠝꠞꠣ ꠀꠔ꠆ꠔꠤ ꠟꠣꠈ ꠐꠣꠇꠣ ꠢꠇ꠆ꠔꠤꠝꠣꠘꠖꠦꠞ ꠙꠔꠘ ꠊꠐꠟꠦꠅ ꠔꠣꠖꠦꠞ ꠎꠘꠔ꠆ꠛ ꠝꠞ꠆ꠎꠣꠖꠣ ꠛꠢꠘ ꠇꠞꠦ ⁕
ꠝꠢꠣ ꠝꠣꠞꠔꠦ ꠇꠣꠝꠣꠘ ꠖꠣꠞ ⁕ ꠢꠣꠝꠣꠘ꠆ꠎ ꠇꠣꠝꠦ ꠛꠋꠠ ꠀꠄꠧꠎꠘ ⁕
ꠝꠣꠍꠦꠞ ꠔꠦꠟꠦ ꠝꠣꠍ ꠜꠣꠎꠣ ꠘꠤꠎꠦ ꠈꠞꠌꠙꠔ꠆ꠞ ꠘꠣ ꠇꠞꠦ ꠅꠘ꠆ꠎꠦꠞ ꠃꠙꠞ ꠖꠤ ꠢ꠆ꠛꠣꠞ꠆ꠕꠞꠇ꠆ꠢꠣ ꠇꠞꠣ ⁕
ꠝꠣꠍꠦꠞ ꠝꠣꠄꠦꠞ ꠙꠥꠔ꠆ꠞꠢꠧꠇ ꠝꠣꠍ ꠔꠣꠞ ꠛꠣꠌ꠆ꠌꠣ ꠈꠦꠄꠦ ꠚꠦꠟꠦ ꠨ ꠢꠦꠇ꠆ꠢꠦꠔ꠆ꠞꠦ ꠔꠣꠞ ꠙꠥꠔ꠆ꠞꠢꠧꠇ ꠅꠢ꠆ꠛꠣꠜꠣꠛꠤꠇ ⁕
ꠝꠧꠟ꠆ꠟꠣꠞ ꠖꠂꠋꠠ ꠝꠅꠄꠤꠖ ꠙꠞ꠆ꠎꠘ꠆ꠔ ꠢꠤꠝꠤꠔ ꠙꠞꠤꠗꠤꠞ ꠝꠗ꠆ꠎꠦ ꠛꠤꠌꠞꠘꠢꠤꠟ ꠝꠣꠘꠥꠢ ⁕

edit

ꠞꠕ ꠖꠦꠈꠣ ꠇꠟꠣ ꠛꠦꠌꠣ ꠄꠇꠢꠣꠕꠦ ꠖꠥꠉꠥ ꠇꠣꠝ ꠇꠞꠣ ⁕
ꠞꠣꠈꠦ ꠀꠟ꠆ꠟꠣꠢ/ ꠢꠞꠤ ꠔꠧ ꠝꠣꠞꠦ ꠇꠦ ꠜꠣꠉ꠆ꠎ ꠢꠥꠙ꠆ꠞꠢꠘ꠆ꠘ ꠅꠁꠟꠦ ꠇꠦꠃ ꠗ꠆ꠛꠢ ꠇꠞꠔꠦ ꠙꠣꠞꠦ ꠘꠣ ⁕

edit

ꠟꠣꠉꠦ ꠐꠣꠇꠣ ꠖꠤꠛꠧ ꠉꠂꠞꠤꠢꠦꠘ ꠌꠣꠢꠤꠛꠣꠝꠣꠔ꠆ꠞ ꠎꠣꠞ ꠉꠦꠍꠦ ꠐꠣꠇꠣ ꠙꠣꠅꠀ ꠎꠣꠄ ꠔꠣꠞ ꠢꠝ꠆ꠙꠞ꠆ꠇꠦ ꠛꠟꠣ ⁕
ꠟꠣꠕꠤꠞ ꠓꠦꠇꠤ ꠌꠋꠠꠦ ꠅꠑꠦ ꠘꠣ ꠙꠖꠣꠊꠣꠔꠦꠞ ꠎꠧꠉ꠆ꠎ ꠎꠘ ꠌꠋꠠ ꠈꠦꠄꠦꠅ ꠇꠣꠝ ꠇꠞꠦ ꠘꠣ ꠀꠞꠘꠣꠄ ꠟꠊꠥ ꠢꠣꠢꠘ ꠝꠣꠘꠦ ꠘꠣ ⁕
ꠟꠦꠛꠥ ꠛꠟꠣꠘ ꠇꠌꠟꠣꠟꠦ ꠔꠦꠔꠧ ꠅꠄ ꠇꠧꠘꠧ ꠇꠣꠞ꠆ꠎꠧꠖ꠆ꠗꠣꠞꠦꠞ ꠎꠘ꠆ꠎ ꠛꠣꠞꠋꠛꠣꠞ ꠅꠘꠥꠞꠧꠗ ꠇꠞꠟꠦ ꠛꠤꠞꠇ꠆ꠔꠤ ꠢꠞ꠆ꠢ꠆ꠐꠤ ꠇꠞꠣ ꠅꠄ ⁕
ꠟꠧꠜꠦ ꠙꠣꠙ ꠨ ꠙꠣꠙꠦ ꠝꠞ꠆ꠔ꠆ꠎꠥ ꠛꠟꠣꠘ ꠟꠧꠜ ꠇꠞꠟꠦ ꠙꠣꠙ ꠅꠄ ꠀꠞ ꠙꠣꠙ ꠇꠞꠟꠦ ꠗ꠆ꠛꠢ ꠅꠘꠤꠛꠣꠞ꠆ꠎ ⁕
ꠟꠧꠝ ꠛꠣꠍꠔꠦ ꠇꠝ꠆ꠛꠟ ꠃꠎꠣꠋꠠ ꠜꠣꠟꠣ ꠇꠤꠍꠥ ꠘꠤꠞ꠆ꠛꠣꠌꠘ ꠇꠞꠣ ꠇꠑꠤꠘ ⁕

edit

ꠢꠇ꠆ꠔꠞ ꠜꠇ꠆ꠔ ꠘꠞꠝꠞ ꠎꠝ ꠢꠇ꠆ꠔꠤꠝꠣꠘ ꠟꠧꠇꠦꠞ ꠉꠦꠍꠦ ꠛꠤꠘꠤꠔ ꠅ ꠛꠣꠗ꠆ꠎ ꠕꠣꠇꠦ ꠀꠞ ꠖꠥꠞ꠆ꠛꠟꠦꠞ ꠅꠙꠞ ꠅꠔ꠆ꠎꠣꠌꠣꠞ ꠇꠞꠦ ꠄꠝꠘ ⁕
ꠢꠘꠤꠞ ꠃꠢꠣ ꠝꠋꠉꠟꠞ ꠢꠦꠡ ꠨ ꠎꠣꠁꠅ ꠘꠣ ꠜꠣꠛꠤ ꠨ ꠛꠣꠚꠞ ꠛꠣꠠꠤꠞ ꠖꠦꠢ ⁕
ꠢꠣꠇ ꠖꠤ ꠝꠣꠍ ꠓꠣꠇꠣ ꠎꠊꠘ꠆ꠎ ꠅꠙꠞꠣꠗ ꠉꠧꠙꠘꠦꠞ ꠢꠣꠢ꠆ꠎꠇꠞ ꠌꠦꠢ꠆ꠐꠣ ꠇꠞꠣ ⁕
ꠢꠥꠋꠠꠤꠞ ꠢꠣꠇ꠆ꠢꠤ ꠝꠣꠔꠣꠟ ꠖꠥꠢ꠆ꠐꠦꠞ ꠢꠢꠣꠄꠇ ꠖꠥꠢ꠆ꠐ ꠟꠧꠇ ⁕
ꠢꠥꠐꠇꠤꠞ ꠘꠣꠅꠄꠦꠞ (ꠘꠂꠇꠣꠞ) ꠛꠤꠟꠣꠁ (ꠛꠤꠋꠠꠣꠟ) ꠌꠂꠇꠤꠖꠣꠞ
ꠢꠥꠜꠋꠇꠞꠦꠞ ꠚꠣꠇꠤ ꠀꠢꠟ ꠇꠕꠣ ꠉꠧꠙꠘ ꠟꠦꠈꠤ ꠍꠟꠘꠣ ꠇꠞꠣ
ꠢꠦꠡ ꠜꠣꠟꠣ ꠎꠣꠞ ꠨ꠢꠇꠟ꠆ꠔꠣ ꠜꠣꠟꠣ ꠔꠣꠞ ꠢꠇꠟ꠆ꠔꠣ ꠈꠣꠞꠣꠙ ꠅꠄꠦꠅ ꠎꠣꠞ ꠢꠦꠡ ꠜꠣꠟꠣ ꠢꠦꠁ ꠢꠚꠟ ꠢꠟꠧ

edit

ꠢꠞ꠆ꠛꠣꠋ꠆ꠉꠦ ꠛ꠆ꠎꠕꠣ ꠅꠢꠗ ꠖꠤꠝꠥ ꠇꠧꠕꠣ? ꠢꠞ꠆ꠛꠔ꠆ꠞ ꠉꠟꠖ ꠕꠣꠇꠟꠦ ꠖꠞ ꠇꠞꠣ ꠎꠣꠄ ꠘꠣ ⁕
ꠢꠢ꠆ꠔꠣꠞ ꠔꠤꠘ ꠅꠛꠢ꠆ꠕꠣ ꠅꠟ꠆ꠙꠝꠟ꠆ꠎꠦꠞ ꠎꠤꠘꠤꠢ ꠈꠣꠞꠣꠙ ꠅꠄ ⁕
ꠢꠣꠙꠦꠞ ꠙꠣꠌ ꠙꠣ ꠖꠦꠈꠣ ꠅꠢꠋ꠆ꠇꠣꠞꠦ ꠢ꠆ꠚꠤꠔ ꠅꠄꠦ ꠅꠑꠣ ⁕
ꠢꠣꠙꠦꠞ ꠢꠣꠌꠤ ꠛꠦꠖꠦꠄ ꠌꠦꠘꠦ ꠙ꠆ꠞꠇꠞ꠆ꠔ ꠌꠞꠤꠔ꠆ꠞ ꠅꠜꠤꠉ꠆ꠉ ꠎꠘꠁ ꠛꠥꠏꠔꠦ ꠙꠣꠞꠦ ⁕
ꠢꠥꠈꠦ ꠕꠣꠇꠔꠦ ꠜꠔꠦ ꠇꠤꠟꠣꠄ ꠢꠥꠈꠦꠞ ꠝꠞ꠆ꠎꠣꠖꠣ ꠘꠣ ꠛꠥꠏꠦ ꠢ꠆ꠛꠦꠌ꠆ꠍꠣꠄ ꠖꠥঃꠈ ꠛꠞꠘ ꠇꠞꠣ ⁕

edit

ꠢꠥꠐꠇꠤꠞ ꠝꠐꠇꠤꠔ ꠛꠤꠟꠣꠁ ꠍꠇꠤꠖꠣꠞ
ꠢꠣꠐꠦ ꠢꠣꠋꠠꠤ ꠜꠣꠋꠣ ꠉꠧꠙꠘ ꠇꠕꠣ ꠚꠣꠢ ꠇꠞꠦ ꠖꠦꠅꠀ ⁕
ꠢꠣꠔ ꠏꠣꠋꠠꠣ ꠖꠤꠟꠦ ꠙꠞ꠆ꠛꠔ ꠗꠘꠣꠓ꠆ꠎ ꠎꠘꠞ ꠗꠘꠣꠗꠤꠇ꠆ꠎꠦꠞ ꠘꠤꠖꠞ꠆ꠢꠘ ⁕
ꠢꠣꠔ ꠖꠤ ꠀꠔ꠆ꠔꠤ ꠑꠦꠟꠣ ꠅꠢꠝ꠆ꠜꠛ ꠛ꠆ꠎꠣꠙꠣꠞꠇꠦ ꠢꠝ꠆ꠜꠛ ꠇꠞꠣꠞ ꠌꠦꠢ꠆ꠐꠣ ꠇꠞꠣ ⁕
ꠀꠔ꠆ꠔꠤ ꠊꠧꠋꠠꠣ ꠉꠦꠟ ꠔꠟ ꠨ ꠝꠢꠣ ꠛꠟꠦ ꠇꠔ ꠎꠟ ꠛꠤꠉ꠆ꠉꠞꠣ ꠎꠦꠈꠣꠘꠦ ꠛ꠆ꠎꠞ꠆ꠕ ꠢꠦꠈꠣꠘꠦ ꠘꠤꠞ꠆ꠛꠧꠗꠦꠞ ꠘꠣꠇ ꠉꠟꠣꠘꠧ ⁕
ꠀꠔ꠆ꠔꠤꠞ ꠙꠣꠌ ꠙꠣ ꠖꠦꠈꠣ ꠅꠢꠋ꠆ꠇꠣꠞꠤ ꠎꠘꠞ ꠖꠣꠝ꠆ꠜꠤꠇ ꠀꠌꠞꠘ ⁕
ꠀꠔꠦ ꠘꠄ ꠜꠣꠔꠦ ꠝꠣꠞꠣ ꠙ꠆ꠞꠢꠣꠞ ꠘꠣ ꠇꠞꠦ ꠈꠣꠟꠤ ꠃꠙꠛꠣꠢꠤ ꠟꠦꠈꠤ ꠖꠥꠞ꠆ꠛꠟ ꠇꠞꠣ ⁕
ꠀꠔꠦ ꠙꠣꠎꠤ ꠝꠋ꠆ꠉꠟꠛꠣꠞ ꠢꠣꠕꠦ ꠢꠣꠕꠦ ꠙ꠆ꠞꠝꠣꠘ ⁕
ꠀꠔꠦꠞꠅ ꠂꠎꠣꠁꠛꠧ ꠙꠣꠔꠦꠞꠅ ꠂꠎꠣꠁꠛꠧ ꠄꠇꠟ ꠅꠇꠟ ꠃꠜꠄ ꠇꠟ ꠢꠣꠞꠣꠘꠧ ⁕
ꠢꠣꠄꠞꠦ ꠀꠝꠋꠠꠣ ꠈꠣꠟꠤ ꠀꠐꠤ ꠀꠞ ꠌꠣꠝꠋꠠꠣ ꠛꠣꠁꠞꠣ ꠌꠣꠇꠌꠤꠇ꠆ꠎ ꠛꠤꠔ꠆ꠞꠦ ꠢꠘ꠆ꠎꠔꠣ ⁕

ꠕꠥꠇꠣꠘꠤ edit

                   

  This is an open test wiki of the Wikimedia Incubator. You can search for other projects in Sylheti language: Sylheti Wikipedia · Sylheti Wiktionary · Sylheti Wikibooks · Sylheti Wikinews · Sylheti Wikiquote · Sylheti Wikivoyage · Sylheti Wikisource · Sylheti Wikiversity