ꠇꠥꠁꠀꠞ (ꠁꠋꠟꠤꠡ: Sugarcane) (ꠛꠂꠉꠉꠣꠘꠤꠇ ꠘꠣꠝ Saccharum officinarum) ꠅꠁꠟ ꠙꠥꠀꠍꠤ ꠚꠞꠤꠛꠣꠞꠞ ꠄꠈꠎꠣꠔ ꠚꠥꠟꠀꠟꠣ ꠉꠣꠍ⁕ ꠇꠥꠁꠀꠞ ꠡꠞꠣꠡꠞꠤ ꠈꠣꠅꠀ ꠅꠄ ꠀꠛꠣꠞ ꠁꠇꠐꠣꠞ ꠞꠡꠖꠤ ꠍꠤꠘꠤ ꠀꠞ ꠉꠥꠠꠅ ꠛꠣꠘꠣꠘꠤ ꠅꠄ⁕ ꠇꠥꠁꠀꠞ ꠅꠁꠟ ꠛꠣꠡ ꠀꠞ ꠊꠣꠡꠞ ꠎꠣꠔꠜꠣꠁ⁕ ꠛꠣꠋꠟꠣꠖꠦꠡ ꠄꠈꠎꠣꠔꠞ ꠃ ꠇꠥꠁꠀꠞ ꠚꠟꠣꠘꠤ ꠅꠄ⁕
ꠚꠟꠣꠘꠤ edit
ꠇꠥꠁꠀꠞꠞ ꠒꠣꠟꠞ ꠄꠈ ꠐꠥꠇꠞꠣꠞ ꠖꠥꠁ-ꠔꠤꠘ ꠉꠣꠟꠣ ꠝꠣꠐꠤꠔ ꠉꠣꠔꠤꠀ ꠇꠥꠁꠀꠞ ꠚꠟꠣꠘꠤ ꠅꠄ⁕ ꠅꠁꠟꠦ ꠄꠛꠟꠣ ꠛꠂꠉꠉꠣꠘꠤꠇ ꠔꠞꠤꠇꠣꠄ ꠉꠛꠦꠡꠘꠣꠉꠣꠞ ꠐꠤꠡꠥ ꠇꠣꠟꠌꠣꠞ ꠈꠞꠤꠀꠅ ꠇꠥꠁꠀꠞ ꠚꠟꠣꠘꠤ ꠅꠄ⁕
ꠛꠣꠋꠟꠣꠖꠦꠡ ꠇꠥꠁꠀꠞꠞ ꠚꠟꠘ edit
ꠛꠣꠋꠟꠣꠖꠦꠡ ꠉꠠꠦ ꠚꠔꠤ ꠛꠍꠞ ০.৪৩ ꠝꠤꠟꠤꠅꠘ ꠄꠈꠞ ꠎꠝꠤꠘ ৭.৩ ꠝꠤꠟꠤꠅꠘ ꠝꠦ.ꠐꠘ ꠇꠥꠁꠀꠞ ꠚꠟꠣꠘꠤ ꠅꠄ⁕ ꠖꠦꠡꠞ ১৫ꠐꠣ ꠍꠤꠘꠤ ꠚꠦꠇ꠆ꠐꠞꠤꠔ ꠛꠍꠞ ꠉꠠꠦ ১.৫-১.৯৯ ꠟꠣꠈ ꠝꠦ. ꠐꠘ ꠍꠤꠘꠤ ꠛꠣꠘꠣꠘꠤ ꠅꠄ, ꠛꠣꠖꠛꠣꠇꠤ ꠉꠥꠠ ꠛꠣꠘꠣꠘꠤ ꠀꠞ ꠈꠣꠅꠀ ꠅꠄ⁕ ꠛꠣꠋꠟꠣꠖꠦꠡ ꠍꠤꠘꠤ ꠀꠞ ꠈꠣꠘꠤ ꠡꠤꠟ꠆ꠙ ꠇꠞ꠆ꠙꠥꠞꠦꠡꠘ BSFIC ꠘꠣꠝꠞ ꠙ꠆ꠞꠔꠤꠡ꠆ꠑꠣꠘ ꠍꠤꠘꠤ ꠡꠤꠟ꠆ꠙ ꠇꠘ꠆ꠐ꠆ꠞꠟ ꠈꠞꠦ⁕
ꠛꠦꠡꠞꠈꠣꠞꠤꠜꠣꠛꠦ ২০০৭-ꠅ ꠀꠞ ৩ꠐꠣ ꠇꠝ꠆ꠙꠣꠘꠤ ꠍꠤꠘꠤ ꠛꠣꠘꠣꠁꠀ ꠀꠞ, ꠁꠔꠣꠞ ꠝꠣꠏꠦ ꠝꠦꠊꠘꠣ ꠉ꠆ꠞꠥꠙꠞ ꠛꠍꠞꠤ ꠃৎꠙꠣꠖꠘ ꠈꠝꠔꠣ ৬ ꠟꠣꠈ ꠝꠦ. ꠐꠘ ꠈꠅꠀ ꠅꠄ⁕ ꠛꠣꠋꠟꠣꠖꠦꠡꠞ ꠛꠍꠞꠤ ꠍꠤꠘꠤꠞ ꠍꠣꠁꠖꠣ ১০-১২ ꠟꠣꠈ ꠝꠦ. ꠐꠘ ꠎꠣꠞ ১.৫ ꠟꠣꠈ ꠐꠘ ꠖꠦꠡ ꠚꠟꠣꠁꠟ ꠅꠄ, ꠛꠣꠖꠛꠣꠇꠤ ꠀꠝꠖꠣꠘꠤ ꠈꠞꠣ ꠅꠄ⁕
