ꠜꠖ꠆ꠞꠔꠣ ꠃꠁꠇꠤꠙꠤꠒꠤꠀꠞ ꠄꠈꠐꠣ ꠚꠗꠣꠘ ꠝꠥꠟꠘꠤꠔꠤ⁕ ꠈꠡꠐ ꠈꠞꠤ ꠁꠘ ꠟꠦꠈꠣꠞ ꠡꠝꠄ ꠜꠖ꠆ꠞꠔꠣ ꠖꠦꠈꠣꠁꠛꠣ⁕ ꠁꠘ ꠟꠦꠈꠣꠞ ꠡꠝꠄ ꠀꠞꠎꠘꠞ ꠟꠦꠈꠣꠞ ꠟꠉꠦ ꠝꠔꠚꠣꠞꠕꠂꠇ꠆ꠇ ꠅꠁꠔꠃ ꠚꠣꠞꠦ⁕ ꠄꠞꠖꠣꠄ ꠅꠜꠖ꠆ꠞ ꠀꠍꠞꠘ ꠈꠞꠣ ꠝꠥꠐꠦꠅ ꠃꠍꠤꠔ ꠘꠣꠄ⁕ ꠜꠖ꠆ꠞꠔꠣ ꠀꠖꠛꠈꠣꠄꠖꠣꠞ ꠄꠉꠥ ꠅꠋꠡ ꠀꠞ ꠃꠁꠇꠤꠙꠤꠒꠤꠀꠞ ꠚꠣꠍꠐꠥꠝꠣꠞ ꠄꠈꠐꠣ⁕ ꠜꠖ꠆ꠞꠔꠣꠘꠤꠔꠤ ꠢꠈꠟꠞ ꠟꠣꠉꠤ ꠔꠥꠠꠣ ꠘꠤꠅꠝ ꠎꠦꠔꠣ ꠝꠣꠘꠤꠀ ꠃꠁꠇꠤꠙꠤꠒꠤꠀꠞ ꠟꠦꠈ꠆ꠞꠣꠁꠘ꠆ꠔꠦ ꠄꠈꠦ ꠅꠁꠘ꠆ꠘꠞ ꠟꠉꠦ ꠎꠥꠉꠣꠎꠥꠉ ꠈꠞꠂꠘ⁕ ꠟꠦꠈ꠆ꠞꠣꠁꠘ꠆ꠔꠦ ꠄꠈꠦ ꠅꠁꠘ꠆ꠘꠞꠦ ꠡꠝ꠆ꠝꠣꠘ ꠈꠞꠣ ꠃꠍꠤꠔ⁕ ꠁ ꠚꠣꠔꠣꠔ ꠛꠦꠛꠀꠞꠈꠣꠞꠤꠘ꠆ꠔꠦ ꠄꠈꠦ ꠅꠁꠘ꠆ꠘꠞ ꠟꠉꠦ ꠇꠤꠟꠣꠘ ꠍꠟꠣ ꠃꠍꠤꠔ ꠀꠞ ꠇꠤꠟꠣꠘ ꠇꠥꠘꠥ ꠡꠝꠁꠡ꠆ꠡꠣ ꠅꠁꠟꠦ ꠁꠔꠣ ꠟꠂꠀ ꠈꠣꠝ ꠈꠞꠣ ꠃꠍꠤꠔ ꠔꠣꠞ ꠛꠞ꠆ꠘꠘꠣ ꠀꠍꠦ⁕ ꠁꠔꠣ ꠃꠁꠇꠤꠙꠤꠒꠤꠀꠞ ꠢꠈꠟ ꠚꠣꠔꠣꠞ ꠟꠣꠉꠤ ꠢꠝꠣꠘ ꠚꠎꠥꠎ꠆ꠎ, ꠎꠦꠟꠣꠘ- ꠎꠦꠍꠣ ꠟꠦꠈꠣꠞ ꠀꠟꠣꠚ ꠘꠣꠄ ꠛꠦꠛꠀꠞꠈꠣꠞꠤ ꠚꠣꠔꠣꠔ⁕
ꠅꠜꠖ꠆ꠞꠔꠣ edit
ꠅꠜꠖ꠆ꠞ ꠀꠍꠞꠘꠞ ꠝꠣꠏꠦ ꠀꠍꠦ ꠛꠦꠇ꠆ꠔꠤꠉꠔ ꠀꠇ꠆ꠞꠝꠘ, ꠞꠥꠐꠣꠈꠣꠐꠣ ꠀꠍꠞꠘ ꠀꠞ ꠀꠉ꠆ꠞꠣꠡꠤ ꠜꠣꠛ ꠎꠤꠔꠣꠄ ꠝꠣꠁꠞ ꠟꠣꠉꠣꠁꠖꠦꠄ ꠀꠞ ꠈꠣꠝꠅ ꠛꠦꠞꠣꠍꠦꠞꠣ ꠊꠐꠣꠄ⁕ ꠟꠦꠈꠞꠣꠁꠘꠅ ꠝꠣꠘꠥꠡ, ꠄꠞꠖꠣꠄ ꠁꠎꠣꠔ ꠍꠥꠐꠈꠣꠐ ꠊꠐꠘꠣ ꠢꠤꠟꠣꠘ ꠉꠥꠞꠥꠔ꠆ꠔꠚꠥꠞ꠆ꠘ ꠘꠣꠄ, ꠔꠄ ꠝꠣꠔ꠆ꠞꠣ ꠍꠣꠠꠣꠁꠀ ꠉꠦꠟꠦ ꠃꠁꠇꠤꠙꠤꠒꠤꠀ ꠔꠘꠦ ꠛꠣꠞ ꠈꠞꠤ ꠖꠦꠅꠀ ꠅꠄ⁕ ꠈꠣꠛꠤꠍꠞ ꠟꠣꠈꠣꠘ ꠅꠁꠘ꠆ꠘ ꠟꠦꠈꠞꠣꠁꠘꠞꠦ ꠉꠣꠟꠣꠉꠣꠟꠤ ꠛꠣ ꠢꠥꠝꠇꠤ ꠖꠦꠅꠀꠞ ꠝꠔ ꠊꠐꠘꠣ ꠊꠐꠟꠦ ꠀꠘꠣ ꠢꠥꠡꠤꠀꠞꠤꠄ ꠎꠦꠍꠣꠞꠦ ꠛꠣꠞ ꠈꠞꠤ ꠖꠦꠅꠀ ꠅꠁꠔ ꠚꠣꠞꠦ⁕