hliangahlahlana takiiarʉ edit
貝神典故 edit
sikilalialiatakiarʉnaia ihlaisa puataisaisanaka hla’alua, umaru aucaucanitahlana kiariari caihlicaihli kurarau.
pakituruhlipimia ahlaama kiariari, cucutahlanata hlimiaʉlʉsʉami kavurua , marun hlasʉnga uruamitana tahliaria, marapihli kupamatumuhlua aruamiaisa , hla siparahlupuhlu pu, sapatingahlangahla usuacaihli kiangahlʉ mitungusu , kani’i marapihli marahlupuka vungʉka ta hlana, caihlicaihlicu kurarau, sikiami aari utuluvulahlʉ ucaniaari.
amihla ahlamakiariari, hla’alua hlimaru uruamitana tahliaria, hlimiaʉlʉsʉ kavurua tamuucu miavavacangʉ miʉlʉsʉ kavurua , pilaihlausua takiarʉ mara’u’umaka tahlana hla’alua, miacikirika hla’alua takuliacʉka tʉkʉkavurua umalacu anaʉaisa takiarʉna uvurahla’alua, umarihlahlapʉtʉ ahlama hla’alua tumuatakiarʉna pakikiacumu miunguariari, takiarʉna aupaupangʉisa raahli , alʉisa mikuakapua parupaica hla cahlumani ’ilikususalia, apahlapaʉisami marutaʉvʉkumita, uka’amirumaisana maciami aunanaia musamipuaili hlasʉnga.
takiarʉna laihlausua rianʉpingahla, pavasu, pamahlatʉra, paumalapapa’a, paumala aanʉ, hlalangʉ’ihlicu, patama’iarʉ, pamavahlaʉvaʉ, kupamasavaʉ, paumalangahla , pamaiatuhluhlu , papacʉcʉpʉngʉ , sipakinivaratʉ hla usahlʉ.
sitakuapalisia miatungusu, hliupanga akilikililumikucu, mamaini paiatuhluhlu kuapua ruma tausuarauvua , tumuamahlʉmʉa hlʉngasʉ ahlikia ’ʉrʉ’ʉrʉcʉ, mutuaili ahla mucapi palisia , macimitungusu tumuakia miahlivihlivi mʉmʉa tumalʉlʉvʉ hla maci arisa kurararauia kukiatuvarʉ’ʉ , auvutukuhlu palisiamʉmʉa.