Wp/sxr/Hla’alua

< Wp‎ | sxr
Wp > sxr > Hla’alua

Hla’alua edit

拉阿魯哇 edit

hliparana ahlamahlamu hla’alua ia mauruamitana tahliaria hlasʉnga.

hliparana ahlamahlamu hla’alua ia mauruamitana tahliaria hlasʉnga, akuisana marapihli arauhlusu rumahlaʉ, mu upatʉtahlana paiciana vilanganʉ hlihlala talicia, macukataliciaia rahluacu micikiri miararuma, kucupaitatʉahlʉka muvavilihlisa, pakituruhlipimia hlamamaia, macukatalicia ia kanakavuami, hlikiʉlʉsʉami ahlamata, angahli hlasʉnga mutahluvaticu tararahluvuna, rahluua pautukarahla ihlaisatakacicihli, takuami paraiahlʉka karata, kuhlaisai musacu puaili arauhlusu, ta hlanaisa hlamasia.

macuka hla’alua ma na’ʉvʉananaia hliangahli, vilanganʉ arauhlusu hlamasiaka, mʉlʉvʉ u sumanʉisa sumukuhlu mara na’ʉvʉanacu hla mavacangʉkai, makitʉlʉrʉka tʉkʉisa kuasapu hla’a luakumii, kani’i tahlanahlamu kucuicalivi, upatʉhlimiungu cucu’u, kani’i maruaru ucanisakʉrahlana kalʉvʉngana, nua rʉhlʉcʉ hla na’ʉvʉana hla’aluana, matarungahlʉ laihlaupitupihlingi, marapihli rahluacu miaʉlʉsʉ, cuculi kanana sumukuhlu hla pakisia’a, alukavavalʉ minisuacu aramuamuaricu aramaini, sumulukucupau mamainia, kucuarahlusuhlusuka palungungahla, pualangʉlangʉa sikilaliali, hla’aluanaia ihlaisakani’i ucani caihli, muangahlʉ miatungusuna, ihlaisapualangʉlangʉa cucu tahlanausumanʉ, takuapalisiaʉ sikilalialia.

kani’i sapitʉtʉracu caihlicaihli utuluvulahlʉ ucaniaari, kurarau kilaliali takiarʉna, maciki lalialiia musasua, maarun tausuarauvua tanguhla, hla tausuaraucua vilanganʉ kurarau miatungusu, marapihlicu kani’ia tahlana hla’aluana, tamkuatalakiahlʉ miavacavacangʉ, miaʉlʉsʉ marun kani ’i mavacangʉ sihlangʉna.