| ||||||||
Теләк пайрам (йә Шөкрәнә, Күк теләк) — йаҡшы теләкләр пайрам.
Үткәреү цаҡ: Әсәт айта.
Теләк пайрам Себертатар ҡалыҡ арата киң таратыулы пулған. Пайрам уртаҡ-төрөк ҡөрөп-ҡәтәтләргә тә йололарға цығаты. Теләк пайрам игенеү ҡуйғанта та йасҡы игеннәрнең цығып киләтегеннән суң пашланҡан. Аманлы әр йылғы төр пар пулған, тә ҡәлле ҡоролоҡ та пашҡа цылғыр цуна-тауыллар пулғанта. Ҡорманлыҡ ҡайуан — сыйырцыҡны йә үгесцәкне, аралы атны йә ҡуйны, әргемнән йыйылған аҡцаларға алынҡан. Пәстә ҡорманныҡ ҡайуанны ауылғы пайлар пиргәннәр.
Йолоно ауыл мәцет төптә, сыйарат төптә, йә йылға пуйта йә ауыл оцта үткәргәннәр. Ҡартлар ойоштороуцолар пулғаннар. Үсе ҡорманлыҡ суйыу йолоно ирләр үткәргәннәр, мөсөлман тыуалар уғыу мән аны пашлап.
Йоло тыныцлыҡ-иминнек, йаҡшы уңыш та исәннек-саулыҡ теләкләр мән өстәләнкән — теләк әйтеү. Оло пицәләр утмайата итне айҡасанларта цанағаннар, шурбаны йә онаш мән, йә көрөц мән салғаннар. Аларта пашта торған оло ҡөрмәтле ауылта пицә — әби, ҡарт пицә. Йыйылғаннар ауылның пөтөн теләйтеген йәшәүцеләр, табаҡ-сауытны үсләре пелән әпкилеп. Ҡорманныҡ ҡайуанның сөйәкләрен сынтырмағаннар. Аларны пәтрәгә йыйғаннар, ашаныу пөтөштә йылғаға ырғытҡаннар. Анысуң сыу ҡойолоу пашланҡан, төрлө уйыннар.
Теләкләр edit
Йаңҡыр, инәм, йау, йау,
Пескә ацлыҡ килмәсен,
Ацтан ҡалыҡ үлмәсен,
Вафа кебек йерләрне,
Иц пер әтәм күрмәсен...
Йаңҡыр йаусын, ашлыҡлар пулсын
Раббым, Таңҡырым, Аллам
Сибасы пән йаңҡырлар пир
Йаңҡыр йаусын,
Ашлыҡлар уңсын,
Ҡайуаннарға сөт пулсын.
Ауырыулар пулмасын,
Нараситалар пәғетенә
Пала-паҡраларға, илмиргә, пәтишәләргә тыныцлыҡ, саулыҡ пирсен.
Үткәргән теләкләрем ҡабул пулсын, әрғайсына татыулыҡ, тигеслек, тапҡан малларның пәрәгәте пулсын.
Ил тыныцлық өцөн, ул ҡысларның исәнлеге өцөн, саманаларға сабырлыҡ пир
Йер-сыу ийәләренә, йаҡшыларға, искеләргә, астаналы йерләргә
Пы теләкләрем пиреләте.