Wetenschop is de benaeming veur et weten van de meenske, veur de organiseerde kennis in de saemenleving, en veur de organisaosie van de wetenschop. Kot saemenvat is wetenschop et streven van de meensken om te weten te kommen of iets waor of onwaor is en is baseerd op feiten die uut eerder onderzuuk bin votkomme.
Et begrip wetenschop stamt volgens Van Dale uut 1300, en is lichtkaans ofkomstig van et Germaans. In et Latien hiet et scientia (kennis), hiervan is de Engelse naeme science ofleided. Hiel in et algemien kan d'r ok over wetenschop spreuken wodden as 'et weten', of 'de kennis'. Meerstal wodt d'r liekewel op 'e specifieke methode doeld, om tot die kennis te kommen, zoas hierboven vermeldt staot.