Lääʹddjânnam vuâđđlääʹǩǩ (731/1999, lääddas: Suomen perustuslaki, ruõccǩiõʹlle: Finlands grundlag, aanarsäämas: Suomâ vuáđulaahâ, tâʹvvsäämas: Suoma vuođđoláhka) lij õhttnaž vuâđđlääʹǩǩ, kååʹtt šõõddi viõʹǩǩe 1. peeiʹv pâʹzzlâšttam-mannu 2000. Ânnʼjõž vuâđđlääʹǩǩ koʹrvvad nellj vuämm lääʹjj, koid šiõtteeš Lääʹddjânnam jiõččvuõđ alggeeʹjjin: eeʹjj 1919 halltõsvueʹǩǩ,[1] eeʹjj 1928 valdiapeiʹvvriâššmõš[2] di kueʹhtt miniʹsttervasttõõzz kuõskki lääʹjj.[3][4]
| Inception | 1 March 2000  |
|---|---|
| Nõmm jiijjâs ǩiõʹlle | Suomen perustuslaki, Finlands grundlag |
| Title | Suomen perustuslaki, Finlands grundlag |
| Valdia | Lääʹddjânnam |
| Tåimmväʹldd, koozz kooll | Lääʹddjânnam |
| Replaces | Constitution Act of Finland |
| Õlmstâʹttempeiʹvv leʹbe -eeʹǩǩ | 17 June 1999 |
| Catalog code | 731/1999 |
| Full work available at URL | https://www.finlex.fi/fi/laki/ajantasa/1999/19990731, https://www.finlex.fi/sv/laki/ajantasa/1999/19990731 |
| Legislated by | 32nd Parliament of Finland, 33rd Parliament of Finland |
| Muttum laaʹjjin | Lääʹǩǩ, lääʹǩǩ, lääʹǩǩ, lääʹǩǩ |
| Repeals | Constitution Act of Finland |
| Šõõddi viõʹǩǩe | 1 March 2000 |
| Date of promulgation | 11 June 1999 |
Lääʹjj raajõs edit
Vuâđđlääʹjjest lie 131 paragraafâd 13 lååǥǥast.
1 lååkk – Valdiariâššmõõžž vuâđđääʹšš edit
Vuõssmõs lååǥǥast lie valdiameärrõõzz väʹlddprinsiipp. Täin šeâttmõõžžin meäʹrtõõlât Lääʹddjânnam jiõččvuõđ, tääʹssväʹlddsaž halltõsvueʹjj di šiõtteet väʹlddkåådd vuuʹdid da Lääʹddjânnam meersažvuõđ vuâđđõõttmõõžžid. Valdiameärrõõzz vuâđđan lij meersuvereniteeʹtt, mii lij prinsipp, što valdiaväʹldd kooll meera, koon eeʹtǩǩad valdiapeeiʹvid noorõõttâm eeʹttiǩ-kåʹdd. Prinsiipp mieʹldd eeʹttiǩ-kåʹdd lij Lääʹddjânnam pââimõs valdiaorgaan da halltõs- da duõmmväʹldd lie vueʹllʼlest ǥu eeʹttiǩ-kåʹdd.