Wp/sms/Ǩeʹrjjpõrtt

< Wp‎ | sms
Wp > sms > Ǩeʹrjjpõrtt

Ǩeʹrjjpõrtt lij arkiiv, koʹst ruõkkât oud. ǩiiʹrjid, gaʹzeââʹtid, äiʹǧǧpââʹjjlõõstid, kaartid, jiõntõõzzid da bliinid.[1]

Aanar kåʹddǩeʹrjjpõrtt Âʹvvlest
Heʹlssen kõõskõsǩeʹrjjpõrtt Oodi

Almmjallaž ǩeʹrjjpõrtt Lääʹddjânnmest edit

Lääʹddjânnmest ǩeʹrjjpõrtt lij lääʹjjest šiõttuum juõʹǩǩka äävai da määuʹsteʹmes vuâđđkääzzkõs. Lääʹddjânnmest liâ 854 almmjallaž ǩeʹrjjpõrttâd, koin 282 liâ väʹlddǩeʹrjjpõõrt, 427 liâ čårrǩeʹrjjpõõrt da 135 liâ ǩeʹrjjpõrttaaut.[2]

Almmjallaž ǩeʹrjjpõõrti tuâjjan liâ:

  • taʹrjjeed piâssmõõžž aunnstõõzzid, tiõttu da kulttuursiiskõõzzid.
  • tuõʹllʼjed määŋgpeällsaž da ođđneei norldõõǥǥ.
  • õõuʹdad lookkmõõžž da ǩeʹrjjlažvuõđ.
  • taʹrjjeed teâttkääzzkõõzz, vuäʹpstõõzz da tuärjjeed teâđai haʹŋǩǩummša da âânnmõʹšše di määŋgpeällsiʹžže lokkamsilttõʹsse.
  • taʹrjjeed sǒǒʹjid mättjummša, staarjõõttmõʹšše, tuâj tuejjummša da meerlažtuåimmjummša.
  • õõuʹdeed õhttsažkååddlaž da kulttuursaž vuârrsaaǥǥstõõllmõõžž.[2]

Ǩeʹrjjpõrttlääʹǩǩ edit

 
Sääʹmjânnam ǩeʹrjjautt

Lääʹddjânnmest vuõssmõs ǩeʹrjjpõrttlääʹjj šiõtteeš eeʹjjest 1928 da ođđ lääʹǩǩ pueʹđi viõʹǩǩe eeʹjjest 2017. Lääʹjj täävtõssân lij õõuʹdeed:

  1. meer õõutverddsaid vuäittmõõžžid čuõvtõʹsse da kulttuuʹre;
  2. teâđ vuäǯǯamvuõđ da âânnmõõžž;
  3. lookkâmkulttuur da määŋgpeällsa lookkâmsilttõõzz;
  4. vuäittmõõžžid ââʹjjpeivvsiʹžže mättjummša ja silttummuž ooudâsviikkmõʹšše;
  5. aktiivlaž meerlažvuõđ, demokratia da sääʹnnfrijjvuõđ.[2]

Kääiv edit

  1. Kielitoimiston sanakirja kirjasto, Č. 13.8.2022 (lääddas)
  2. 2.0 2.1 2.2 kirjastot.fi Lääʹddjânnmest ǨEʹRJJPÕRTT lij juõʹǩǩka määuʹsteʹmes vuâđđkääzzkõs, peiʹvvmieʹrr 14.1.2020. Č. 13.8.2022