Doas Prunkstick der Universität Brassel ies de Aula Leopoldina. Durch anne Eichentür gelangen Se ei de Aula, de eim Ieberfluss miet Gemälda, Plastika un Deckenmalereia ausgestattet ies. Dar Barocksaal befindet siech eim 171 m langa Hauptgebäude dar Universität, doas zwischa 1728 bis 1741 erbaut wurde. De Skulptura ei dar Aula stoamma vo Franz Josef Mangoldt un de Freska vo Johann Christoph Handke. Noo heite dient de Aula fier Festlichkeita dar Universität un wird wegen ihrer hervorragenda Akustik au fier Kunzerte genutzt. Doas Auditorium ies – eim Vergleich zum Stuck, den Verguldunga un den Gemälda oa den Wända un oa dar Decke – miet schlichta Holzbänka fier de Stundenta ausgestattet. Oa den Wänden ies doas Gestühl fier de Professora angeordnet.
Weblinks
edit