Wp/sjd/Яковлев, Лазарь Дмитриевич

Мыдтҍре Ла̄зэр Яковлев (1918–1993 ыг.) (рӯшас Лазарь Дмитриевич Яковлев) – са̄мь учтель я кырьйхэй Луявьрэсьт.

Биографья

Яковлев Мыдтҍре Ла̄зэр шэ̄ннтма лӣ шӯрр са̄мь пӣррсэсьт Кӣллт сыйтэсьт.

Со̄нн чофта пуэраст тӣдӭ са̄мь кӣл, ко̄нн эннҍтэнҍ соннӭ аджесь, Вуафнэз Мыдтҍре Яковлев, Кӣлт сыйт са̄ммьля я е̄ннӭсь, Саваттӭй То̄ммьн Яковлева, туллэм са̄мь нызан. Сӣнэнҍ ля̄йй э̄ххтэмплоагкь па̄ррнэдтэ, пугк моаһтэнҍ пуэраст са̄мас соарнънэ. Школа райя па̄ррнэ тӣдтӭнҍ лышэ са̄мь кӣл.

Ла̄зэр ля̄йй пуаррса, со̄нн о̄һпнувэ школасьт, маӈӈа о̄һпнувэ вуэпьсэй техникумэсьт Мурман ланӭсьт.

Тӯй

Со̄нн робхужэ вуэппьсэенҍ оалк кла̄ссэнҍ Коардэгк сыйтэсьт я Луявьрэсьт.

Куэссь со̄нн ля̄йй пенсиясьт, ро̄бхужэ со̄нн эфтэсьт мудтма соамегуэйм я рӯшэгуэйм са̄мь кӣл а̄шэтҍ паяс пайнънэллмэнҍ, копче са̄мь са̄нӭтҍ Са̄мь-рӯшш соагкнэгк гуэйкэ. Е̄ннэ вӣгкэ лӣ аннтма тэнн лыһкэ.

Ла̄зэр пуэраст тӣдӭ са̄мь моаййнсэтҍ, ко̄ппчма лӣ сӣнэтҍ я куэдтма, штобэ мыйй вуајчемь пэ сӣнэтҍ о̄ллмэт а̄ннҍтэ.

Ссыллк

• Ла̄зэр ка̄ллса моаййнас. Кырьйха лӣ Е̄льцэ Нӣна

Источниһк

• Афанасьева, Н. Е. 2008. "Яковлев Мыдтҍре Ла̄зэр." Ла̄зэр ка̄ллса моаййнас: кырьйха лӣ Е̄льцэ Нӣна. Berlin. 7–8.