Wp/sjd/Чиммнушш

Чиммнушш вай чӯмнэшш (лат. Empetrum Nigrum)^[1] лӣ ра̄зь на̄лль Empetrum ро̄дэсьт Нуҏҏт (Ericaceae) пӣррсэсьт.

Шэнтант е̄ммьне я сай

Со̄н вуайй вуэсстлэ ла̄мьпэсьт, ке̄ддҍк сэенҍ, ва̄ресьт (чуввесь-куэһцэмь ва̄ресьт я ре̄есь ча̄рр важесьт), ча̄рэсьт я вӯннтас альн.^[1]

Кырьйнэсс Deutschlands Flora in Abbildungen, 1796 кырьесьт

Чиммнушш лӣ агкса-руэнн тэӈс.

Рыссе ле̄в руэнн, коричневэ вай сада рӯппьсэ.

Лэст ле̄в 3–6 мм, шэ̄ннтэв ка̄ннҍц ка̄нҍцэсь мӣлльтэ чӯлл вуэкьс.

Мӯрьй ле̄в 4–6 мм ко̄ммтэвӯд, а̄рркъенне сыйй ле̄в чоа̄һпэ, ноэ ле̄в мудта вуэр рӯппьсэ.

Чиммнушш ывьнаст кыдта.

Чиммнушш лӣ лоаддв ра̄ссь. Со̄н мӯрьй ле̄в по̄ррэм.^[1]

Чиммнушш мӯрьйенҍ лӣ 70%мг райя C витамин.

Мӯрьй са̄һпенҍ вуайй ул я шышшенҍ рӯппстэ (со̄нэсьт лӣ е̄ннэ антоцианин пигмент).

Чиммнушш мӯрьй ле̄в пе̄ррк рыбпэтҍ гуэйкэ, кыдта чиммнуж по̄ррэв пӯдзэ я та̄л.

Чиммнушш лӣ мэ̄нн-лянч ве̄рьт Рӯшшланҍ региональнэ Рӯппьсесь кырьенҍ.^[1]

Губанов И. А. и др. 880. Empetrum nigrum L. — Водяника (Вороника) чёрная, или Шикша // Иллюстрированный определитель растений Средней России. В 3 т. — М.: Т-во науч. изд. КМК, Ин-т технолог. иссл., 2003. — Т. 2. Покрытосеменные (двудольные: раздельнолепестные). — С. 535. — ISBN 9-87317-128-9.

↑ ^1.0 ^1.1 ^1.2 ^1.3 Empetrum nigrum: информация о таксоне в проекте «Плантариум» (определителе растений и иллюстрированном атласе видов).
↑ Catalogue of Life : Empetrum nigrum