Wp/sjd/Википедья:Ве̄һкь лысст

Пӯресь пуэдтҍмушш кӣллт са̄мь Википедьяе!

Кӣллт са̄мь Википедьясьт лӣ чофта е̄ннэ тӯйе лыһкэм гуэйкэ, я ве̄кьхэ югке вуайй, ке̄сьт лӣ та̄һтмушш. Тэнн лыстэсьт моа̄йнсувв, ко̄ххт со̄нэсьт лыһкэ я масьт оа̄лкхэ.

Оа̄лкхэжэсьт

Ӣжянт аккаунтэнҍ Википедьясьт лыһкэ лӣ шӣһтла я ке̄һпьса. Региструв!

Авьтмуссе то̄нн вуаяк ӣжянт аккаунт Викимедья Инкубатрэсьт лыһкэ. Тэсьт я тэсьт лӣ рӯшас е̄намп кырьйха региструввэм баяс. Тэдта элля ло̄ссэ я а̄нӓст лышэ мэ̄нн-не ве̄рьт минутэдтӭ. Ныдтҍ то̄нэсьт е̄намп вуэйймушшэ я ӣжянт оаннӭй нэ̄мм ля̄ннч, а мудта оаннӭй аллькэв уййнэ, ке̄ кырьяһт я воа̄яһт лыстэтҍ.

Региструввэ

Маӈӈа тэсьт то̄нн вуаяк ӣжянт оаннӭй лыст лыһкэ.

Вӯлльга лӣ кырьйха, мэ̄нн лашшенҍ тоннӭ быдт тӣдҍсэ вэсьт кӣллт са̄мь Википедьясьт лыһкмэдтӭ.

Лыһк кӣллт са̄мь Википедьясьт

Кӣллт са̄мь Википедьясьт пугк лыстэ нэ̄мэтҍ быдт пре̄фиксэнҍ Wp/sjd/ оа̄лкхуввэ — тэдта лӣ быдтэй тэнн гуэйкэ, штобэ сыйй вӯййксэнне кӣллт са̄мь Википедьясьт лыһкма лӣһченҍ. Коа̄ве я категорьяе нэ̄мэтҍ ныдтҍшэ быдт тэнн пре̄фикс лажхэллэ.
Кӣллт са̄мь Википедьяе эйй вуэй фа̄йлэтҍ лоа̄дтэ, гу рӯшш Википедьясьт, ноа тэдта элля шӯрр рэ̄сс — то̄нн вуаяк Wikimedia Commons (рушас Викисклад) оаннӭ. Тамьпе лӣ е̄ннэ ню̄ӆӆче я мудта югкеналшэм матерьяллэ, кӯгк вуэйев лыгкэсьт о̄ннъюввэ.
Са̄ррнэмлыстэнҍ вуайй кӣллтса̄мас я рӯшас кырьйхэ, ама мыйй а̄ннэпь е̄намп са̄мь кӣл оаннӭ.
Часто задаваемые вопросы и ответы на них — тэсьт лӣ я̄наш вуэсстлэгке кэ̄жьнэгэтҍ рӯшас.

Ко̄ххт лыстэтҍ лыһкэ я вэ̄ццкэ

Чоа̄пнэһкь

Та̄так кӣһчлэ о̄дт лыст лыһкэ? То̄нн вуаяк э̄ввтэль тэнн лыст чоа̄пнэгкь кырьйхэ. Воа̄еһтҍ Оаннӭй нэ̄мм вӯлльга то̄н оаннӭй нэ̄мэнҍ я те̄ннҍтэль «Лыһкэ чоа̄пнэгкь» э̄л. То̄н оаннӭй лысст лӣ Инкубатрэсьт, элля кӣллт са̄мь Википедьясьт, те̄мэтҍ Wp/sjd/ лажьхэ ыбе.

Го то̄нн та̄так то̄нэнҍ лыһкма чоа̄пнэгкь вэ̄цксэ, тоннӭ бэдҍсувв тэнн текст то̄н лыст оа̄лкхэшша лажьхэ: {{delete|Author's request}} ~~~~
Танна тэдт лысст надта категорьяе выгкъювв я маӈӈьла ля̄ннч Инкубатэр администратрэгуэйм вэ̄ццкма.

Э̄ллм лысст

Го тоннӭ лыст кӣллт са̄мь Википедьясьт быдт вэ̄цксэ, лажеһтҍ тэнн текст лыст оа̄лкхэшша: {{delete|причина для удаления}} ~~~~
Кырьеһтҍ а̄шшь вэ̄цксэм гуэйкэ эӈглас вай рӯшас.

Куннт уж

Матерьял

Тӣһтлӯвьт (клавьятура) са̄мь тӣтэгуэйм коаммпьютрэ гуэйкэ: Windows/Mac
Саамские словари — са̄ййт пугк кӣллт са̄мь соа̄гкнэгкегуэйм