Ӄо́рӷэтсо́ӄ, Ӄо́рӷэт соӄ, Ӄо́рӷытсо́ӄ (руж. Каргасок) – кара́ То́пӄол ӄа́дэрӷэт э̄я. Ӄо́рӷэтсо́ӄӄэл айма́ӄэт ай нэвэрт ха́лгэ э̄к. Ӄу́лат коч – 7408 (хельҗь кӧнто́т тэт тот шэд-ча́ӈгвет) ӄуп 2021 (шэда́ро тот о́ӄӄэр-гой-шэда́ромҗэл) по́тӄэт.
Ҷвэҷ понта́р
edit
Кара́ квэ́дэл Ӄо́лдэт то́пӄэт а̄мда, най По́нигол кыге́т ӄвэ́дэл то́пӄэт кына́ӄӄэт ӄӧ́ӷэт. 460 (тэт тот муха́ро) халҗ То́пӄоутэ ватто́ӷэт э̄к. Арӄ ватт Варӷ О́птонд ме́мба.
Ир
editИр а̄ ӄунда́ӄӄэт Варӷ кыт а́ӄт ӄӧ́ӷэт чу́мэл эд э̄ӽа, нэп а̄ тӓнва́дэт. Касса́ӷэл э́дэла 1640 (кӧнто́т му́хтэт тот тэфа́ромҗэл) по́тӄэт ӄа́мбалҗэмба́дэт.
О̄ӷолҗэдэ ай э̄помынд
editШэд о̄ӷолҗэшпэл ма̄т, кыбама́рлат лэ́рхадэл ай кура́лбэндэл ма̄дла, шэ́дэго́дэл пырӷо́ӷолҗэма̄т, тортына́грэт ма̄т, та́ӄӄэл ӄо́нҗэл ӄу́лат ӄве́җефатэл муӽе́й (То́пӄол ӄа́дэрӷэл ӄве́җефатэл муӽе́йт тар), кура́лбэндэл нюр э̄ят.
Караӷэл ну́челд
edit2019 (шэда́ро тот о́ӄӄэр-чан-шэда́ромҗэл) по́тӄэт Ӄо́рӷэт со́ӄоӷэт ну́челдэп ме̄мбадэт, нэп «Ӄо́рӷэл у́голҗ». Но́дэл аре́т 12-мҗэл (шэд-квэ́йтэл) че́лӷэт ме̄квадэт варӷ кара́ӷэл шӱ́нембэл ҷвэ́ҷэӷэт. Лэ́рӽадэл ай меша́лбэдэл ӄу́ла (пая́лҗэгала коче́ят) ме́нэл э́длаутэ ай айма́ӄлаутэ тӧ́кват.