Фӓ́рье (фӓре. Sverige; руж. Швеция; ил. Sweden) — Ӱро́пат та̄ӄӄэл пеле́кал Канҗина́льҗӓл ҷвэҷо́ӷэл кола́мо э̄я. Канҗина́льҗӓӷэл кола́моланан Фӓ́рьелкола́мо ха̄л уго́л, ха̄л ӄоо́л э̄я. Фӓ́рьет понта̄р 447кт. тэ́ттэндэл халҗ э̄я, фӓ́рьеӷэт 10.500кт. ӄӯла варга́дэт. Фӓ́рьел а̄мдэлӄва́ҷ - Остого́льмо.
Фӓ́рьеӷэт 21 нэ́вэрла э̄ядэт. Фӓ́рьет ӄӧ́ӷэӷэт Фо́мо ай Но́ргӓ а̄мдаӷ. Фӓ́рьет та̄моӷэл пеле́кал ҷвэҷ Нева́чи́бэлта̄зиӄэ̄тпа́роӷэт а̄мда.
Нэп edit
Фӓ́рьет фӓ́рьеӷӯлшэ̄л нэп svearige шэд э̄җэӷэутэ э̄җа́лгва: svea - та̄мдэр, rige - кола́мо. Натӄо уго́т svea-ӄӯла фӓ́рьел ҷвэҷо́ӷэт варгэҳа́дэт, фӓ́рьелкола́моп омдэлҗэҳа́дэт.
Уго́т и̇р канҗина́льҗӓӷэт ха̄миӷӯла варгэшпэнда́дэт. Каче́ то́йҷэӷӯла тӧ́левле варгэлба́дэт, фӓ́рьеӷӯлатӄо э̄җембадэт.
Фӓ́рьеӷэт уго́л и̇̄рт ӄунд ӄо́ӈла ӄанҗэкуҳа́дэт.
Илэнда́ edit
Фӓ́рьеӷэт ко́чек а̄штэ э̄ядэт. Фӓ́рьет та̄ӄӄэл пеле́кал маҗӧ́лаӷэт пе̄ӄӄ, табе́ла, нева́ла, лоӷа́ла, ӱӈгэнҗ, на́рка (чаӷ ӄорӷ) э̄ядэт.
Фӓ́рьеӷэт ма́ккал, ӄэ̄л ҷвэҷ э̄я. На ӄа̄дэрӷэт ко́чек ка̄дэл шӧт э̄ядэт.