Wp/sel/Тёнга (эд)

< Wp‎ | sel
Wp > sel > Тёнга (эд)

Тё́нга, Кӧ́нга, Кӧ́нгат эд (руж. Кё́нга, ир – Поркаевка) – кыба эд э̄я. Кӧ́нгэӷэл чумэлӷу́ла Кӧ́нгэл кыге́п ай э́дэп Тё́нга нэмдэква́дэт чу́мэл ай ру́жэл җяре́. То́пӄол ӄа́дэрэнд, Музу́рэл айма́ӄэнд ай Па́рбэкыл нэ́вэрэнд шэ́рна.

Тёнга

Ҷвэҷ-понта́р

edit

То́пӄол ӄа́дэрэнд, Музу́рэл айма́ӄэнд ай Па́рбэкыл нэ́вэрэнд шэ́рна. Музу́рэл айма́ӄэт та́ӄӄэ-ня́ӄӄэлпеле́каӷэт а̄мда. Ватт э́дэт ӄӧ́ӷэт ме̄мба Па́рбэкыл кара́утэ Тыды́л ӄваҷо́нд. Эд Кӧ́нгат кыге́т то́пӄэт э̄я, уго́т варӷ алаго́ла Тё́нгаутэ там а̄ квая́шпэӽадэт. Ти̇ ӄа́йлнай варӷ алаго́ла Тё́нгат э́дэнд аӽа ӄӧ́шӄат – а̄ келемна́.

Ӄу́лат коч

edit

Ӄу́лат коч – 34 ӄуп[1]. А́гочкак ӄу́ла варгле́ калэмба́т, шэда́ро пот моӷо́ӷэт 200 ӄуп э̄ӽа.

Чу́мэл ир

edit

Ир Ня́рэмэл ай Варӷ Кара́ӷэл чумэлӷу́ла Тё́нгаӷэт няйп таве́шпэмбадэт, ку́ем ӄу́ла онҗы́т няйп омдэлҗэ́шпэмбат. Тё́нгал ӄа́дэр ӄо́лдэл ӄу́латӄо ня́ел ӄа́дэрт чат э̄ӽа. А̄ ӄунда́ӄӄэт Тё́нгаутэ Урбо́коват, Ипо́коват ай Черно́ват чу́мэл э́дэла э̄ӽат, чумэлӄу́лат ма̄даликала маҗӧ́ӷэт а̄мдэӽат.

Ӄай ти̇ э̄я

edit

Тортына́гэрт ма̄т ай и́мҗэл ма̄далика э̄к. Ла́ку най тэп э̄я, ӄу́ла ма́нҗэлап паӄле́шпадэт. О́ӷолҗэшпэл ма̄т аӄо́ Па́рбэкы́ӷэт э̄я.

  1. Численность населения городских округов, муниципальных районов, городских и сельских поселений, городских населённых пунктов, сельских населённых пунктов