ھەفتەن یان ھەفت تەن ھەف کەسایەتی گەورەی یارسانن کە وە باوەر یارسانیەگان ھەف فرێشتەێ پاکن کە لە ھەر دەورەێ حەقیقەت لە جەسەێ ھەف کەسایەتی تەجەللی کەن. لە سەردەم سوڵتان سەھاک ئەی ھەف فرێشتە لە جەسەێ ھەف یار سوڵتان وە ناوەیل ژێر تەجەللی کردنەː
باوەرەیل یارسان
editھەف تەن لە باوەر یارسان لە جەوھەر خودان. ئەوانە پیەرێزکەرەیل ئاسمان و مانگ و خوەر و ھسارەکان و وا و ھەوا و زەۊ و ئاو و گیا و ئاگر و فڵێزن. ھەف تەن لە سەردەمەیل زۊنە لە جەسەی پەیغەمبەرەیل و ئایەمەیل ھەلوژیاێ تەجەللی کردنە و خەڵق وەرەو پاکی و ڕاستی ڕێنموونی کردنە. لە ویر و باوەر یارسانیەیل ھەف تەن وە دەور یەک خاڵ گەڕێنەو و لە دەورەێ سوڵتان سەھاک ئەو خاڵە سوڵتان بۊە.
ھەف تەن لە سەردەم سوڵتان سەھاک
editلە سەردەم سوڵتان سەھاک ھەف تەن لە جەسەێ پیر بنیامین٬ داو کەوسوار٬ پیر مووسی٬ مستەفا داوان٬ ڕەزبار٬ شائبرایم و باوەیاگار تەجەللی کردنە. وە چوار کەس ئەوەڵ چوار مەلائەکە ئۊشن. ڕەزباریش داڵگ سوڵتان سەهاک بۊە.