وەرز یا وەرزەگان ساڵ شیوەێگ لە دابەشکردن ساڵ وە بەشەیل جیاوازە، ک وە خاتر گووڕین کەشوهەوا ئەنجام دەریەێت. لە زۆرم فەرهەنگەیل جهان ساڵ وە چوار وەرز دابەش کریەێت. لە فەرهەنگ مەردم باشوور خوەرهەڵات کوردستان چوار وەرز ساڵ بریتیە لەː وەهار، تاوسان (هاوین)، پایز (خەزان، گەڵاڕیژان)، زمسان.
لە دو نێوەگووی باکووری و باشووری زەوی، وەرزەکان چەپیچەواشەن، وەی شکڵە ک کاتێگ ک لە نێوەگووی باکوور تاوسانە، هاوکات لە نێوەگووی باشووری زمسانە.
لە فەرهەنگ یارسان edit
لە فەرهەنگ مەردم یارسان چوار وەرز ساڵ هەرکامیان هن یەکێگ لە چوار زات مقەدەس و پیرووزێگە ک وەپێیان ئۊشن چوار مەلائیکە. وەهار وەرز داوکەوسوار، تاوسان وەرز پیربنیامین، پایز وەرز پیرمووسی و زمسان وەرز مستەفا داوانە. لە دابونەریت مەردم یارسان، باوە ک لە سەرەتاێ هەر وەرزێگ ئەڕاێ ئەی زاتەیل مقەدەس وەشێوەێ دین یاری نەزر بکەن.
سەرچاوە edit
حسەینی، سەید مامەد. ١٣٩٥. دابونەریت فۆلکلۆر لە دیرووک کوردەگان (آئینهای فولکلور در تاریخ کرد)، تێرانː پورسەمان، چاپ یەکەم؛ پ ٤٣.