میرزا ئەحمەد داواشی (٣ مارس ١٩٠١ لە ڕەوانسەر - ٣ مارس ١٩٨١ لە ڕەوانسەر) ھەڵوەسوان کوردێگ بۊ ک وە زوان کوردی و زاراوەیل ھەورامی و سۆرانی ھەڵوەس وەتیە.
ژیان
editمیرزا ئەحمەد داواشی لە ٣ مارس ساڵ ١٩٠١ زایینی (١٢ ئسفەند ١٢٧٩) لە ڕەوانسەر ھاتیەسە دنیا. ناو باوگی داواشی حەمە کوڕ سەید مراد بۊ. خوەی و باوگی لە سەردەم حەمە سادقخان ئەردەڵان کوڕ ئەمانوڵاخان یەکم ک حاکم ناوچەیل ھەورامان، پاوە، جوانڕوو و ڕەوانسەر بۊە و ھەلەێوا تا سەردەم وسێن خان زەفەرولمەمالک ئڕاێ حاکمەیل ئەردەڵان کار دێھباشیگەری کردن و وەی مدووە ناو داواشی (دێھباشی) گرتنەسە خوەیانا.
داڵگی لە تەمەن ٧ ساڵی مردیە و باوگی ئڕاێ وانە خوەندن (دەرس خواندن) ناردیەسەی ئڕاێ ئاوایی تەمتەم ڕەوانسەر تا لە لاێ مەلا حەمە حەسەن جوانڕوویی وانە بخوەنێد. تا تەمەن ١٩ ساڵی لەو ئاواییە مەنیە و لەو کاتە بۊ وە ھاوکار باوگی.
میرزا ئەحمەد داواشی لە پەیرەوان ڕێواز قادەرییە و پەیرەو خاندان تاڵەبانی بۊ. وەرد کەسایەتییەیلێگ جوور سەید حەمەتاھر سەیدزاێەێ ھاشمی، مەلا مەێەدین سالەحی، شێخ حەمە سەعید نەخشبەندی مودەڕێس، کۊخا سەیفەڵاێ دچییایی و ھەلەێوا وەرد ھەڵوەسوانەیل و ئەدیبەیل کوردستان ئاشنا بۊ و لە پەیوەندی بۊ. میرزا ئەحمەد لە ١١ سپتامبر ١٩٨١ زایینی (٢٠ شاریوەر ١٣٦٠) لە ڕەوانسەر کووچ دۊایی کرد و لە قەورسان وەیس قەرەنی لە جادەێ کرماشان-ڕەوانسەر وە خاک سپاریا.
بەرھەمەیل
editلە گرینگترین بەرھەمەیل میرزا ئەحمەد داواشی وەرگێڕان سەنگتراش لە فارسی وە کوردی، قەسائد بەھارییە، غەزەڵەگان، پرسنامەیل (مەرسییەگان)، حەماسەیل، ھەجڤیەگان، ھەزلیەگان و ھەڵوەسەیل ترەک بێشترە لە ٢٠ ھەزار بەیت.
