مامەد جافر کەنگاوەری (وە فارسی: محمّد جعفر کنگاوری) شووڕشگەر کومونیست کورد و یەکێگ لە کەسایەتیەیل مێژووێ سەدەێ بیستەم خەڵق باشوور خوەرھەڵات کوردستانە.
چالاکی سیاسی edit
کەنگاوەری لە شووڕش جەنگەڵ لە ناوچەێ گیلان لە باشوور دەلیاێ کاسپیەن بەشداری کردیاد و وە دۊاێ پێرووزبۊن ئنقڵاویش بۊ وە کومیسەر مەعارێف (فەرھەنگ). کەنگاوەری وەدۊاێ داشکیاێن کۆمار سوسیالیستی گیلان وەگەرد ئێسانوڵڵاخان دووسدار چیە ڕووسیەێ شەورەوی و لەورە وە چالاکی سیاسی خوەی درێژە دا. کەنگاوەری لە ئازەربایجان شەورەوی و لە شار باکوو وەگەرد دووسدار و یارەیل ترەکی کومیتەێ ئنقلاو ڕزگارکەر ئیران دامزران. کەنگاوەری تا سەرەنجام ژیانی لە شەورەوی مەن و لە قڕان سەردەم ئستالین گاھس لە ساڵ ١٩٣٨ زایینی وەگەرد ئێسانوڵڵاخان دووسدار گوڵەواران کریا.
مامەد جافر کەنگاوەری خاڵووێ داڵگ ئسماعیل عابدی تێکووشەر کۆمۆنیست کورد و ئەندام گرووێ ڕەشت-کەنگاوەر و هسارەێ سۊر بۊ ک ئەڕاێ پەروەردەێ چریکی چیە ناو ڕێکخریاگ چریکەیل فەدایی خەڵق ئێڕان و لە ساڵ ١٩٧٦ کوشەریا.