عەلی لاری کرماشانی (1324 کووچی ھەتاوی لە کرماشان - 1388 کووچی ھەتاوی لە کرماشان) نۊسەر کولەچیرووک و ڕومان بۊ. لاری کرماشانی نۊسیاوەیلی وە زوان فارسی نۊسیاد و فرە ھەوڵ دیاد وشەیل کوردی لە چیرووکەیلی ئەوکاربگرێد. لاری لە نۊسەرەیل دەھەێ 1340 ، 1350 کووچی ھەتاوی بۊ و کارەگانی لە نموونەیل ئەدەبیات کارکەری و ئەدەبیات ناوچەیی لە کوردستان ئیران تیەنە ئەژمار.
ژیان edit
لاری کرماشانی لە ساڵ 1324 لە کرماشان لە داڵگ پێیا بۊ. لە مناڵی ئڕاێ تامینکردن ژیان خوەی کارکەری کردیاد. لە دەوران نووجوانی وەل ئەدەبیاتا ئاشنا بۊ و دەس کرد وە نۊساین. یەکمین کتاوی وە ناو «کاتێگ ک چۊزەگان جیقە دەن و ھەنای گەڵاگان ڕشیەن» (وە فارسیːوق‍ت‍ی‍ک‍ه ش‍ک‍وف‍ه‌ه‍ا م‍ی‌ش‍ک‍ف‍ن‍د و زم‍ان‍ی‍ک‍ه ب‍رگ‍ه‍ا م‍ی‍ری‍زن‍د) لە ساڵ 1343 کاتێگ ک ھێمان 16 ساڵە بۊ وە نازناو «شوکووفە لاری کرماشانی» چاپ کریا. لاری وەدۊاێ ئنقلاو 1357 تەنیا یەک کتاو دادە چاپ و ئەوەیش «وەفراوەیل وەھاری» (وە فارسیː ب‍رف‍اب‍ه‌ه‍ای ب‍ه‍اری) بۊ ک لە ساڵ 1370 چاپ کریا. ئەی کار چۊ نیشانێگ لە تێپەربۊن دەورەی ئەوج ئەدەبیات ناوچەیی فارسی ناوچەێ باشوور کوردستان ئیران ناسریاس. لاری لە تاوسان 1388 لە کرماشان کووچ دۊایی کرد. ھۊرەنۊسەیل و یاێداشتەیل فرەێگ لە لی وە جێ مەنیە ک بریتیە لە ڕومانەیل ناتەواوی و یەکێگ لە ئەی ڕومانەیلە «تەنیایی سەرووک کۆمار» (وە فارسیː تنهایی رئیس‌جمهور) ناویە ک لەوارەی ژیان قازی مامەد سەرووک کۆمار دەوڵەت کوردستان ئازاد لە مەھابادە.