شارام نازری(29 ڕێبەندان 1328 کرماشان- ) گوورانی چڕ، مووسیقازان و مامووساێ ئاواز لە مووسیقاێ ئیرانیە. نازری لە بیشتر کارەیلی لە ھەڵوەسەیل مەولانا چڕیە و تۊەنسیە شێواز تازەێگ لە مووسیقاێ ئیرانی کە ھاوێتەێگ لە وێشەێ حەماسی و عرفانە ساز بکەد. نازری تا ئیڕەنگە بیشتر لە 40 ئالبوم وە زوانەیل کوردی و فارسی بڵاو کردیە. نازری لە ساڵ 2007 بانترین نیشان فەرھەنگی کومار فەرانسە، «شاسوار وێشە (ئەدەبیات) و ھنەر» لە دەوڵەت فرانسە گرت.
