Wp/sdh/سەڵاح ڕەوف

سەڵاح ڕەوف، (لە داڵگبۊێ 15-03-1951 لە عەربەت - سلێمانی - )، مووسیقازان کوردە.

ژیان

سەڵاح ڕەوف، لە 15-03-1951 لە عەربەت لە سلێمانییە لە داڵگ بۊیە، خانەێ مامۆستایان لەساڵ 1966 تا 1969 تەواو کردیە، 1968 بۊیە ئەندام تیپ مووسیقاێ سلێمانی و ئەندام تیپ مووسیقاێ چالاکی هنەری پەروەردەێ سلێمانی، چۊ سازژەن و مامووساێگ، لە ساڵ 1977-1978 دەرەێ شارەزایان مووسیقا لە پەیمانگاێ هنەرەجوانەگان بەغداد وە پلەێ نایاب یەکەم لەسەر ئاست عیراق وەرگرت، یەکێگ بۊیە لە دامەزرانەران بەش مووسیقاێ پەیمانگاێ هنەرەجوانەگان سلێمانی لە ساڵ 1983، هەلەێوا لەساڵ 1977 تیپ مووسیقاێ پیرەمێرد دامەزراند کە لەسەرەتاێ ئەو تیپە مناڵان لەتێ فێر مووسیقا کردیە و پاشان بۊیەسە تیپ خاس سەردەم خۆی تا ساڵ 1991، یەکێگ بۊیە لە دامەزرانەران تیپ مووسیقاێ مناڵان لە شار سلێمانی، هاندەر خاس مناڵان ئەو سەردەمە بۊیە و چەندین کار وەک توومارکردن مووسیقا و گوورانی و ناساندنیان وە مووسیقا وە ئەنجام دان، کە ئیسە چەندین هنەرمەند خاوەن ئەزموون لەتێ هەڵکەفتیە، هەلەێوا ئەندام بۊیە لە تیپ مووسیقاێ شووڕش لەساڵ 1974 تا 1975، پاشان لە ساڵ 1998 لە وڵات هۆلەند ئەندام کاراێ تیپ مەڵت کەلتووری هۆلەند میودانتا بۊیە و دۊاتر ئەندام کاراێ تیپ سەمفۆنی ئەپڵدۆرنی هۆلەند بۊیە تا ئیسەش بەردەوامە، راهاوەر مووسیقاێ تیپ هنەر مللی نەتەوەیی سلێمانی بۊیە لە ساڵ 2000 تا 2008، خاوەن پتر لە 14 کۆراڵە (گوورانی وەکوومەڵە)، سەڵاح بێجگەلە ژەنین خاوەن چەند پەرتووک تایبەت وە مووسیقاس لەوانە (فێربوونی کەمانچە، تیۆرەکانی مۆسیقا، پۆڵێنکردنی پەیژەکانی مۆسیقای رۆژهەڵاتی ناوەِاست، چەندین نۊسین و باوەت ترەک وەتایبەت وەنۆتکردن مووسیقا و گوورانی کوردی لە ڕووژنامە و ماڵپەڕەیل کوردی) هەلەێوا بەشدار بۊیە لە گشت ئاهەنگەیل تیپ مووسیقاێ سلێمانی لە ساڵ 1969 تا ئیسە، خاوەن چەندین ئاواز و مووسیقایە ئڕاێ گوورانیویشانێ جوور (کەریم کابان، عوسمان عەلی، عەدنان کەریم، ئەسعەد قەرەداغی، پەیمان عومەر، عەباس محەمەد، ئاڵاَ عومەر، دیاری قەرەداغی، ئەمەل سەعید، ئاڤان جەمال، تارا رەسوڵ و کەسەیل ترەک….) چەندین کار مووسیقی و ئاوازدانان ئڕاێ سریاڵەیل کوردی ئەنجام داس لەوانە دانان ئاواز ئڕاێ فیلم سینمایی کوردی (نێرگز بوکی کوردستان) هەلەێوا سریاڵ (ژاڵە، گوڵاڵە) و چەندان ترەک...، پاشان لە ساڵ 2007 و لە ڕووژ مەرگەسات ئەنفال، وەگەرد تیپ مووسیقاێ سلێمانی و پەیمانگاێ هنەرەجوانەگان سلێمانی بەرهەم (گۆڕستانی چراکان) لە هەڵوەس شێرکۆ بێکەس، ک بریتی بۊ لە پێشکەشکردن 50 دەقیقە لە مووزیک و گوورانی و نواندن شانۆێگ وەگەرد تیپ هنەری مللی سلێمانی. ساڵ 1997 کوردستان هێشتە جێ و ئیسە وەگەرد هاوسەری و د کوڕ و د دۊیەتی ژیەێت و هەر لەو وڵاتە سەرقاڵ کار ژەنین و وەنۆتکردن پەیژەگان مووسیقاێ کوردیە.

لە دۊاێ ساڵەگان 2004 وە لە هەوڵ فراوان کردن ئاست رووشنویری هنەری نەتەوەگەی بۊیە وە:

1. پێیاکردن قانوون بازنەێ پێنجی (Qwint Circle) ئڕاێ پەیژەگان مووسیقاێ کوردی لەسەر بنەواێ داهێنانەگەی (جان فیلیپ رامۆ)ی فەرانسەوی لە سەدەێ هەڤدە ئڕاێ مووسیقاێ ئرووپا.

1. پۆلێنکردن پەیژەگان مووسیقاێ کوردی لەسەر بنەکاێگ زانستی و دەسنیشانکردن هەرد پەیژەێ گەورەێ راست و عەجەم (بیانی) و پەیژەگان سەر پلە دەنگیەگان تریان.

1. پێیاکردن ئەرماتۆرا (ڕێبەر پەیژەێ مۆسیقا) ئڕاێ مووسیقای کوردی و ڕزگارکردن مووسیقای کوردی لە مێتۆدەیل مللەتەیل هاوسا جوور مێتۆد (گووشە)ێ فارسی، و (ڕەگەز و گرێ)ی مووسیقاێ عەرەبی و تورکی.