زانستگەێ ڕازی یا زانکۆی ڕازی (وە فارسیː دانشگاه رازی، وە ئنگلیسیː Razi University) زانستگەێگە لە شار کرماشان ک لە ساڵ ١٩٧٢ زایینی (١٣٥١ هەتاوی) دامزریاس.
دیرۆک edit
زانستگەێ ڕازی لە مانگ بێهمەن ١٣٥١ (فڤرییەێ ١٩٧٢) لە شار کرماشان وە ناو زانکۆی زانستەیل بنەمایی کرماشان (وە فارسیː دانشکدۀ علوم پایۀ کرمانشاهان) دامزریا، وەلی لە ساڵ ١٩٧٤ (١٣٥٣ هەتاوی) ناوەگەێ گووڕیا وە زانستگەێ ڕازی. ئەی ناوەند زانستیە لە نێوساڵ ١٣٥٢-١٣٥١ لە ڕشتەیل فیزیک، شیمی، ژینگەناسی و ڕییازی ٢٠٠ خوەندەوان گرت و دەس کرد وە کار خوەی. دامزرانەر زانستگاێ ڕازی فرەیدوون مۆتەمەدوەزیری بۊە ک لە هاوکاری وەگەرد عەبدوڵعەلی گوویا ئەی زانستگە دامزرانیە. زانستگەێ ڕازی وە دۊای زانستگەێ زانستەیل پزێشگی کرماشان دووەمین زانستگە لە ڕۆژهەڵات کوردستان و ناوچەێ ڕۆژاواێ ئێران بۊە.
لە ساڵ ١٣٩٥ (٢٠١٧ زایینی) زانستگەێ ڕازی فرەتر لە ١٢٣٤٧ کەس خوەندەوان داشتییە ک لە ١٠ زانکۆ (کۆلێژ) و ٢ فێرگە (ئامووزشکەدە) لە پلەیل کارزانی، کارناسی، کارناسی واڵا و دوکتورا دەرس خوەنیان.
زانستگەێ کوردستان لە سنە و زانستگەێ ئیلام لە شار ئیلامیش تا ساڵ ١٩٩١ زایینی (١٣٧٠ هەتاوی) بەشێگ لە زانستگەێ ڕازی کرماشان بۊن ک لەی ساڵ جییا بۊن و ئەڕاێ خوەیان بۊن وە زانستگەیلێگ خوەسەر. زانستگەێ کوردستان تا وەر لە خوەسەری ناوی زانکۆێ ئیوەتکردن دەبیر (وە فارسیː دانشكده تربيت دبير سنندج)، و زانکۆی ئیلام ناوی زانکۆێ ئاژەڵداری ئیلام (دانشكده دامپروري ايلام) بۊ.
زانکۆەیل زانستگەێ ڕازی edit
زانکۆێ زانستەیل بنەمایی edit
زانکۆێ وەرزێری و سەرچاوەیل سرۆشتی edit
زانکۆێ فەنی و ئەندازیاری edit
زانکۆێ ئاژەڵپزێشی edit
زانکۆێ ئیوەتکردن جەستە (وەرزش) edit
زانکۆێ ئەدەبییات و زانستەیل ئنسانی edit
زانکۆێ زانستەیل کوومەڵایەتی edit
زانکۆێ شیمی edit
زانکۆێ فەنی و ئەندازیاری شاباد edit
زانکۆێ وەرێوەبەرایەتی و ئەژمارداری جوانڕوو edit
زانکۆێ سەنعەت نەفت edit
زانکۆێ هونەر و مێعماری edit
سەرووکەیل زانستگەێ ڕازی لە سەرەتا تا ئیرەنگە edit
- عەبدولعەلی گوویا - فیزیک ئەتومی - لە ٢ بێهمەن ١٣٥١ تا ٢٣ ئسفەند ١٣٥٢
- فرەیدوون مۆتەمەدوەزیری - ماف سییاسی - لە ٢٤ ئسفەند ١٣٥٢ تا ١٣ ئسفەند ١٣٥٧
- موزەفەر ئەسەدی - شیمی - لە ١٤ ئسفەند ١٣٥٧ تا ٣١ ئوردیبهێشت ١٣٦٠
- مامەدحوسێن ئازەرمنییا - ؟ - لە ٢٤ خوەرداد ١٣٦٠ تا ١٠ شاریوەر ١٣٦٠
- حوسێنعەلی کووهستانی - زانست ئیوەتکردن - لە ١١ شاریوەر ١٣٦٠ تا ١٨ مێهر ١٣٦٥
- عەلیئەکبەر نەجەفی - ؟ - لە ١٩ مێهر ١٣٦٥ تا ١٧ بێهمەن ١٣٦٦
- عەلیئەکبەر ڕەجەبی - فیزیک - لە ٢٨ بێهمەن ١٣٦٦ تا ٢٨ ئابان ١٣٧٢
- مامەدمەهدی خودایی - شیمی ئەندامی (ئورگانیک) - لە ٣٠ ئابان ١٣٧٢ تا ١٤ بێهمەن ١٣٧٦
- مورتەزا مەموویی - وەرزێری - لە ١٥ بێهمەن ١٣٧٦ تا ٢٠ مێهر ١٣٨٠
- مامەدرەزا زەمانی - ژینگەناسی - لە ٢١ مێهر ١٣٨٠ تا ١٠ دەی ١٣٨٢
- عزەتوڵڵا فەرشادفەر - گژوگیا - لە ١١ دەی ١٣٨٢ تا ٣ ئەمورداد ١٣٨٦
- مامەدمەهدی خودایی - شیمی ئەندامی (ئورگانیک) - لە ٤ ئەمورداد ١٣٨٦ تا ١٧ فەروەردین ١٣٩٣
- مامەدئبراهیم ئەعلەمی ئال ئاقا - ئەندازیاری مکانیک - لە ١٧ فەروەردین ١٣٩٣ تا ئیرەنگە