خوداداد عه‌لی یا خداداد عەلی (١٩١٢ لە ئاوایی عەلەمدار لە پارێزگەێ دیالە - ١٩٨٧ لە ئاوایی عەلەمدار لە پارێزگەێ دیالە) ھنەرمەن گوورانی چڕ خەلق شار خانەقین لە بەش کورد خوارین نشین باشوور کوردستانە، کە وە زاراوەیل کوردی خوارین، گوورانی و سۆرانی گوورانی چڕیاس.
ژیان
editخوداداد عەلی لە ساڵ ١٩١٢ لە ئاوایی عەلەمدار لە نزیکی شار خانەقین لە داڵگ بۊە. یەکمین گوورانییەیلی لە جەژن نەورووز و جەژنەیل ترەک ئایینی و نەتەوەیی لە ئاواییەیل ناوچەێ دیالە (پارێزگەێ کرماشان ڕۆژاوا) چۊ عەلەمدار، ئیمام عەباس، باوە مەحمی و خەیر زنە خوەنی. لە ساڵ ١٩٤٧ چی ئەڕاێ بەغدا و لە ڕادیون کوردی لەی شارە دەس وە کار بۊ. یەکمین گوورانیی ک لە ڕادیون بەغدا پێشکەش کرد مەقام ئای ئای بۊ ک لە مەقامەیل هەرەناسیاێ ناوچەێ گەرمیانە. خوداداد عەلی تا ساڵ ١٩٥٣ لە ڕادیون بەغدا کار کرد و لەی ماوە وە مدووێ مەقامەیلێگ ک خوەنیات چۊ مەقامخوەن ناوبانگ دەرکرد. خوداداد عەلی فرەتر لە ١٥٣ گوورانی چڕیە ک لەناویان مەقامەیل ئەڵوەن، ئای ئای، ئەڵاوەیسی، خاوکەر، قەتار و ... فرە ناسیاێن.
خوداداد عەلی لە ١٩ فڤرییەێ ساڵ ١٩٨٧ لە شار خانەقین کووچ دۊایی کرد و هە لە عەلەمدار، ئاوایی داڵگی خوەی وە خاک سپاریا.