Wp/sdh/حوسێن داودی

< Wp‎ | sdh
Wp > sdh > حوسێن داودی

حوسێن داودی (١٩٠١ لە کرماشان - ١٩٧٨ لە قوم) ئاوازخوەن، موسیقازان، تەعزیەخوەن و ئاخوەن بۊە.

وسایەیل مووسیقاێ ئێران جوور ئەبوڵحەسەن سەبا و دەرویش خان ک دەنگ حوسێن داودی شنەفتنە گشتیان دان وە خوەشدەنگی و شارەزایی ئەۊ لە ئاواز دانانە.

ژیانEdit

حوسێن داودی لە ساڵ ١٩٠١ لە کرماشان لە داڵگ پێیا بۊ. بنەماڵەی مەزەوی بۊن و لەلاێ باوگی خوەنین قورئان و تەعزیە یاێ گرت. ھەلەێووا لەلاێ کەسێگ وە ناو شێخ چاوش شاگردی کرد.

لە سەرەتاێ جوانی دەرس دینی خوەنی و بۊە ئاخوەن و تەنانەت جلوبەرگ ئاخوەنیش کردە وەر. ئەمانی شێوەێ تاکردنی وەگەرد ئاخوەنەیل ترەک جیاواز بۊ و فرەتر ھووگر وە مووسیقا و ھونەر عرفانی بۊ. لەو دەورە لە شانووەیل ئایینی جوور تەعزیە لە دەنگ خوەی ئەڕاێ نیشان داێن کەسایەتییەیل دیرووک دین ئسفادە کردیاد.

وەدۊاێ وەھاز بۊن ڕزاخان پەھلەوی جلوبەرگ ئاخوەنی نادە لا. لەو دەورە جوور کارمەن مەزرینگەێ خەڵەێ کرماشان، بۊ وە نێابان سیلووێ گەنم کرماشان.

حوسێن داودی شاگردەیل فرەێگ ئێمات کرد ک غوڵامڕزا یەعقووبزادەێ باوەنپوور و عەلیجان جاھد لەوانە بۊن.

حوسێن داودی لە ساڵ ١٩٧٨ (١٣٥٦ کووچی ھەتاوی) کووچ دۊایی کرد و وە سپارشت خوەی لە قەورسان فاتمەێ ماسوومە لە شار قوم لە ئێران وە خاک سپاریا.

کارەیلEdit

حوسێن داودی لە سەردەم جەوانی ئجرایل فرەێگ لە کرماشان وەگەرد حاجیخان نازری کردیە، وەلێ لەو دەورە دەنگی زەفت نەکریاس. تەنیا کارێگ ک لە حوسێن داودی زەفت بۊە، ئجراێگە وەگەرد تار حاجیخان نازری ک وە شێوەێ ناشیاێگ زەفت بۊە و لەو کاتە فرەتر لە ٥٠ ساڵ داشتێە.

  • دەسگاێ ماھوور (لە ئاڵبۆم ڕەوایەت ئاوازی لە وسایەیل زۊنەێ ئێران-١؛ لە بێھمەن کازمی)

سەرچەمEdit

  • نظافتی، ایرج. ١٣٧٧. تاریخ موسیقی کرمانشاه، با مقدمۀ استاد حشمت الله مسنن، کرماشان: طاقبستان، چاپ اول؛ پ ٢١-٢٦.

بەستەر دەرەکیEdit