تەیموور بانیارانی یا شا تەیموور بانیارانی لە یارەیل ئاسەید براکە لە پیاوەیل ئایینی یارسان و ھەلەێوا ھەڵوەسوان کورد خەڵق ئاوایی بانیاران تەیموور لە ناوچەێ گووران بۊە ک ھەڵوەسەیلێگ وە زوان کوردی گوورانی وەتیە.
ژیان edit
تەیموور بانیارانی لە ساڵ ۱۸۳۰ زایینی لە ئاوایی بانیاران لە داڵگ پێیا بۊ. ناو باوگی ڕەزا بۊ. لە سەردەم تەجەللی ئاسەید براکە، تەیموور بۊ وە یەکێگ لە یارەیلی و ئڕاێ خزمەت چی وە تەکیەێ ئاسەید براکە لە ئاوایی تۊشامی. تەیموور وە دۊاێ ماوەێگ ئڕاێ تەبلیق ھاتە ئڕاێ تێران و لە تێران پەیرەوان فرەێگ پێیا کرد و لە نزیکی بازاڕ تێران جەمخانەێگیش وە ناو جەمخانەێ جەناب دامەزران. وە دۊاێ چەنێگ، لە لایەن حەکوومەت ناسرەدینشا دەسوەسەر کریا و کڵ کریا ئڕاێ کرماشان و لە ساڵ ۱۸٥۸ فەرمان ئیمامقوڵی میرزا عەمادوددەولەێ دەوڵەتشا، لە سەوزەمەیدان کرماشان پووسی کەنریا و کوشەریا. جەستەێ تەیموور ھەر لە شار کرماشان و لە لاێ موزەفەرعەلیشاێ کرمانی و سەید ساڵێ حەیرانعەلیشاێ مایشتی وە خاک سپاریا.