ئسماێل پیرخدری (1328 کرماشان - 1364 کرماشان)، ھنەرمەن گوورانیچڕ خەلق شار کرماشان بۊ کە وە زاراوەیل کوردی کرماشانی و فارسی کرماشانی گوورانی چڕیاس.
ژیان و چالاکی ھونەری
editئسماێل پیرخدری لە دەھەێ 1350 لە تەریق دووسەیلی جوور ئەوڵقاسم پەرەندیان و موژتەبا میرزادە دەس کرد وە ھاوکاری وەگەرد ئورکستر ڕادیو کرماشان و وە بڵاوکردن چەن گوورانی کوردی لە ناو مەردم کرماشان دەنگ کرد. ناسیاێترین گوورانیەیلی وێنەێ پەروانە، چەمەن یکبارە خامووشە (وە فارسی)، و چشەگەم (وە زاراوەێ فارسی کرماشانی)ن ک ھێمان ھانە سەر زوان مەردم کرماشان. ئسماێل پیرخدری بێجگە گوورانیچڕی لە وێنەکیشی (نەقاشی) و خوەشنۊسییش شارەزا بۊ. پیرخدری ھەلەێوا لە ڕەفیقەیل نزیک حشمەتوڵا لوڕنەژاد بۊ و وەگەرد یەک چەندین گوورانی وە شێوەێ دودەنگی ئجرا کردن.
پیرخدری لە ساڵەیل دواێ ئنقڵاو ھاوکاریی وەگەرد «ناوەند پیەرێزکردن و گەشەکردن مووسیقی کرماشان» بەردەوام کرد، ئەما وە دۊاێ ماوەێگ دی کاری لە لێ بڵاو نەکریا. پیرخدری لە ساڵەیل دۊایین ژیانی دەنگ کپ و کوڵەسۊکنشین بۊ، تا وەختی ک لە ساڵ 1364 لە سن 36 ساڵی وە شێوەێ مەشکووکێگ کوژەریا. لە ناو مەردم وە ونە چشتەیلێگ لەوارەێ کوشتنی وە دەس پولیس کرماشان یا گرووپ شیت وتریا، وەلی ھۊچ وەخت کوژیارەگەی ئاشکرا نەکریا و نەزانریا کی بۊە و ئامانجی لەی کوشتنە چە بۊە.