Un mesi è una suddivisioni di l'annu. I' la maggior parthi di li Calendari, lu mesi dura una trentina di dì e, di cunsiguenzia, l'annu conta soritamenti 12 mesi. I' lu comuni calendariu gregorianu, cumenti i' la maggior parthi di li calendari solari, l'annu consta di 12 mesi[1]:
- ginnaggiu, di 31 dì
- fribaggiu, di 28 dì (29 si l'annu è bisesthru)
- mazzu, di 31 dì
- abriri, di 30 dì
- maggiu, di 31 dì
- giugnu ò làmpada, di 30 dì
- lugliu ò trìura, di 31 dì
- aòsthu, di 31 dì
- cabbidannu ò settembri, di 30 dì
- santuaini ò ottobri, di 31 dì
- santandria ò nubembri, di 30 dì
- dizembri ò naddari, di 31 dì
Ammintà lu nummaru di dì dugna mesi
editUmbè di passoni pà ammintassi lu nummaru di dì dugna mesi ricorrini a la filastrocca:
30 dì ha nubembri, cun abriri, giugnu e settembri, di 28 zi n'è unu, tutti l'althri n'hani 31.
Ma a soccorerci i' l'ammintà lu nummaru di dì dugna mesi v'è puru un althru vecciu truccu pobulari. Bastha unì li pugni e cuntà li mesi innantu a li nocchi e l'avvallamenti di li mani parthendi da lu pugnu sinistru (propriu cumenti si stessimu liggendi un libru).
Si lu mesi caggi innantu a una nocca, tandu è di 31 dì, si caggi innantu a un avvallamentu, tandu è di 30 dì (ovviamenti ammintendi l'eccezioni di fribaggiu). Cun lu primu pugnu arribemmu a lugliu, dabboi prosighemmu ò innantu a un althru pugnu, ò puru ricuminzendi torra su lu matessi. Althri inveci trattendi soru un pugnu parthendi da la 1° nocca currispondenti a ginnaggiu ò prosighendi cun l'avvallamentu pà fribaggiu giunti a la 5° nocca si debini proseguì, la contani una sigunda voltha e torrani indareddu.
Una curiosa curripundenzia v'è puru cun li tasti di lu pianoforte. Parthendi da lu fa (tastu biancu longu) e pà una intrea ottaba (12 tasti cunsecutibi) s'acciappa ordinatamenti chi li tasti bianchi corrispondini a li mesi di 31 dì a parthì da ginnaggiu e li tasti nieddi a li mesi di duradda minori.