Pan Piano（パン・ピアノ）ー、台湾ぬうぃなぐYoutuber・小pぬ運営するチャンネル。ピアニスト兼コスプレイヤーやん小pー、コスプレしアニソン演奏し注目あちみとーん。台湾てーんでぃなく、唐ぬ国てぃがろーやまとぅはじみとぅさる海外んかいん人気あちみたん。2022年1月現在、チャンネル登録者数ー304万人くぃーとーん。
経歴Edit
小pーYouTubeチャンネル運営する前ーピアノぬ教師とぅしてぃ働ちうぅい、ステージっし演奏すしぇー滅多にねーらんたん。2016年7月にYouTubeチャンネルPanPiano開設しー、ピアノふぃちゅる動画ぬアップロード開始さる[1]。動画内っし小pー顔出しぇーさじ、当時ーコスプレしうぅらんたん。当時ぬ視聴回数ー40,000〜90,000回ふどぅ。2020年4月、チャンネル登録者数が40万人くぃーたるくとぅ記念し、小pー「ONE PIECE」ぬ主人公モンキー・D・ルフィぬコスプレさるくとぅきっかきんかい急速に人気ぬんじたん。すぬ後ぬ動画っしぇー、小pー「涼宮ハルヒシリーズ」ぬ涼宮ハルヒ、「NARUTO」ぬうずまきナルト、「ファイナルファンタジーXIII」ぬサラんでー、コスプレしピアノ演奏始みたん。同月21日、「鬼滅の刃」ぬ完結機んかい、ヒロインぬ竈門禰豆子んかいコスプレしー、アニメぬOP曲「紅蓮華」演奏さる動画公開しー、くぬ動画てぃーちでぃ200万再生達成さん[2][3][4][5]。