桜坂（さくらざか）ーうちなーぬ那覇市牧志んかい所在する歓楽街でぃある。沖縄都市モノレール線・牧志駅西口ぬ国際通りとぅふぃーわ通りんかい直角に面ちゃる南東エリアんかいふぃるがい、第二次世界大戦後ぬ米国統治時代んかえー数百件ぬバー、スナック、キャバレー、映画館などぅが建ち並び、歓楽街とぅしてぃーうちなー内っし最むはねーちょーたん。近年ーモノレールぬ開通などぅっし再び賑わいとぅいむどぅしちちあん。またゲイ・タウンとぅしてぃぬちらんむちゅん。
概要 edit
1970年代以降、歓楽街ぬ中心ー海寄りぬ若狭・辻方面んかいうちー、桜坂地区ぬ飲食店数ー激減さん。国際通りぬ名称ぬ元やたんアーニーパイル国際劇場、グランドオリオン、シネコン琉映などぅぬ映画館ん相次じ閉館。最悪期んかえーうちなーうぅてぃ「桜坂」とぅ言りー「場末」とぅ同義語に近さたん。
2000年代んかいいーねーやっさる賃料とぅ沖縄都市モノレール線ぬ牧志駅んかい近さる立地条件ぬ見ーけーされい、わかむん向きぬカフェてぃがろークラブ、長期滞在者向きぬゲストハウス、「うふっちゅぬ隠り家」的な飲食店が増加し賑わいぬむどぅいちちあん。閉鎖さったるシネコン琉映ぬ桜坂劇場とぅしてぃ新たにオープンしー、なままでぃんかいねーん文化発信ぬ拠点とぅしてぃ再び注目あちみとーん。
また、うちなー唯一ぬゲイ・タウンでぃあり会員制ぬゲイバーぬ点在そーるくとぅっし知らっとーん。桜坂劇場てぃがろーぬじゅみぬ丘公園んかい近さん、桜坂中通りてぃがろー桜坂通り、グランドオリオン通り中心とぅさるエリアんかいゲイバーてぃがろー発展場などぅがあちまとーん。桜坂からはんでぃーしが、国際通りぬ北側てぃがろー、牧志駅ぬとぅない駅ぬ安里駅付近などぅんかいんゲイ施設ぬあい、トータルしーねー36店ふどぅんかいないる[1]。因みにうちなー県全体っしぇーゲイ系店舗・施設などぅー54ヶ所ふどぅある[1]。