『ドラえもん』や大和国ぬ漫画ぬふぃとぅちやん。1969年から小学館ぬ雑誌っし連載さったん。大和うぅてー知名度ぬあい、登場キャラクターてぃがろー登場ふぃみち道具んでー、うぬ世界観が一般社会んかいふぃるく浸透そーん。海外やてぃん、あがりアジア、東南アジア中心んかい高さる人気誇いん[1]。
のび太ー十歳ぬ小学生ぬゐきがやまとぅんちゅっし、心ぬちむじゅらさぬ正直やいびーしが、怠惰でぃ不運でぃ体ぬよーさいびーん。あれーしばしば、無愛想っしいじみっくゎぬ剛田武（ジャイアン）んでぃ、裕福でぃ甘やかさったるゐきが童ぬスネ夫（ジャイアンぬぐー）んかいみみがらりやびーん。同士っし同級生ぬ源静香とぅにーびちすんでぃぬのび太ぬ唯一ぬ夢ー、そーらーさる学生やん出木杉英才ぬ存在にゆってぃ妨ぎらっとーん。
のび太ー、先生とぅうぬたいぬうややん野比玉子とぅ野比のび助から、成績ぬわっさっし常に叱責さりとーいびーん。 うりんかいん、あれー大学んかい入学さんくとぅくくむる失敗んかい陥い続きとーいびーん。ありぬあとぅあとぅぬ家人寿うっかとぅ貧困んかい陥りーる事業立ち上ぎーん。恋さる静香とぅにーびちするぬでーなく、ジャンぬ妹ぬジャイ子とぅにーびちすん。
のび太がうそーぐゎちうったいもーたいとぅ過ぐちょーとぅ、あったに、まーからとぅむなくありぬ未来告ぎーる声ぬちかりー、机ぬふぃちんじゃしーぬ中からドラえもんとぅ、のび太ぬんまがぬんまがぬセワシぬ現りたん。うんななちかさる未来けーいんでぃ、ドラえもん（マヤー型ロボット）とぅしてぃのび太ぬむとぅんかいそーてぃちゃるぬやたん。
ドラえもんーちゃーきのび太とぅかながなーとぅない、のび太んかいいっぺー肝心ぬあいびーん。のび太がくまとーる時ぇー助きやびーしが、「ふぃみち道具」が無謀に使からりーるぬどぅきならんでぃしー、問題悪化さしみやびーん。のび太ー時々ばっぺーやびーしが、ドラえもんぬ助き借てぃ問題はんし、まくとぅしー、うふぉーくぬ経験学び、うじゅみ静香とぅにーびちするくとぅがなやびーん。
詳細や「ドラえもんぬ登場人物一覧」んーちくぃみそーれー。
- ドラえもん
- 主人公ぬてぃーち。未来ぬしけー（22世紀）ぬ青さるマヤーぬ形さるロボット（元からーちーる）ー、うふぉーくぬ「ふぃみち道具」がいっちゃる四次元ぬポケット備えい、のび太ぬなちかさるうんすー回避するようなやびたん。耳ぬゑんちゅんかい噛なーさったるたみ、なちかしそうに泣ち、青くない、タヌキんでぃ思らりーるくとぅがうふさたん。ゑんちゅぬうとぅるさくとぅ、どら焼ちがしちやいびーん。
- 野比のび太
- くぬ作品ぬ主人公ぬてぃーち、ドラえもんぬ世話ぬ対象やん。小学校ぬ5年生とぅしてぃ、学業とぅスポーツぬ水準ーいっぺーふぃくく、先生んかい叱ららりたい、同士んかいみみがらりたいさびーん。源静香がしちやいびーん。ふぃーじーや臆病でぃ不用でぃ、時々いっぺーいじとぅにじでーぬあいびーん。 どぅーぶみーさい、むただいしどぅーぬ悩みむとぅみやびーしが、善うくならんでぃ思とーくとぅ他人助きやびーん。心ぬくまたん、共感的でぃ特性や、物事好転しみーるたみぬ鎖ぬっ子とぅないるくとぅがゆーあいびーん。 射撃、綾取い、ちゃーき眠りんかいちちゅしがじょーじやいびーん。
- 源静香
- のび太ぬ同級生やい同士。うふっちゅぬとぅち、のび太とぅにーびちさん（後にゐきがん子ぬシオンスケ出産さびたん）。ぬちかじり、穏やかな態度っし、平和愛するくとぅ学ばびら。入浴するぬがいっぺーしちでぃ（ふぃーじーや一日にいくけーぬん）、バイオリンふぃどぅく演奏さびーん（元から設定さりやびらんやいびたん）。
- 剛田武
- 激しさんやーそーぶんとぅ強さるたきふどぅ。歌てぃ料理するぬがしちやいびーしが、歌ーいっぺーみーぐりさいびーんしが、どぅーやわかやびらん。んーみー愛し、あんまーうじとーいびーん。力んかいぬ欲求満たすんでぃどぅしみみじゅるぬがしちでぃ、とぅちどぅち前にんじやびーん（あんしとぅちどぅち勇敢でぃ正しさる側面示さびーん）。
- 骨川スネ夫
- チチニぬぐとーるちらとぅ髪型ぬ特徴やいびーん。財産ぬうふくあてぃ家人寿っし生まりー、ゆすぐにぬあちねーむんがいっぺーしちやいびーん。ぶみーさい、くざかしさるくとぅさいするぬがしちでぃ、いっぺー自惚りーん。常に剛田武にゆってぃみみがらりやびーん。
「ドラえもん」が四次元ポケットから取り出ちゃいするくとぅっし登場すん。
- 『もしもボックス』：「むしか」んでぃ想像するくとぅ、現実なちくぃーる道具やいびーん。くーさるにげーからまぎさる野望までぃ、うりむる叶いてぃむらいーんでぃしーねー、ゆくん欲張りなてぃしまいがーたー。
- 『タイムマシン』：過去にん未来んかいん、ちゃーる時代んかいん行かってぃしまいる夢ぬマシンやいびーん。
- 『どこでもドア』：使い方やどぅーやっさん。行ちぶさるばす想象しじょー開きーんがなでぃ、目的地んかい到着なやびーん。
- 『タケコプター』：竹とぅんぶイメージさる外観っし、くーてーんちーこーいりゆーやいびーしが、ちぶるんでーんかい装着するくとぅでぃどぅーやっさぬんかい空とぅぶるくとぅがなやびーん。じちぇー、空ぬ中てーんでぃなく水ぬ中やてぃん使用ないるそうやいびーさ。
- 『人生やり直し機』：うぬ名ぬ通り、うびてぃがろー能力保持さるまま、戻いぶさる年齢んかいむどぅてぃ人生やり直しーる機械やいびーん。
- 『タイムふろしき』：ちちだるむんぬ時間進みたい巻ち戻ちゃいする風呂敷っし、表面や時間ぬ進行、裏面や時間ぬ巻きむどぅしぬ機能ぬあいびーん。にんじんぬケガ治ーちゃい、古さるむんみーむんなちゃいんでぃ、使い道ぬうふさいびーん。
- 『グルメテーブルかけ』：くりふぃるぎてぃ、噛みぶさるむん注文しーねー、うぬ料理ぬ出現するテーブルクロス。料理ぬ味んいっぺーまーさんでぃぬくとぅ。料金ぬ発生さんぐーとぅーでぃ、くりちょーんあれー一生噛むるぬんかいくまやびらんやー。
- 『ほんやくコンニャク』：くり噛むるくとぅにゆり、えーてぃぬ言葉ぬ翻訳さりてぃちかりー、どぅーぬくとぅばんえーてぃんかい翻訳さりてぃちかりーるようなやびーん。人間てーんでぃなく、いちむしてぃがろーロボットとぅぬ会話んかいん有用。会話てーんでぃなく文字ん分かいるようなやびーん。
- 『アンキパン』：教科書てぃがろーノートんでー暗記しーぶさるむん転写しかみねー、内容うぬままうびーるくとぅがないる食パンやいびーん。ただし、暗記ないる量ーパンぬ分量とぅ比例するたみ、どぅーぬ噛まりーんがなぬキャパシティーん考慮さんだれーなやびらん。
Template:Main
ドラえもん映画作品っしぇー、『ドラえもん』ぬアニメ映画作品あちかいん。
シリーズー1980年に始まい、すぬ後めーにん1本ぬ映画ぬ公開さりやびたん。 くぬシリーズー、めーにん数百万人ぬ視聴者とぅ数十億円ぬ興行収入維持そーいびーん。2013年ぬ総視聴者数ー公式に1億人くぃー、しけーっし最む売りとーるやまとぅぬアニメーション映画シリーズとぅなとーいびーん。なま、興行収入ぬ最むうふく、視聴者数が最むうふさる2D映画ー2018年ぬ『のび太の宝島』っし、53.7億円、470万人。
Wikimedia Commons
