Wp/ryu/シーサー

シーサーー、うちなーんでーっしんーだりーる伝説ぬ獣像。魔どぅきーぬちむえーむち、やーぬうぃーぬうぃーんかい設置さりーるくとぅがうふさんでぃさりとーん

かーらやーぬうぃーぬうぃーぬシーサー（なぐー）

概要

なめーや「獅子（しーしー）」（元ーサンスクリット語ぬライオン、シンハー）うちなーぐちっし発音さしでぃある。えーまくとぅばっしぇーシィーシィー、シーシ－んでぃいーん。

スフィンクスてぃがろー唐ぬ国ぬ石獅（石獅子）、やまとぅ本土ぬ狛犬なっくぇーいぬぐとぅ、源流ー古代オリエントぬライオンんでぃちてーらっとーん。犬でぃぬ説んあしが、うちなーんかい関連ぬ深さたる中国てぃがろー南方からぬ影響かんげーてぃんちゃ獅子でぃあるうでぃぬ意見てぃがろー、またうぬうとぅからん獅子とぅ断言さりーるくとぅがあん。唐ぬ国南部てぃがろー台湾んかえーかじ獅爺、かじ獅んでぃゆばりーる石造ぬ獅子風除きぬ守りとぅしてぃ設置するふーじぬあい、くりらがシーサーんでぃ訳さりーるくとぅがあん。

『球陽』んかいゆれー、始まれー1689年ぬくとぅでぃ、当時くゎじぬ頻発しなんじそーたる人々ぬふんし師んかい助言むとぅみたるとぅくる、うぬふんし師ー八重瀬岳ぬ影響にゆるむんでぃいー、くりふしじゅんがー獅子ぬ像ちゅくいうぬ山んかいんきてぃ設置するぐとぅんでぃ助言さん。住民ぬうぬ言に従ってぃシーサー設置さるとぅくるくゎじぇー発生さんなたんでぃぬむんやん。なう、くぬとぅちに設きらったるシーサーや現存しうぅい、現存最古ぬむんでぃさりーる。

一体っしいしらりーるくとぅん、仏教ぬ影響が阿吽像一対っしいしらりーるくとぅんあるが、単体やかん一対っしいしらりーるくとぅぬ方がうふさんでぃん言らりーん。阿吽ぬ違いにゆり雌雄ぬ別ぬあい、各々役割ぬあんでぃぬ。一般的に口ぬふぃらちゃるシーサーぬ雄っしんかてぃにじりむてぃんかいいしー、福招き入れい、口くーたるシーサーぬ雌っしんかてぃふぃじゃいむてぃんかいいしー、あらゆるしーらやーんかい入りらんでぃさりとーんが、口ぬ開けいみちーにゆる雄雌ぬみーわきんかえー議論ぬあんでぃぬTemplate:Refnest。

各戸ぬやーぬうぃーぬうぃーんかいいしらりーるようなたしぇー、庶民んかい瓦葺きぬ許さりーるようなたる明治以降やん。うりまでー、寺社てぃがろーぐしくぬじょー、御嶽（うたき）、でーみょーぬ墓陵、村落ぬ出入り口等んかい設置さりーんぬみやたん。材質ー石てぃがろー陶器（素焼きあらんでぃすむち焼き）、むちにゆるぬが基本やんしが、近年うぅてーコンクリートてぃがろー青銅製ぬむぬんあん。

造形ー一定っしぇーなくさまざまな表情てぃがろー姿勢見しーん。

参考文献

• 荒木正純 監修 『知っておきたい天使・聖獣と悪魔・魔獣』 西東社、2007年、122-123頁。ISBN 978-4-7916-1489-9。
• 東ゆみこ 監修 『世界の「神獣・モンスター」がよくわかる本：ドラゴン、ペガサスから鳳凰、ケルベロスまで』 PHP研究所、2007年。ISBN 978-4-569-66820-8。
• 屋嘉宗克 「島の民俗信仰祀ついて」 『沖大論叢』 沖縄大学、35-47頁、1963年。ISSN 03871630。

関連項目

• 石敢當
• 狛犬
• 鬼瓦 - 鯱 - ガーゴイル- 鍾馗像
• 嘲風