Мелания Планчак (*6. новембер 1954. - †16. децембер 2015.), рускокерестурска фотоґрафка, видеознїмателька и хронїчар културного, економского и дружтвеного живота Руского Керестура
| Мелания Планчак | |
|---|---|
| Народзена | 6. новембра 1954. |
| Умарла | 16. децембра 2015. (62) |
| Державянство | югославянске, сербске |
| Язик творох | руски, сербски |
| Школа | Економско-тарґовецка, Кула |
| Период твореня | 1988.-2014. |
| Жанри | фотоґрафия, видео запис |
| Похована | у Руским Керестуре |
Биоґрафия edit
Мелания Монар народзена 6. новембра 1954. року у Руским Керестуре Оцец Владимир и мац. Основну школу закончела у Руским Керестуре а Економско-тарґовецку школу у Кули. По законченю штреднєй тарґовецкей школи єден час робела як тарґовкиня, а концом 80. рокох прешлого вику ше почала занїмац з фотоґрафию и видео-знїманьом, цо пошвидко постала єй главна професия.
Мелания Монар ше одала за Планчака. У малженстве мали сина Владимира.
Мелания, вєдно зоз сином Владом, основала Фото-студио „Планчак” и од початку 90. рокох була єдна з главних фотоґрафкох и знїмателькох шицкого цо ше збувало у Руским Керестуре и вообще медзи Руснацами, алє и ширше, понеже робела и у Кули, Вербаше, Коцуре, робела и у местох дзе жиє словацка национална меншина и других.
Мелания Планчак фотоґрафовала и знїмала шицки подїї – од приватних збуваньох значних за фамелиї, та прейґ шицких других у дружтвеним, образовним, културним, церковним, спортским и привредним живоце Керестура, так же прейґ фотоґрафиї и видео-знїмкох, як и скорейших керестурских фотоґрафох, и єй робота на одредзени способ доприноши терашньому и будуцому архивованю и историї Руского Керестура.
Мелания Планчак окреме добре познала нашо звичаї з рижних нагодох, як цо то свадзби, так же и у тей часци допринєсла очуваню, як и одредзеному осучасньованю свадзебного протоколу. Пре єй наисце вредну, точну и нєсебичну роботу, у Керестуре и ширше велї ю познали под назвиском „Фото Тета”.
Мелания Планчак була членїца Здруженя ремеселнїкох и приватних привреднїкох Руского Керестура, а зоз своїма фотоґрафиями и знїмками збуваньох и части спонзор рижним орґанизацийом.
Мелания Планчак умарла 16. децембра 2015. року, у 62. року живота. Похована є 17. децембра на керестурским теметове.
Литература edit
Подобова творчосц Руснацох: Мелания Планчак, уметнїк фотоґраф - Дружтво за руски язик, литературу и културу, Нови Сад, 2003, б. 95.
Вонкашнї вязи edit
З продукциї Студия "Планчак":
250 роки од снованя керестурскей парохиї (1) - Симпозиюм и вистава Scientific symposium and Exhibition
250 роки од снованя керестурскей парохиї (2) - Шветочна Служба Божа Solemn Mass
250 роки од снованя керестурскей парохиї (3) - Шветочна академия Solemn spiritual performance
250 роки од снованя керестурскей парохиї (4) - Служба Божа у Водици Procession to Vodica and Divine liturgy
Руски Керестур, скица за єден портрет, Студио "Планчак"
Умарла Мелания Планчак (1954-2015), Михайло Зазуляк, Рутенпрес, 18. децембер 2015.
Melanija Plančak (1954 - 2015), Firma: Večni pomen, Sremska Kamenica