Куна – єст два файти куни: куна златка (Martes martes L.) и била куна (Martes foina E.). Спадаю до цицарох зоз шора жвирох (Carnivora), вельки су як домашня мачка, алє ценши и з барз грубим хвостом.
| Куна златка | |
|---|---|
 | |
| Наукова класификация | |
| Домен:
Царство: Тип: Класа: Ряд: Надфамилия: Типски род: |
Eukaryota
Animalia Chordata Mammalia Carnivora Musteloidea Mustela |
| Биномне мено | |
Martes martes
| |
Куна златка
Куна златка жиє по лєсох, барз схопнє ше ґрабе по древох. Воднє ше скрива у дзирох старих древох и напущених гнїздох вивиркох и вельких птицох.
Била куна ше затримує нєдалєко од чловека, по валалох и викенд-населєньох.
Обидва файти кунох активни вноци. Єдза и животиньску и рошлїнску покарму (дробни цицаре, птици, инсекти, алє и бобки, овоц, печарки).
.jpg)
Била куна
Медзи собу ше розликую по дзпоєдних характеристикох: златка ма цму морду, а била блядшу, пега на гарлє и першох при златки жовкастей фарби, а при билей куни – билей. Златково ножки маю вецей шерсци.
Ловаре их ловя пре фину и драгу бундичку. У Войводини су защицени зоз законом як природни ридкосци и находза ше на червеней лїстини загрожених файтох похребцинарох.
Литература
- Енциклопедия Нового Саду 12, КОС -ЛЕР, Нови Сад 1999, б. 191
- Симоновић, Д. и сарадници. 1953. Природописни атлас СИСАРИ. Знање: Београд
- Чинери, М. Велика енциклопедија животиња. ИТП Змај: Нови Сад. 2001. ISBN 978-86-489-0303-7.