Звонимир Павлович (*15. юлий 1955. - †14. януар 2022. ), ґлумец-аматер, режисер и драматурґ
Звонимир Павлович edit | |
|---|---|
| Народзени | 15. юлия 1955. року |
| Умар | 14. януара 2022. року (67) |
| Державянство | югославянске, сербске |
| Язик творох | руски |
| Школа | Ґимназия „Йован Йованович
Змай“ Нови Сад |
| Период твореня | 1977-2021 |
| Жанри | ґлума, режия, драматурґия |
| Поховани | Новосадски городски теметов |
Биоґрафия edit
Звонимир Павлович ше народзел 15. юлия 1955. року у Руским Керестуре у службенїцкей фамелиї. Родичи, оцец Янко и мац Мелания родз. Джуня ше пошвидко преселєли до Нового Саду, та Звонимир там закончел основну и штредню школу, а тиж и студирал историю на Филозофским факултету у Новим Садзе. Робел перше у новинскей хижи „Дневник“, а вец у фирми „.Фри прес“.
Родичи Звонимира Павловича Янко и Мелана Павловичово були активни театрални аматере и тоту їх любов пренєсли и на сина Звонимира. Уж 1975. року як ґимназиялєц у новосадскей ґимназиї „Йован Йованович Змай“ участвовал у заєднїцким драмским проєкту матурантох. Свойо театралне знанє Звонимир Павлович усовершел у Драмским студию АРТ „Дядя“ 1976. и 1978. року. Перше ґлуму, а вец и режию.
Опробовал ше и як драмски писатель. НВУ „Руске слово“ му обявела штири драмски тексти под насловом „Клїтка за щешлївих“ 2011. року, а 2013. року у часопису „Шветлосц“ обявел драму “Зазбероваче труплох“ инспировану зоз траґичну судьбу др Гавриїла Костельника, зачатнїка нашей уметнїцкей литератури и автора першей рускей ґраматики. У 2018. року часопис „Шветлосц“ му обявел и драму „Бабушка“, по мотивох Т. Кушнера и Ф. Кафки, котру истого року прапремиєрно поставел на сцену у РКЦ у Новим Садзе, а вец на 50. Драмским мемориялу.
Ширшей явносци є познати и як телевизийни ґлумец. Участвовал у вецей бавених телевизийних програмох, як автор телевизийних сценарийох и як режисер радио драмох. Бул єден з найпознатших руских режисерох-аматерох, котри провадзел сучасни театрални тренди у нас и у швеце, и любел експериментовац на сцени. Найвецей награди достал за ґлуму на Покраїнским фестивалу малих и експерименталних сценох у Панчеве.
Звонимир Павлович умар 14. януара 2022. року у Новим Саду. Поховани є на новосадским городским теметове.
Театрална активносц Звонимира Павловича edit
Ґлумел:
1980. Д. Ковачевич: РАДОВАН ТРЕЦИ (Келнер)
1982. Дю. Папгаргаї: ТЕЛЕФОН МОЙ ПРИЯТЕЛЬ (Мойсей)
1983. А. Жари: КРАЛЬ ИБИ (Оцец Иби)
1984. Ґ. Стефановски: ХАЙ-ФАЙ (Мойсей)
1985. С. Стратиєв: АВТОБУС (Нєодвичательни)
1989. Ґ. Михич: БИДНИ МАЛИ ГЕРЧКИ (Други)
1990. С. Бекет: КОНЄЦ ПАРТИЇ (Хам)
ТВ филм
Мирон Канюх: "Ратунок", режисер Зоран Шарич, Телевизия Нови Сад, 1980-тих
Режирал:
1986. К. и Й. Чапек: ИНСЕКТИ
1987. Н. Дудаш - З. Павлович: ЗАБРАНЄНА РЕПРОДУКЦИЯ
1988. Б. Грабал - В. Нїват: ТАНЄЧНА ШКОЛА ЗА ОДРОСНУТИХ
1989. Ґ. Михич: БИДНИ МАЛИ ГЕРЧКИ
1990. С. Бекет: КОНЄЦ ПАРТИЇ
1993. С. Мрожек: ТАНҐО
1995. С. Мрожек: СКРАВЕЦ
1996. А. Б. Руцанте: МУШКА
1998. Ф. Диренмат: СИНДРОМ
2002. Драматиз. З. Павлович: ЗАБАВА
2003. Дж. Ливинґтон: АЗ ЄСМ
2008. По текстох Ю. Надя: МАЧКА
2013. По текстох Ю. Надя: МАЧКА
2014. Христо Бойчев: ОРКЕСТЕР ТИТАНИКДрамски студио РКЦ, Нови Сад
2015. Танкрет Дорст:"DIE KURVE"/АБО "КРИВИНА"
2016. Миро Ґавран: БОЖЕСКА НОЦ
2018. З. Павлович (по мотивох Т. Кушнера и Ф. Кафки): БАБУШКА
2019. З. Павлович: ПОТВОРИ театрални фалат Звонимира Павловича, ТВ Войводина, май 2019.
2019. З. Павлович: ПОТВОРИ знїмок зоз премиєри 1. марца 2019.
Литература edit
1. Зазбероваче труплох Драми
Вонкашнї вязи edit
1. Интервю з причину Звонимир Павлович
2. Портрет Звонимира Павловича у ТВ сериї Мой швет
3. Zvonimir Pavlović / Dramski studio RKC u Novom Sadu Dramatické štúdio RKC v Novom Sade