Звонимир Няради (*14. фебруар 1966. - †15. април 1993.),белетрист и литературни критичар медзи войводянскима Русинами/Руснацами.
| Звонимир Няради | |
|---|---|
| Народзени | 14. фебруара 1966. |
| Умар | 15. априла 1993. (27) |
| Державянство | югославянске |
| Язик творох | руски |
| Школа | Ґимназия, Руски Керестур |
| Универзитет | Оддїл за русинистику,
Филозофски факултет Нови Сад |
| Период твореня | 1980 - 1992 |
| Жанри | литература |
| Поховани | у Руским Керестуре |
Биоґрафия edit
Звонимир Няради ше народзел 14. фебруара 1966. року у Руским Керестуре. Оцец Владимир и мац Славка родз. Кевежди. По законченю рускей ґимназиї у Руским Керестуре Няради студирал руски язик и литературу на Новосадским универзитету. Обявйовал свойо твори у Литературним слове, у часописох МАК и Шветлосц, Поля. Обявел два збирки поезиї, Обшеднути зоз цинями (1987) и Особне нєбо (1990), на основи хторих го критичаре кладли медзи найталантованших руских поетох младшей ґенерациї. Лирска поезия Звонимира Нярадия виполнєна зоз интелектуалнима квалитетами и глїбокима рефлексиями о швеце и о власней особи. Нярадийово роботи прекладани на сербскогорватски, українски и мадярски. Бул вецейнїсти побиднїк рочного поетского фестивала “Струни шерца” у Руским Керестуре.
Литературна творчосц edit
Звонимир Няради за живота видал два кнїжки поезиї а треца му вишла посмертно а пририхтал ю до друку Ваня Дула:
- Обшеднути зоз цинями. — Нови Сад: Руске слово, 1987;
- Особне нєбо. Писнї. — Нови Сад: Руске слово, 1990;
- Капка ми ружа до ока. — Нови Сад: Руске слово, 2015.
Посмертни Нярадийов magnum opus облапя два збирки поезиї (Обшеднути зоз цинями, 1987 и Особне нєбо, 1990), а ґу тому додати його поетски циклуси (Врацанє ґу гвиздом, 1988; Сон о пиcнї, 1992; Добудовйованє нєба, итд.). Окрем того, за Нярадийом остало вельо поезиї у рукопису и тот материял, з часом, будзе зредаґовани и порихтани до друку у окремней кнїжки.
Звонимир Няради ше зявйовал и як литературни критичар хтори анализовал сучасну руску поезию и творчосц младшей ґенерациї.
Звонимир Няради умар 15. април 1993. року (самозабойство). Поховани є у Руским Керестуре.
Литература edit
Niaradi, Zvonimir, Encyclopedia of Rusyn History and Culture, Paul R. Magocsi and Ivan Pop, University of Toronto Press, 2005, p. 352.
Ю. Тамаш. История рускей литератури. — Беоґрад: Завод за учебнїки и наставни средства, 1997, с. 358–, 588–.
In memoriam. Звонимир Няради (1966–1993). — Шветлосц, рок XXXI, Нови Сад, 1993, ч. 1–2, с. 3;
Вонкашнї вязи edit
Zvonimir Njaradi Opsednutost senkama, Polja, časopis za književnost i teoriju, 1986. br. 334
Няради Звонимир, Русиньска Веб-книга, сайт о литературѣ и языку
Представени перши том позбераних творох Звонимира Нярадия, Рутенпрес, 15. април 2016.
Твориц значи ясно видзиц, Рутенпрес, 8. авґуст 2016.
Ваня Дула: Особне нєбо и цудза жем //Шветлосц, 2016, №3, сс. 425–428
Звонимир Няради, Русиньска Вiкiпедiя, Igor Kercsa, 15. фебруар 2021.
Няради, Звонимир, А. Д. Дуличенко: Русины Малая энциклопедия, Руснаци у Панониї,
КАПКА МИ РУЖА ДО ОКА Звонимир Няради, Нова Думка ч.228, 2/2022, б. 17
Посмертни оглашки Звонимир Няради, Руске слово