চিলারায় বা বীর চিলারায় এর (উব্জন:১৫১০ - মরণ:১৫৭১) প্ৰকৃত নাম আছিল শুক্লধ্বজ। উমার বাপ ষষ্ঠদশ শতিকার কামতা রাইজ্যের প্ৰতিষ্ঠাপক বিশ্বসিংহ,মাও পদ্মাৱতী আরো ভ্ৰাতৃ রাজা নরনারায়ণ। উমা রাজা নরনারায়ণের সুদক্ষ সেনাপতি আছিল। উমা চিলার নাখান করি ছোঁ মারিয়া যুদ্ধ করছিল,সেইবাদে উমাক চিলারায় বুলিয়াও জানা যায়। চিলারায়ে দেওয়ান বা মন্ত্ৰীর কামো করিছিল, ঐবাদে উমাক মানষিয়ে চিলারায় দেওয়ান বুলি ক'ছিলো। উমার বীরত্ব আরো দূরদর্শীতার বাদে কোচ-কামতাপুরী সৈন্যয় ভূটীয়া, কছারী আরো আহোম সৈন্যক অনেকয়খান যুদ্ধত পরাস্ত করছিল।
উমার উব্জন দিন মাঘী পূৰ্ণিমাত বীর চিলারায় দিৱস হিসাবে পালন করা হয়।
উব্জন আরো বংশ চিনাকিEdit
ইতিহাসত পাওয়া যায় যে, কোচ রাইজ্যের প্ৰতিষ্ঠাতা বিশ্ব সিংহয়ে ১৯ জন কুঁৱৰী বিবাহ করাইছিলেন। কুঁৱৰী সকলের ভিতিরাত সবথাকি জ্যেষ্ঠজন নেপালের আছিল– উমার বেটা নরসিংহ। গৌড়ের দুইঝন কুঁৱৰী আছিল, হেমপ্ৰভা আরো পদ্মাৱতী দেৱী। নর নারায়ণ হেমপ্ৰভার পুত্ৰ আরো শুক্লধ্বজ পদ্মাৱতীর পুত্ৰ আছিল। বিশ্ব সিংহের মোট ১৯ জন পুত্ৰ আছিল বুলি বুরঞ্জীত পাওয়া যায়।