Wp/rkt/যেঠেই যাং অ'ঠেই নিযা যাং তোৰ মৃতদেহ

যেঠেই যাং অ'ঠেই নিযা যাং তোৰ মৃতদেহ

মুঁই নষ্ট শিব
সতী, যেঠেই যাং অ'ঠেই নিযা যাং তোৰ মৃতদেহ

সতী, তুই কি বুজবি মোৰ বুকেৰ ব্যেথা
সতী, তুই কি বুজবি মোৰ বুকেৰ জ্বালা

সতী, তুই হীনতাত টান দেং ছিলিমত
ধোঙা আৰ্ ধোঙা
ধোঙাৰ মৈদ্ধত ডুবিয়া তোৰ শৰীৰেৰ ছবি আকাং

মুঁই নষ্ট শিব
ছিলিমত টান দেং
ধোঙাৰ মৈদ্ধত নিজকে হাৰাং

তোৰ বাপ দক্ষ মহাৰাজ
কি বাল বুজিব মোৰ মনেৰ কথা
মুঁই জামাই তো ধঙুআ
ধঙুআ মাতাল
দুখ্য লাইগলে ছিলিমতে দেং টান
তাৰ পৰেও সতী তোক
তোকেই মুঁই ভালাপাং

মুঁই নষ্ট শিব
অল্পতে খুশি
যায যি চায় তাকেয় দেং বুক উজৰিয়া
দিয়া দিয়া নিস্ব
নিজেৰ কিছুই নাই
নিদ্ৰাহীনতাই আমৰা দিন কাটাই

কৈলাসত তুই নাই
তুই এলা আকটা শ
মুঁই অৰেয় বেআলো

বেআলোত মাতাল হং
ঘাৰত তুলুং তোৰ মৃতদেহ
যেঠেই যাং অ'ঠেই নিযা যাং

তোৰ শাখা খসে খসুক
তোৰ নাক পৰে পৰুক
তোৰ কাণ ছিড়ে ছিড়ুক
তোৰ মাধা ভাঙে ভাঙুক
খালি তোৰ কইল্জাটা থাইকেলয় হয়
যাক মুঁই ভালাপাং
যাৰ জৈন্যে মুঁই
দিন আৰ ৰাইত কাটাং

ණ‌ কন্দর্পজিৎ কল্লোল